એશિયા કપની ફાઈનલ મેચના સમયમાં ફેરફાર, જાણો કેટલા વાગે રમાશે મેચ
- અગાઉ 28 જુલાઈએ સાંજે 7 વાગ્યે રમાવાની હતી મેચ
- ACC દ્વારા સત્તાવાર જાહેરાત કરાઈ
નવી દિલ્હી, 25 જુલાઈ : મહિલા એશિયા કપને હવે એક નવી ચેમ્પિયન ટિમ મળવા જઈ રહી છે. સેમિફાઇનલની ચાર ટીમો બહાર આવી છે. આ સાથે તેની લાઇનઅપ પણ નક્કી કરવામાં આવી છે. બંને સેમિફાઇનલ 26મી જુલાઈએ રમાશે અને ત્યારબાદ 28મી જુલાઈએ ફાઈનલ રમાશે. દરમિયાન, મોટા સમાચાર એ છે કે એશિયા કપ 2024 ફાઈનલ મેચનો સમય બદલાઈ ગયો છે. ACC દ્વારા આની સત્તાવાર જાહેરાત કરવામાં આવી છે.
આ પણ વાંચો : વડોદરામાં વિશ્વામિત્રી નદીએ ભયજનક સપાટી વટાવી, પુરના પાણી શહેરમાં ઘૂસ્યા
ભારતીય મહિલા ટીમ સેમિફાઇનલમાં બાંગ્લાદેશ સામે ટકરાશે
ભારત અને પાકિસ્તાન ઉપરાંત બાંગ્લાદેશ અને શ્રીલંકાની ટીમો એશિયા કપ 2024ની સેમી ફાઇનલમાં પહોંચી છે. બાકીની ટીમોની રમત પૂરી થઈ ગઈ છે. 26 જુલાઈએ પ્રથમ સેમિફાઈનલમાં ભારતનો મુકાબલો બાંગ્લાદેશ સામે થશે. આ મેચ દિવસના 2 વાગ્યાથી રમાશે. આ પછી બીજી સેમિફાઇનલમાં પાકિસ્તાનનો મુકાબલો શ્રીલંકા સામે થશે. આ મેચ તે જ દિવસે સાંજે 7 વાગ્યાથી રમાશે. આ પછી એક દિવસનું અંતર રહેશે અને તે પછી ફાઈનલ મેચ રમાશે. ફાઈનલ મેચ 28મી જુલાઈને રવિવારે રમાશે. પહેલા આ મેચ સાંજે સાત વાગ્યાથી યોજાવાની હતી, પરંતુ હવે તેના સમયમાં ફેરફાર કરવામાં આવ્યો છે. હવે વિમેન્સ એશિયા કપની ફાઈનલ બપોરે 3 વાગ્યાથી રમાશે.
How excited are you for the playoffs? 😍#WomensAsiaCup2024 #ACC #HerStory pic.twitter.com/PY5ELVdTOg
— AsianCricketCouncil (@ACCMedia1) July 25, 2024
એશિયા કપ 2024ની ફાઈનલ હવે બપોરે 3 વાગ્યાથી રમાશે
આ માહિતી એસીસી એટલે કે એશિયા ક્રિકેટ કાઉન્સિલ દ્વારા સોશિયલ મીડિયા પર આપવામાં આવી છે. ACCએ કહ્યું છે કે સેમિ-ફાઇનલ મેચો પહેલાથી જ નક્કી કરેલા શેડ્યૂલ મુજબ જ યોજાશે. ફાઈનલની તારીખ બદલાઈ નથી, માત્ર સમય બદલાયો છે. જો કે તેની પાછળનું કારણ જણાવવામાં આવ્યું નથી, પરંતુ એવું માનવામાં આવે છે કે તે જ દિવસે ભારત અને શ્રીલંકા વચ્ચે પુરુષ ટીમની મેચ હશે, જે સાંજે સાત વાગ્યાથી રમાશે. શક્ય છે કે બંને મેચ એક સાથે ન યોજાય તે માટે આ નિર્ણય લેવામાં આવ્યો હોય. જો એશિયા કપની ફાઈનલ દિવસના 3 વાગ્યે શરૂ થાય છે, તો તે 7 વાગ્યા પહેલા સમાપ્ત થઈ જશે. આ પછી ભારત અને શ્રીલંકા વચ્ચે T20 શ્રેણીની બીજી મેચ શરૂ થશે.
આ પણ વાંચો : ન્યાયતંત્ર સામે આવ્યો એક પેચીદો કેસ, SCના જજોના મત પણ અલગ અલગઃ ચુકાદો શું આવશે?
