શું મોદી સરકારના બજેટથી નીતિશ કુમાર ખુશ છે? જાણો બજેટ અંગે શું આપ્યો પ્રતિભાવ
- મોદી સરકારના બજેટ પર ખુશી વ્યક્ત કરતા મુખ્યમંત્રી નીતિશ કુમારે કહ્યું કે બિહારને કેન્દ્ર સરકાર તરફથી સંપૂર્ણ મદદ મળી રહી છે. અમે વિશેષ અધિકારો માટે વિશેષ દરજ્જો કે મદદ આપવાની વાત કરી હતી
બિહાર, 23 જુલાઈ: મોદી સરકારના સામાન્ય બજેટને લઈને બિહારના મુખ્યમંત્રી નીતિશ કુમારની પ્રતિક્રિયા આવી છે. મીડિયા સાથે વાત કરતા તેમણે કહ્યું કે અમે બજેટથી ખુશ છીએ. અમે વિશેષ દરજ્જા માટે આંદોલન કરી રહ્યા હતા. જેઓ આજે બોલી રહ્યા છે, જ્યારે તેમની પાર્ટી કેન્દ્રમાં હતી ત્યારે તેઓએ શું કર્યું? અમે આ માટે સતત બોલતા રહ્યા છીએ. અમે કહ્યું કે વિશેષ રાજ્યમાં જાઓ અને વિશેષ દરજ્જો આપો અથવા વિશેષ અધિકારો મેળવવામાં મદદ કરો. અમે કહ્યું હતું કે બિહારને મદદ કરો, ત્યાર બાદ હવે ઘણી બાબતોમાં મદદની જાહેરાત કરવામાં આવી છે.
બિહારને કેન્દ્ર સરકાર તરફથી સંપૂર્ણ મદદ મળી રહી છે: નીતિશ કુમાર
મુખ્યમંત્રી નીતિશ કુમારે કહ્યું કે બિહારને કેન્દ્ર સરકાર તરફથી સંપૂર્ણ મદદ મળી રહી છે. જો વિશેષ દરજ્જો નથી આપવામાં આવ્યો તો તેના બદલામાં બિહારના વિકાસ માટે જેટલી મદદ જોઈતી હતી તેટલી મદદ કરવામાં આવી રહી છે. તેમણે કહ્યું કે પહેલા બિહારની હાલત ખરાબ હતી. હવે કેટલા રોડ, રસ્તા અને શાળાઓ બની ગઈ છે, પટનામાં પણ ઘણું બધુ કામ થયું છે.
નીતિશ કુમારે ટ્વિટ કરી કર્યા બજેટના વખાણ
સીએમ નીતિશે મોદી સરકારના બજેટના વખાણ કરતા ટ્વિટ કર્યું અને લખ્યું કે કેન્દ્ર સરકાર દ્વારા આજે રજૂ કરવામાં આવેલ બજેટ સકારાત્મક અને આવકારદાયક છે. આ બજેટમાં બિહારની જરૂરિયાતો પર વિશેષ ધ્યાન આપવામાં આવ્યું છે. આ અંતર્ગત માનવ સંસાધન વિકાસ અને બિહારના મૂળભૂત વિકાસ પર વિશેષ ધ્યાન આપવામાં આવ્યું છે. આ બજેટમાં બિહારમાં રોડ કનેક્ટિવિટી પ્રોજેક્ટ્સ, પાવર પ્રોજેક્ટ્સ, એરપોર્ટ, મેડિકલ કોલેજ અને સ્પોર્ટ્સ સ્ટ્રક્ચર માટે વિશેષ ભંડોળની જોગવાઈ કરવામાં આવી છે. તેમજ બજેટમાં બિહારના પ્રવાસન સ્થળોના વિકાસ માટે વિશેષ સહાયની જાહેરાત કરવામાં આવી છે.
आज केन्द्र सरकार द्वारा प्रस्तुत किया गया बजट सकारात्मक एवं स्वागत योग्य है। इस बजट में बिहार की जरूरतों का विशेष ध्यान रखा गया है। इसके तहत बिहार के मानव संसाधन विकास एवं बुनियादी विकास पर विशेष ध्यान दिया गया है। इस बजट में बिहार की सड़क सम्पर्क परियोजनाओं, विद्युत परियोजनाओं,…
— Nitish Kumar (@NitishKumar) July 23, 2024
‘બિહારને પૂરથી બચાવવા માટે બજેટમાં મોટી જાહેરાત પણ કરવામાં આવી છે. કોસી-મેચી નદીને જોડવાની યોજના, નદી પ્રદૂષણ ઘટાડવા અને સિંચાઈ યોજનાઓ માટે વિશેષ નાણાકીય સહાયની જાહેરાત કરવામાં આવી છે, જે આવકાર્ય છે.’ બિહાર માટે બજેટમાં વિશેષ જોગવાઈ કરવા બદલ વડાપ્રધાન નરેન્દ્ર મોદીનો અને નાણામંત્રી નિર્મલા સીતારમણનો વિશેષ આભાર માન્યો છે. ‘બજેટમાં બિહાર માટે કરવામાં આવેલી આ જાહેરાતો બિહારના વિકાસમાં મદદ કરશે. આશા છે કે ભવિષ્યમાં પણ કેન્દ્ર સરકાર બિહારના વિકાસમાં આ જ રીતે અન્ય જરૂરિયાતો માટે મદદ કરશે.’
મોદી સરકારના બજેટમાં બિહારને અનેક પ્રોજેક્ટ માટે 26 હજાર કરોડ રૂપિયાનો પ્રસ્તાવ મૂકવામાં આવ્યો છે. જેમાં રસ્તા, એરપોર્ટ, પુલ અને આરોગ્ય ક્ષેત્ર અને પૂર નિયંત્રણનો સમાવેશ થાય છે. આ સિવાય 21 હજાર કરોડ રૂપિયાના પાવર પ્લાન્ટની પણ જાહેરાત કરવામાં આવી છે.
આ પણ વાંચો: સરહદ સુરક્ષા-ઘરેલું ઉત્પાદનો પર ભાર…સંરક્ષણ બજેટમાં ગયા વર્ષ કરતાં જુઓ કેટલા કરોડનો કરાયો વધારો
