- મહિલાઓ, બાળકો અને વરિષ્ઠ નાગરિકોને સૌથી વધુ ફાયદો થશે
- શહેરમાં 205 વિસ્તારોમાં ઈમરજન્સી કોલ બોક્સ લગાવવામાં આવ્યા
અમદાવાદ, 23 જુલાઈ 2024, શહેરમાં મહિલાઓની સુરક્ષા મુદ્દે પોલીસ સક્રિય થઈ ગઈ છે. શહેરમાં કેટલાક થાંભલાઓ પર લગાવવામાં આવેલા બોક્સ નજરે પડી રહ્યાં છે. આ બોક્સની સામે ઉભા રહીને લોકો વાતો કરી રહ્યાં છે. આ જોઈને ત્યાંથી પસાર થતાં અનેક લોકોના મનમાં સવાલ થઈ રહ્યો છે કે આ શું છે. હવે અમદાવાદમાં તમારી સાથે કોઈ અનિચ્છનિય ઘટના બને તો વધારે ચિંતા કરવાની જરૂર નથી.પોલીસ નાગરિકોને દરેક સ્થિતિમાં મદદ કરવા માટે તૈયાર છે.તમારે ઇમરજન્સી કોલ બોક્સમાં ઇન્સ્ટોલ કરેલું બટન દબાવવું પડશે અને પોલીસ તમારી મદદ માટે આવશે. શહેરમાં 205 વિસ્તારોમાં ઈમરજન્સી કોલ બોક્સ લગાવવામાં આવ્યા છે.
#WATCH | Gujarat: Emergency call boxes installed in several areas in Ahmedabad for the safety of women, children and senior citizens (22/07) pic.twitter.com/xH0fiE0HVh
— ANI (@ANI) July 22, 2024
આ ‘નિર્ભયા સેફ સિટી’ પ્રોજેક્ટ હેઠળની પહેલ છે
પ્રાપ્ત વિગતો પ્રમાણે અમદાવાદના સ્પેશિયલ પોલીસ કમિશનર અજય કુમાર ચૌધરીએ જણાવ્યું કે, મહિલાઓ, બાળકો અને વરિષ્ઠ નાગરિકોની સુરક્ષા માટે અમે 205 વિસ્તારોમાં ઈમરજન્સી કોલ બોક્સ લગાવ્યા છે. જો કોઈને કોઈ સમસ્યાનો સામનો કરવો પડે તો તેઓ આ બોક્સના બટનને દબાવી શકે છે અને પોલીસ કંટ્રોલ રૂમને વીડિયો કૉલ કરશે અને પોલીસ તરત જ મદદ માટે આવશે. આ એક દ્વિ-માર્ગી સંચાર વ્યવસ્થા છે. આ ‘નિર્ભયા સેફ સિટી’ પ્રોજેક્ટ હેઠળની પહેલ છે. આ માટે કેન્દ્ર અને રાજ્ય સરકારોએ ફંડ આપ્યું છે. અમને દરરોજ સરેરાશ 50 કોલ આવે છે.
#WATCH | Ajay Kumar Chaudhary, Special Police Commissioner Ahmedabad says, ” For the safety of women, children and senior citizens, we have installed emergency call boxes in 205 areas…so someone faces a problem, they can press it and Police control room will get a video call… pic.twitter.com/vBv0q0Zaf2
— ANI (@ANI) July 22, 2024
મહિલાઓ, બાળકો અને વરિષ્ઠ નાગરિકોને સૌથી વધુ ફાયદો થશે
અમદાવાદના રસ્તાઓ પર સ્થાપિત ઇમરજન્સી કોલ બોક્સ એ દ્વિ-માર્ગી સંચાર વ્યવસ્થા છે. આ બોક્સમાં ઈમરજન્સી બટન સાથે માઈક, સ્પીકર અને કેમેરા છે. કોઈપણ અપ્રિય ઘટનાના કિસ્સામાં, જો કોઈ વ્યક્તિ આ મશીનમાં ઇન્સ્ટોલ કરેલું બટન દબાવશે, તો પોલીસ કંટ્રોલ રૂમમાં વીડિયો કોલ કરવામાં આવશે અને તમે પોલીસ કંટ્રોલ રૂમ સાથે કનેક્ટ થઈ જશો. આ પછી તમે તમારી સમસ્યા જણાવી શકો છો અને પોલીસ તરત જ તમારી મદદ માટે પહોંચી જશે. ઈમરજન્સી કોલ બોક્સ લગાવવાથી મહિલાઓ, બાળકો અને વરિષ્ઠ નાગરિકોને સૌથી વધુ ફાયદો થશે. આ સિસ્ટમથી એવા લોકોને ફાયદો થશે જેઓ શહેરમાં એકલા અથવા અસુરક્ષિત અનુભવી રહ્યા છે.
આ પણ વાંચોઃઅમદાવાદમાં વેપારીના અપહરણ મામલે 3 પોલીસકર્મી ભરાયા, મોબાઇલ FSLમાં મોકલાયા
