- વ્હાઇટ હાઉસની પ્રેસ સેક્રેટરી કેરીન જીન પિયરે આપી માહિતી
- અગાઉ જુલાઈ 2022માં પણ થયા હતા સંક્રમિત
વોશિંગટન, 18 જુલાઈ : અમેરિકન પ્રમુખ જો બાઇડન કોરોનાથી સંક્રમિત હોવાનું જાણવા મળ્યું છે. લાસ વેગાસમાં યુનિડોસસ કોન્ફરન્સમાં તેમના ભાષણ પહેલા કોવિડ ટેસ્ટ કરવામાં આવ્યો હતો. વ્હાઇટ હાઉસની પ્રેસ સેક્રેટરી કેરીન જીન પિયરે આ અંગે માહિતી આપી હતી.
કોરોનાની રસી આપવામાં આવી
તેમણે કહ્યું કે અમેરિકી પ્રમુખને કોવિડ વિરોધી રસી આપવામાં આવી છે. તેઓમાં કોરોનાના હળવા લક્ષણો જણાઈ છે. તે ડેલવેર પરત ફરશે. જ્યાં તેમને આઇસોલેશનમાં રાખવામાં આવશે, પ્રેસ સેક્રેટરીએ એમ પણ કહ્યું કે આ સમય દરમિયાન તેઓ તેમની તમામ ફરજો સંપૂર્ણ રીતે નિભાવતા રહેશે. વ્હાઇટ હાઉસે કહ્યું કે બાઇડનનો શ્વસન દર 16 પર સામાન્ય છે, તેનું તાપમાન 97.8 છે અને તેની પલ્સ ઓક્સિમેટ્રી 97% પર સામાન્ય છે.
ચૂંટણી પ્રચાર પણ થશે અસર
આ દિવસોમાં અમેરિકામાં ચૂંટણીની ગતિવિધિઓ તેજ છે. બાઇડન ડેમોક્રેટિક પાર્ટી તરફથી પ્રમુખ પદના ઉમેદવાર છે. આવી સ્થિતિમાં, તેમના કોરોના સંક્રમિત થવું કોઈને કોઈ રીતે ચૂંટણી પ્રચાર પર અસર કરી શકે છે.
આ પણ વાંચો : ચૂંટણી અંગે જો બાઈડનના નિવેદને મચાવ્યો હંગામો, કહ્યું- કમલા હેરિસ બની શકે છે પ્રમુખ
2022માં પણ સંક્રમિત થયા હતા
અગાઉ, જુલાઈ 2022 માં યુએસ પ્રમુખ કોવિડ -19 પોઝિટિવ થયા હતા. બાઇડને અમેરિકાના પ્રમુખનું પદ સંભાળતા પહેલા જ ફાઈઝરની કોવિડ વિરોધી રસીના બંને ડોઝ લીધા હતા. આ પછી, સપ્ટેમ્બર 2021માં પ્રથમ બૂસ્ટર ડોઝ લીધો હતો અને માર્ચ 2022માં રસીનો વધારાનો ડોઝ લીધો હતો. બાઇડન પહેલા વાઇસ પ્રેસિડેન્ટ કમલા હેરિસ સહિત વ્હાઇટ હાઉસના ઘણા અધિકારીઓ કોરોના વાયરસથી સંક્રમિત થયા હતા.
અગાઉ કેન્સર અંગેનો વીડિયો વાયરલ થતા લોકો ચોકી ઉઠ્યા હતા
અગાઉ, બાઇડને એક ભાષણમાં દાવો કર્યો હતો કે તેમને કેન્સર છે. જ્યારે તેનો વીડિયો વાયરલ થયો તો લોકો ચોંકી ગયા. આ પછી વ્હાઇટ હાઉસે સ્પષ્ટતા કરી કે તેઓ પાછલા દિવસોની વાત કરી રહ્યા હતા. પદ સંભાળતા પહેલા તેમને મેલાનોમા ત્વચા કેન્સર હોવાનું નિદાન થયું હતું.
આ પણ વાંચો : કેનેડામાં ભારે વરસાદથી હાહાકાર, અનેક વિસ્તારોમાં ભરાયા પાણી, ગાડીઓ તરતી જોવા મળી, જૂઓ વીડિયો
