ધોતી પહેરી હોવાથી એક ખેડૂતને ન મળી મોલમાં એન્ટ્રી, કર્ણાટકમાં વિવાદ છેડાયો

• ખેડૂત સંગઠને કાર્યવાહીની કરી માંગ

બેંગલુરુ, 17 જુલાઇ, કર્ણાટકની રાજધાની બેંગલુરુમાં એક ખેડૂતને મોલમાં પ્રવેશતા અટકાવ્યા હોવાની ઘટના બની છે. આ ઘટનાને પગલે રાજકીય અને સામાજિક વિવાદ છેડાઈ ગયો છે. કર્ણાટકની રાજધાની બેંગલુરુના જીટી મોલનો એક વીડિયો સામે આવ્યો છે. એક ખેડૂત પિતા જેઓ તેમના પુત્ર સાથે બેંગલુરુના એક મોલમાં પ્રવેશવા માંગતા હતા તેમને સુરક્ષા સુપરવાઈઝર દ્વારા અટકાવવામાં આવ્યા હતા. છેવટે, બેંગલુરુમાં આવું વારંવાર કેમ થઈ રહ્યું છે? અગાઉ, એક ખેડૂતને મેટ્રોમાં પ્રવેશતા પણ અટકાવવામાં આવ્યો હતો કારણ કે તેણે ધોતી પહેરી હતી. મામલો વેગ પકડતાં ખેડૂત સંગઠને કાર્યવાહીની માંગ કરી છે.

#WATCH | Karnataka: A group of farmers, along with pro-Kannada organisation, protests in front of GT World Mall in Bengaluru, alleging denial of entry to a farmer who was wearing ‘dhoti’. pic.twitter.com/dhf6LPOou4

— ANI (@ANI) July 17, 2024

કર્ણાટકમાં ફરી એકવાર આવી કમનસીબ ઘટના બની છે. થોડા મહિના પહેલાં એક ખેડૂતને બેંગલુરુ મેટ્રોમાં પ્રવેશવાની મંજૂરી આપવામાં આવી ન હતી, હવે એક વૃદ્ધ માણસ જે તેના પુત્ર સાથે મોલમાં મૂવી જોવા આવ્યા હતા તેમને પ્રવેશની મંજૂરી આપવામાં આવી ન હતી કારણ કે વૃદ્ધે ધોતી પહેરેલી હતી અને તેમના માથા પર પરંપરાગત ફાળિયું બાંધેલું હતું. આ ઘટના રાજ્યની રાજધાની બેંગલુરુમાં બની છે. સોશિયલ મીડિયા પર વાયરલ થયેલા એક વીડિયોમાં એવો દાવો કરવામાં આવ્યો છે કે, ઓનલાઈન ટિકિટ બુક કરાવ્યા બાદ વૃદ્ધને તેમનો પુત્ર ફિલ્મ જોવા માટે જીટી વર્લ્ડ મોલમાં લઈ ગયો હતો, જ્યાં સલામતી ગાર્ડે મુખ્ય દરવાજે તેમને અટકાવ્યા હતા. આ ઘટનાએ ફરી એકવાર ઘણા સવાલો ઊભા કર્યા છે કે સિદ્ધારમૈયા સરકારના કડક વલણ છતાં આ પ્રકારની ઘટના કેમ વારંવાર બની છે.

શું કોઈપણ મોલમાં પ્રવેશ માટે ડ્રેસ કોડ છે? આ સવાલ એટલા માટે ઊભો થાય છે કારણ કે કર્ણાટકના બેંગલુરુના એક મોલમાં જે બન્યું તે આપણને વિચારવા મજબૂર કરી રહ્યું છે. સિક્યોરિટી ગાર્ડે કહ્યું કે મોલમાં આવો ડ્રેસ પહેરવાની મંજૂરી નથી. ગાર્ડે કહ્યું કે તેઓએ પ્રવેશવા માટે પેન્ટ પહેરવું પડશે. કન્નડ તરફી સંગઠન સાથે ખેડૂતોના એક જૂથે બેંગલુરુમાં જીટી વર્લ્ડ મોલ સામે વિરોધ કર્યો ત્યારે આ મુદ્દો વધારે ચગ્યો હતો. તેઓનો આરોપ છે કે ધોતી પહેરેલા ખેડૂતને મોલમાં પ્રવેશવા દેવામાં આવ્યા ન હતા. આ વર્ષે ફેબ્રુઆરી મહિનામાં એક ખેડૂતને બેંગલુરુ મેટ્રોમાં પ્રવેશવા દેવામાં આવ્યો ન હતો. તે સમયે આ ઘટનાએ ભારે ચર્ચા જગાવી હતી. ત્યારે ખબર પડી કે ગંદા કપડાના કારણે ખેડૂતને મેટ્રોમાં પ્રવેશવા દેવામાં આવ્યો ન હતો. સુરક્ષા કર્મચારીઓએ વૃદ્ધ ખેડૂતને અટકાવ્યા હતા ત્યારબાદ બેંગલુરુ મેટ્રોએ સુરક્ષા સુપરવાઈઝરને હટાવી દીધા હતા.

આ પણ વાંચો..ગાયોની સામે જ મોરે કળા કરી, જોકે ગાય માતાને ન ગમ્યું, જૂઓ વીડિયો