કેન્સરથી પીડિત હિના ખાનની થઈ સર્જરી, હોસ્પિટલમાં ખરાબ હાલતમાં જોવા મળી

•  અભિનેત્રી હિના ખાન કેન્સર હોવાને કારણે હાલ મુશ્કેલ સમયમાંથી પસાર થઈ રહી છે 

મુંબઈ, 17 જુલાઇ: ‘યે રિશ્તા ક્યા કહેલાતા હૈ’માં અક્ષરાનું પાત્ર ભજવીને ઘર-ઘરમાં જાણીતી બનેલી અને લોકોના દિલો પર રાજ કરનારી હિના ખાન આ દિવસોમાં ખરાબ સમયમાંથી પસાર થઈ રહી છે. અભિનેત્રી માટે આ સમયગાળો થોડો મુશ્કેલ છે. ‘બિગ બોસ’માં શેરખાન તરીકે ફેમસ થયેલી હિના ખાને તાજેતરમાં જણાવ્યું હતું કે,તે કેન્સરથી પીડિત છે અને તેને ત્રીજા સ્ટેજનું બ્રેસ્ટ કેન્સર હોવાનું જાણવા મળ્યું છે. આ માહિતી જંગલની આગની જેમ ફેલાઈ ગઈ અને આ જાણ્યા પછી તેના ચાહકો ખૂબ નારાજ થઈ ગયા. હવે અભિનેત્રી આ મુશ્કેલ સમય સામે લડી રહી છે. આ દિવસોમાં હિના ખાન ખૂબ જ પીડામાં છે અને તેણે પોતાની સ્થિતિ ફેન્સ સાથે શેર કરી છે. હિના ખાન હાલમાં હોસ્પિટલમાં દાખલ છે. તેણે તેની તાજેતરની ઇન્સ્ટાગ્રામ સ્ટોરીમાં ખૂબ જ ભાવનાત્મક પોસ્ટ કરી છે.

હિના ખાન ખૂબ જ પીડામાં

હિના ખાન ભલે પોતાનું દર્દ વ્યક્ત ન કરતી હોય અને દરેક સમસ્યાને સ્મિત સાથે સહન કરતી હોય, પરંતુ તેનું દર્દ ખૂબ જ ગંભીર છે. અભિનેત્રીએ તેની ઈન્સ્ટાગ્રામ સ્ટોરી પર એક તસવીર પોસ્ટ કરી છે, જેમાં તે હોસ્પિટલના બેડ પર પડેલી જોવા મળી રહી છે. અભિનેત્રીના હાથ પર બેન્ડ છે. બારીમાંથી પણ બહારનો નજારો દેખાય છે. આ તસવીરના કેપ્શનમાં હિના ખાને લખ્યું કે, ‘બસ વધુ એક દિવસ, દુઆ.’ આ પછી જ તેણે બીજી ઈમોશનલ પોસ્ટ શેર કરી, જેમાં તેણીએ લખ્યું કે, ‘હું સતત પીડામાં છું. હા, સતત…દરેક સેકન્ડ. વ્યક્તિ કદાચ હસતી હોય, છતાં પણ પીડામાં હોઈ શકે છે.”

હિના ખાને કરાવી સર્જરી

આ પછી જ હિનાએ એક નોટની તસવીર પોસ્ટ કરી, જે તેને કોકિલાબેન હોસ્પિટલના હાઉસકીપિંગ સ્ટાફે આપી હતી. જેમાં લખ્યું છે, ‘ડિયર હિના ખાન, હું જાણું છું કે તમારી સર્જરી ખૂબ જ મુશ્કેલ હતી પરંતુ હું ખુશ છું કે તમે સંપૂર્ણ સ્વસ્થ થવાના માર્ગ પર છો. હું પ્રાર્થના કરું છું કે તમે આજે જલ્દીથી સંપૂર્ણ સ્વસ્થ થઈ જાઓ. આશા છે કે તમે જલ્દીથી રાહત અનુભવવાનું શરૂ કરશો. જલ્દી સાજા થાઓ. હકીકતમાં, હિના ખાન કોકિલાબેન હોસ્પિટલમાં દાખલ છે અને તેની કેન્સરની સારવાર અહીં ચાલી રહી છે.

હિનાએ કીમો થેરપી વિશે આપ્યું અપડેટ 

ઉલ્લેખનીય છે કે, તાજેતરમાં જ હિના ખાને પણ તેના પિતાની તસવીર શેર કરી હતી. તેણીએ થોડા વર્ષો પહેલા તેના પિતાને ગુમાવ્યા હતા. આ સિવાય તેણીએ પોતાના વાળ કપાવવાનો વીડિયો પણ શેર કર્યો હતો અને જણાવ્યું હતું કે, તેણીએ પહેલી કીમોથેરાપી પછી વાળ કપાવ્યા હતા. આ સિવાય કીમોના કારણે તેમના શરીર પર ઘણા ઘા હતા, જેની ઝલક પણ તેણીએ દેખાડી. તેણી તેના પ્રથમ કીમો માટે એક ઇવેન્ટ પછી સીધી હોસ્પિટલમાં પણ ગઈ હતી. આ દિવસોમાં હિના ખાન માટે મુશ્કેલ સમય છે. હિનાના કામની વાત કરવામાં આવે તો, તે ‘યે રિશ્તા ક્યા કહેલાતા હૈ’થી લાઇમલાઇટમાં આવી હતી અને પછી ‘બિગ બોસ 11’માં તેનો અલગ લુક જોવા મળ્યો હતો. આ પછી તે ‘નાગિન’ અને ‘કસૌટી ઝિંદગી કી’ જેવા શોનો પણ ભાગ રહી હતી. હાલમાં તે OTT પર સક્રિય છે.

આ પણ જૂઓ: જ્હાન્વી કપૂરની ફિલ્મ ઉલઝનું ટ્રેલર રીલીઝ, ફરી જોવા મળશે દમદાર એક્ટિંગ