મેદો ખાવાના આ છે નુકસાન, ડાયાબિટીસ સહિત પાંચ બીમારીનો ખતરો

• મેદો રિફાઈન્ડ કરીને બનાવવામાં આવે છે. તેમાં કેલરીની માત્રા વધુ હોય છે અને ફાઈબરનો અભાવ હોય છે, જે તમને ઝડપથી ભૂખ લગાડે છે

મેદો ઘઉંના લોટને ખૂબ જ બારીક પીસીને તૈયાર કરવામાં આવે છે. મેદામાંથી બનેલી વાનગીઓ ખૂબ જ સ્વાદિષ્ટ લાગે છે, પરંતુ મેદો શરીરને ફાયદો નહિ નુકસાન પહોંચાડે છે. મેદામાંથી બનેલી વસ્તુઓ વધુ માત્રામાં ખાવાથી ઘણી શારીરિક સમસ્યાઓ થઈ શકે છે. તે બ્લડ સુગર વધારવાનું કામ કરે છે. આ સાથે મેદામાંથી બનેલી વસ્તુઓ ખાવાથી પાચન સંબંધિત સમસ્યાઓ શરૂ થઈ શકે છે. મેદામાં કાર્બોહાઇડ્રેટનું પ્રમાણ ખૂબ વધારે હોય છે, જે ડાયાબિટીસનું જોખમ વધારે છે. આ સિવાય તે ખાવાથી વજન પણ વધે છે. જાણો મેદો ખાવાના 5 મુખ્ય નુકસાન વિશે.

મેદો ખાવાના 5 ગેરફાયદા

પોષક તત્વોની ઉણપ

ઘઉંના દાણાને પીસીને મેદો બનાવવામાં આવે છે, તેમાંથી થૂલું અને જર્મ દૂર કરવામાં આવે છે. આ પ્રક્રિયા મેદાને સફેદ અને નરમ બનાવે છે, પરંતુ તેના પોષક તત્વો પણ ઘટાડે છે. લોટમાં ફાઇબર, વિટામિન્સ અને મિનરલ્સની માત્રા ઓછી હોય છે, જે આપણા સ્વાસ્થ્ય માટે જરૂરી હોય છે.

પાચન સંબંધિત સમસ્યાઓ

મેદામાં ફાઈબરની કમી હોવાને કારણે તેને પચાવવામાં મુશ્કેલી થઈ શકે છે. તેનાથી અપચો, કબજિયાત, ગેસ અને પેટનું ફૂલવું જેવી પાચન સંબંધિત સમસ્યાઓ થઈ શકે છે.

બ્લડ શુગરમાં વધારો

મેદામાં કાર્બોહાઇડ્રેટ્સનું પ્રમાણ વધુ હોય છે, જે ઝડપથી બ્લડ શુગર લેવલ વધારી શકે છે. તે ડાયાબિટીસનું જોખમ વધારી શકે છે, ખાસ કરીને એવા લોકોમાં કે જેઓ પહેલેથી જ ડાયાબિટીસની બીમારીથી પીડાય છે.

વજનમાં વધારો

મેદો રિફાઈન્ડ કરીને બનાવવામાં આવે છે. તેમાં કેલરીની માત્રા વધુ હોય છે અને ફાઈબરનો અભાવ હોય છે, જે તમને ઝડપથી ભૂખ લગાડે છે અને વધુ પડતું ખવાય છે. તેનાથી વજન અને સ્થૂળતાનું જોખમ વધે છે.

હૃદયરોગનું જોખમ

મેદામાં ચરબી અને કોલેસ્ટ્રોલનું પ્રમાણ વધુ હોય છે, જે હૃદય રોગનું જોખમ વધારી શકે છે. મેદો બ્લડ પ્રેશર વધારવામાં પણ ફાળો આપી શકે છે, જે હૃદયના સ્વાસ્થ્ય માટે હાનિકારક છે.

આ પણ વાંચોઃ દરરોજ મલ્ટીવિટામીન લેવાથી મૃત્યુનું જોખમ 4 ટકા વધુ, અભ્યાસમાં દાવો