1979નું અખબાર વાયરલ: જાહેરાત વાંચીને લોકો દંગ, જૂના જમાનાનું Whatsapp સ્ટેટસ ગણાવ્યું
HD ન્યૂઝ ડેસ્ક, 16 જુલાઇ: આજકાલ લોકો સોશિયલ મીડિયાના એટલા બધા વ્યસની છે કે તેમના જીવનમાં ગમે તે થાય, પછી તે મિત્રનો જન્મદિવસ હોય, પરીક્ષામાં સફળતા હોય, નવી કાર ખરીદવાની ખુશી હોય, બ્રેકઅપનું દુઃખ હોય કે પછી ઓફિસનું ટેન્શન હોય સોશિયલ મીડિયા પર સ્ટેટસ પોસ્ટ કરીને લોકો સાથે શેર કરે છે. જેથી અન્ય લોકોને પણ તેમના વિશેની તમામ માહિતી મળી રહે. ઘણા લોકો પોતાની સાથે જોડાયેલી દરેક માહિતી પોતાની વોટ્સએપ સ્ટોરી પર શેર કરે છે. હાલ એક જૂના અખબારમાં પ્રકાશિત જાહેરાત સોશિયલ મીડિયા પર વાયરલ થઈ રહી છે, જેને વાંચ્યા પછી લોકો ભૂતકાળના યુગ વિશે જાણશે કે તે સમયે લોકો કેવી રીતે તેમની ખુશીઓ લોકો સાથે શેર કરતા હતા.
જ્યારે વોટ્સએપ નહોતું, ન તો સ્ટોરી કે સ્ટેટસ હતા, મોબાઈલ ફોન પણ નહોતા, તેવા સમયે લોકો પોતાની સફળતાની ખુશી અને માહિતી લોકો સાથે કેવી રીતે અને ક્યાં શેર કરતા? એ એક પ્રશ્ન છે અને તેનો જવાબ છે અખબારો. હા, હાલ એક જૂના અખબારમાં છપાયેલી એક જાહેરાત સોશિયલ મીડિયા પર વાયરલ થઈ રહી છે, જેને વાંચીને લોકોને એ વીતેલા જમાના વિશે જાણવા મળશે કે તે સમયે લોકો કેવી રીતે પોતાની ખુશી લોકો સાથે શેર કરતા હતા અને આ જાહેરાત જોયા પછી કદાચ તમે પણ હસશો, કારણ કે હવે અખબારમાં આવી વાતો કોઈ પ્રકાશિત કરતું નથી.
જૂઓ અહીં વીડિયો
View this post on Instagram
અખબારની જાહેરાત સોશિયલ મીડિયામાં વાયરલ
તાજેતરમાં @indiaculturalhub નામના એકાઉન્ટ પરથી 1979ના અખબારના કટિંગનો ફોટો ઈન્સ્ટાગ્રામ પર શેર કરવામાં આવ્યો છે. આ કયું અખબાર છે તે જાણી શકાયું નથી, પરંતુ આ અંગ્રેજી અખબારમાં એક ખૂબ જ રસપ્રદ જાહેરાત ચોક્કસપણે જોવા મળે છે. જેમાં બતાવવામાં આવ્યું છે કે, એક વ્યક્તિ વિદેશ પ્રવાસે જઈ રહ્યો હતો અને તેને અભિનંદન આપવા માટે અખબારમાં એક જાહેરાત પ્રકાશિત કરવામાં આવી છે.
વીડિયોમાં દેખાડવામાં આવેલા અખબારની ડાબી બાજુએ વર્ષ 1979 લખેલું છે અને તારીખ 28 છે, જો કે મહિનો દેખાતો નથી. આ જાહેરાત પ્રહલાદ શેટ્ટી નામના વ્યક્તિને અભિનંદન આપવા માટે છાપવામાં આવી છે. આ વ્યક્તિ કોહિનૂર રોલિંગ શટર્સ એન્ડ એન્જિનિયરિંગ વર્ક્સ પ્રાઈવેટ લિમિટેડ, બેંગ્લોરના ડિરેક્ટર હતા. તે કંપની વતી બ્રિટન, પશ્ચિમ જર્મની, સ્વિટ્ઝર્લેન્ડ અને અન્ય ઘણા યુરોપિયન દેશોમાં ઓફિસ ટ્રીપ પર જઈ રહ્યા હતા. આ અવસર પર તેમને વિવિધ કંપનીઓ દ્વારા અભિનંદન આપવામાં આવી રહ્યા છે. જેના માટે આ જાહેરાત છપાઈ હતી.
આ વીડિયોને અત્યાર સુધીમાં 5 લાખથી વધુ વ્યૂઝ મળી ચૂક્યા છે અને 8 હજારથી વધુ લોકોએ તેને લાઈક મળી છે. ઘણા લોકોએ કોમેન્ટ કરીને પોતાનો અભિપ્રાય આપ્યો છે. એક યુઝરે કહ્યું કે, “આ વોટ્સએપ સ્ટેટસનું જૂનું વર્ઝન છે.” બીજા યુઝરે કહ્યું કે, “આજના યુગમાં આ બધી વસ્તુઓ જોવા મળતી નથી.“અન્ય એક યુઝરે લખ્યું કે, “તે પણ કેવો સમય હતો.” તો વધુ એક યુઝરે લખ્યું કે, “શક્ય છે કે આ વ્યક્તિએ પોતે જ જાહેરાત માટે પૈસા ચૂકવ્યા હોય.“
