કોરોના બાદ વધુ એક વાયરસે કહેર મચાવ્યો છે. મંકીપોક્સ નામના વાયરસે સમગ્ર દેશમાં ફફડાટ ફેલાવ્યો છે ત્યારે દિલ્હીમાં મંકીપોક્સનો વધુ એક દર્દી મળી આવતા લોકોમાં ફરી ચિંતાના વાદળો ઘેરાઈ રહ્યા છે. દર્દીને લોકનાયક જયપ્રકાશ હોસ્પિટલમાં દાખલ કરવામાં આવ્યો છે. કહેવામાં આવી રહ્યું છે કે દર્દીના વિદેશ પ્રવાસનો રેકોર્ડ મળી ગયો છે. આ જ હોસ્પિટલમાં મંકીપોક્સના અન્ય એક દર્દીની સારવાર ચાલી રહી છે.
મંકીપોક્સનો 5મો કેસ નોધાયો
દિલ્હીના દર્દી સાથે ભારતમાં મંકીપોક્સના પુષ્ટિ થયેલા કેસોની સંખ્યા વધીને પાંચ થઈ ગઈ છે. કેરળમાં ત્રણ લોકો આ વાયરસથી સંક્રમિત જોવા મળ્યા હતા. તો તેલંગાણામાં એક શંકાસ્પદ દર્દીની સારવાર ચાલી રહી છે. તેના સેમ્પલ પુણેની લેબમાં મોકલી દેવામાં આવ્યા છે. બીજી તરફ મંકીપોક્સના કેસમાં વધારો થતા કેન્દ્રીય સ્વાસ્થ્ય મંત્રાલયે તમામ રાજ્યોને એલર્ટ જાહેર કર્યું છે.
રોગ ભારત સહિત વિશ્વના 80 દેશોમાં ફેલાયો
મંકીપોક્સ કેટલી ઝડપથી ફેલાઈ રહ્યો છે. તે ભારત સહિત વિશ્વના 80 દેશોમાં ફેલાયો છે. 18 હજારથી વધુ લોકોના મોત થયા છે અને પાંચ લોકોના મોત પણ થયા છે. Monkeypoxmeter.com પર ઉપલબ્ધ આંકડા મુજબ દુનિયાના 82 દેશોમાં અત્યાર સુધી 18,840 કેસ સામે આવ્યા છે અને પાંચ લોકોના મોત થયા છે. જેમાં ભારતના ચાર કેસનો સમાવેશ થાય છે.
મંકીપોક્સ વાયરસ કેટલો ખતરનાક?
મંકીપોક્સ વાયરસ કોરોના વાયરસથી ઓછો ખતરનાક છે. તેના કેસોમાં મૃત્યુદર પણ ઓછો છે. આ વાયરસના કારણે અત્યાર સુધી દુનિયાના માત્ર 5ના મોત થયા છે. આ રોગમાં મનુષ્યથી મનુષ્યમાં ચેપ લાગી શકે છે. તેનું રક્ષણ કરવું સૌથી જરૂરી છે. કોરોનાની જેમ તેમાં પણ માસ્ક પહેરવું જરૂરી છે. આ સાથે સોશિયલ ડિસ્ટન્સિંગ પણ જરૂરી છે. તેના પરીક્ષણ માટે ત્વચામાંથી સેમ્પલ લેવામાં આવે છે. સ્કિન ટેસ્ટ દ્વારા તેનું પરીક્ષણ કરવામાં આવે છે. આ ટેસ્ટ બાદ જ ખબર પડે છે કે સંક્રમિત વ્યક્તિને મંકીપોક્સ વાયરસ છે કે અન્ય કોઈ બીમારી છે.
