ડોનાલ્ડ ટ્રમ્પ પર થયું ફાયરિંગ, શૂટરનું મૃત્યુ, જૂઓ વીડિયો
![Donald Trump](https://www.humdekhenge.in/wp-content/uploads/2024/07/Donald-Trump.jpg)
- ડોનાલ્ડ ટ્રમ્પની રેલીમાં ફાયરિંગ થયાનો વીડિયો પ્રકાશમાં આવ્યો છે. ટ્રમ્પ રેલીને સંબોધિત કરતા જોવા મળે છે. તે જ ક્ષણે ગોળીઓનો અવાજ ગુંજવા લાગે છે
પેન્સિલવેનિયા, 14 જુલાઈ: ડોનાલ્ડ ટ્રમ્પની રેલીમાં થયેલા ફાયરિંગનો વીડિયો પ્રકાશમાં આવ્યો છે. ટ્રમ્પ રેલીને સંબોધિત કરતા જોવા મળે છે. તે જ સમયે ગોળીઓનો અવાજ ગુંજવા લાગે છે. થોડીક સેકન્ડના અંતરાલમાં ટ્રમ્પ તેના કાનને સ્પર્શ કરે છે અને પોડિયમની પાછળ બેસી જાય છે. આ પછી રેલીમાં બુમા-બુમ અને હોબાળો થઈ જાય છે. તે જ સમયે સુરક્ષાકર્મીઓ ટ્રમ્પ તરફ દોડતા જોવા મળે છે. આ પછી ટ્રમ્પને સુરક્ષિત રીતે તેમના વાહનમાં લઈ જવામાં આવ્યા છે. જો કે ટ્રમ્પના કાન પાસે લોહી વહેતું જોવા મળ્યું છે, એનો મતલબએ છે કે ટ્રમ્પને કાને ગોળી વાગી છે. તેમના વાહન તરફ જતા ટ્રમ્પ રોકે છે અને ભીડ તરફ મુઠ્ઠી ફેરવે છે અને હવામાં મુક્કો મારે છે. આ દરમિયાન તે કંઈક કહેતો પણ જોવા મળે છે, પરંતુ તેમણે શું કહ્યું તે સ્પષ્ટ થયું ન હતું. બીજી તરફ અમેરિકી પ્રમુખ જો બાઇડને ટ્રમ્પની રેલીમાં ફાયરિંગની ઘટના પર દુખ વ્યક્ત કર્યું છે. તે જ સમયે, અમેરિકન સિક્રેટ સર્વિસે એક નિવેદન જારી કરીને કહ્યું છે કે ટ્રમ્પ સંપૂર્ણપણે સુરક્ષિત છે. તમને જણાવી દઈએ કે આ રેલીનું આયોજન પેન્સિલવેનિયામાં કરવામાં આવ્યું હતું. ગોળીબાર કરનાર માર્યો ગયો છે.
અહીં જૂઓ વીડિયો:
#WATCH | Gunfire at Donald Trump’s rally in Butler, Pennsylvania (USA). He was escorted to a vehicle by the US Secret Service
“The former President is safe and further information will be released when available’ says the US Secret Service.
(Source – Reuters) pic.twitter.com/289Z7ZzxpX
— ANI (@ANI) July 13, 2024
વીડિયોમાં દેખાઈ રહ્યું છે કે ડોનાલ્ડ ટ્રમ્પના કાનમાંથી લોહી નીકળી રહ્યું છે. આમ છતાં તેમના ઉત્સાહમાં કોઈ કમી જોવા મળી નથી. જ્યારે સુરક્ષાકર્મીઓ તેમને વાહન તરફ લઈ જઈ રહ્યા છે ત્યારે પણ તે હવામાં મુઠ્ઠીઓ લહેરાવી રહ્યો છે. આ દરમિયાન અમેરિકન સિક્રેટ સર્વિસે નિવેદન આપ્યું છે કે ડોનાલ્ડ ટ્રમ્પ સંપૂર્ણપણે સુરક્ષિત છે.
I fully endorse President Trump and hope for his rapid recovery pic.twitter.com/ZdxkF63EqF
— Elon Musk (@elonmusk) July 13, 2024
અમેરિકી પ્રમુખે વ્યક્ત કર્યું દુ:ખ
બીજી તરફ અમેરિકી પ્રમુખ જો બાઇડને આ ઘટના અંગે ફેસબુક પર પોસ્ટ કરી છે. તેમણે લખ્યું છે કે પેન્સિલવેનિયામાં ડોનાલ્ડ ટ્રમ્પની રેલીમાં ફાયરિંગની માહિતી મળી છે. હું આભારી છું કે તે સંપૂર્ણપણે સ્વસ્થ છે. ટ્રમ્પ અને તેમના પરિવાર સાથે રેલીમાં સામેલ થનારા દરેક માટે હું પ્રાર્થના કરું છું.
બાઇડને આગળ લખ્યું કે અમે ઘટના વિશે વધુ માહિતીની રાહ જોઈ રહ્યા છીએ. જીલ અને હું ટ્રમ્પને સુરક્ષિત રાખવા માટે સિક્રેટ સર્વિસનો આભાર માનીએ છીએ. તેમણે આગળ લખ્યું કે અમેરિકામાં આ પ્રકારની હિંસાને કોઈ સ્થાન નથી. અમે એક દેશ તરીકે સંપૂર્ણ રીતે એક છીએ. હું આ ઘટનાની નિંદા કરું છું અને ખેદ વ્યક્ત કરું છું.
આ પણ વાંચો: અમેરિકન એરલાઈન્સમાં લેપટોપ બન્યું બોમ્બ, ધુમાડો નીકળતા પ્લેનને કરાવ્યું ખાલી