IAS પૂજા ખેડકર બાદ હવે તેની માતા મુશ્કેલીમાં, ખેડૂતને પિસ્તોલથી ધમકાવતા FIR નોંધાઈ
- IAS પૂજા ખેડકરને બાદ તેની માત પણ આવી વિવાદમાં
- પૂજા ખેડકરની માતા એક ખેડૂતને પિસ્તોલ બતાવીને ધમકાવતી જોવા મળી
- પોલીસે ખેડૂતની ફરિયાદ પર નોંધી FIR
પુણે, 13 જુલાઈ: IAS ઓફિસર પૂજા ખેડકર બાદ હવે તેની માતા મનોરમા ખેડકરની પણ મુશ્કેલીઓ વધી રહી છે. પૂજા ખેડકરની માતા મનોરમા ખેડકરનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં તે પિસ્તોલ સાથે જોવા મળી રહી છે. વીડિયો વાયરલ થયા બાદ પુણે ગ્રામીણ પોલીસે (પૌડ પોલીસ સ્ટેશન) આ મામલે કાર્યવાહી કરી અને એફઆઈઆર નોંધી છે. જણાવવામાં આવી રહ્યું છે કે જમીનના કેટલાક વિવાદ દરમિયાન ટ્રેઈની આઈએએસ ઓફિસરની માતા પિસ્તોલ લઈને પહોંચી હતી. આ દરમિયાન થયેલા વિવાદનો વીડિયો પણ હવે સોશિયલ મીડિયા પર વાયરલ થયો છે. વીડિયોમાં તે ખેડૂતને પિસ્તોલથી ધમકાવતી જોવા મળી રહી છે. આ મામલે કાર્યવાહી કરતા પોલીસે આર્મ્સ એક્ટ ઉપરાંત કલમ 323, 504, 506, 143, 144, 147, 148 અને 149 હેઠળ કેસ નોંધ્યો છે.
વિવાદનો વીડિયો થયો વાયરલ
પ્રાપ્ત માહિતી અનુસાર, આ ઘટના 5 જૂન, 2023 ના રોજ પુણે જિલ્લાના મૂળશી તહસીલના ધડવાળી ગામની છે. શુક્રવારે મનોરમા ખેડકર સાથે વિવાદ કરનારા ખેડૂતોએ પુણે ગ્રામીણ પોલીસ અધિકારીઓનો સંપર્ક કર્યો હતો. આ પછી ખેડૂતે મનોરમા ખેડકર વિરુદ્ધ ફરિયાદ નોંધાવવા પૌડ પોલીસ સ્ટેશન ગયો હતો. જોકે ઘટના સમયે મનોરમા સામે કોઈ ફરિયાદ નોંધાઈ ન હતી. વરિષ્ઠ પોલીસ સૂત્રો પાસેથી પ્રાપ્ત માહિતી અનુસાર, ખેડૂતોના નિવેદનના આધારે મનોરમા ખેડકર વિરુદ્ધ કેસ નોંધવામાં આવ્યો છે. આ ઉપરાંત એફઆઈઆરમાં પોલીસે પૂજા ખેડકરના પિતા દિલીપ ખેડકર અને તેના સંબંધી અંબાદાસ ખેડકર અને તેની સાથે ઉભેલા બે બાઉન્સર ઉપરાંત અન્ય બે મહિલાઓ વિરુદ્ધ પણ કેસ નોંધ્યો છે.
અહીં જૂઓ વાયરલ વીડિયો:
आता पुजा खेडेकर यांच्या आई मनोरमा खेडकर यांचा एक व्हिडिओ समोर आला आहे. या व्हिडिओमध्ये त्या मुळशी भागात एका गावकऱ्याला हातात पिस्तूल घेऊन धमकावताना दिसत आहे…जमीन खरेदी प्रकरण आहे pic.twitter.com/QyqpX6riDk
— Rahul Kulkarni (@RahulAsks) July 12, 2024
ખેડૂતે નોંધાવી ફરિયાદ
ખેડૂત પંઢરીનાથ કોડિમ્બા પાસલકરે પોલીસને આપેલા નિવેદનમાં જણાવ્યું કે આ જમીન તેમની છે. ઘટનાના દિવસે મનોરમા ખેડકર કન્ટેનર બોક્સ લાવીને તેમની જમીન પર મૂક્યા, ત્યારબાદ જમીનની સંભાળ રાખનાર વ્યક્તિએ પાસલકરને આ અંગે જાણ કરી. તે તેના પરિવારના કેટલાક સભ્યો સાથે ત્યાં પહોંચી હતી અને ત્યાં પહોંચ્યા પછી, જ્યારે વાતચીત આગળ વધી ત્યારે મનોરમા ખેડકરે તેને પિસ્તોલ બતાવીને ધમકી આપી હતી અને કહ્યું હતું કે 7/12 જમીનના સાતબાર તેમના નામે છે. તેમની સાથે હાજર બાઉન્સરે અમને ધમકાવવાનો પ્રયાસ કર્યો હતો અને કહ્યું હતું કે જમીન મનોરમા મેડમની છે, તમે અહીં આવશો નહીં. ખેડૂતે પોલીસને આપેલા નિવેદનમાં એવું કહેવામાં આવ્યું છે કે તેણે ટીવી દ્વારા આ સમાચાર જોયા પછી તે પોતાનું નિવેદન નોંધવા પોલીસ સ્ટેશન ગયો હતો.
