અંશુમાનના પત્ની કીર્તિ ચક્ર લઈને પિયર ગયા: શહીદના માતા-પિતાએ પુત્રવધૂ પર લગાવ્યો આરોપ

• કેપ્ટન અંશુમાન સિંહના પરિવારને તેમની અદમ્ય હિંમત અને બહાદુરી માટે રાષ્ટ્રપતિ દ્વારા કીર્તિ ચક્રથી સન્માનિત કરવામાં આવ્યા હતા

લખનઉ, 12 જુલાઈ: ગયા વર્ષે સિયાચીનમાં પોતાના સાથીઓને બચાવતા શહીદ થયેલા કેપ્ટન અંશુમાન સિંહના પરિવારને તેમની અદમ્ય હિંમત અને બહાદુરી માટે રાષ્ટ્રપતિ દ્વારા 5 જુલાઈના રોજ કીર્તિ ચક્રથી સન્માનિત કરવામાં આવ્યા હતા. પરંતુ હવે અંશુમાન સિંહના માતા-પિતાનું વધુ એક દર્દ બહાર આવ્યું છે. શહીદના માતા-પિતાએ પુત્રવધૂ પર આરોપ લગાવ્યો છે કે, શહીદ અંશુમાન સિંહની પત્ની સ્મૃતિ તેમના પતિના ફોટો આલ્બમ, કપડાં અને અન્ય સ્મૃતિચિહ્નો સાથે સરકાર દ્વારા આપવામાં આવેલા કીર્તિ ચક્ર સાથે ગુરદાસપુરમાં તેમના પિયર ચાલી ગઈ છે. આરોપો અનુસાર, તેણી ન માત્ર માતા-પિતાના શહીદ પુત્રનું મેડલ લઈ ગઈ, પરંતુ તેમના દસ્તાવેજોમાં નોંધાયેલું કાયમી સરનામું બદલીને પોતાના ઘર ગુરદાસપુરનું કરી નાખ્યું છે. જો કે આ મામલે હજુ સુધી સ્મૃતિ તરફથી કોઈ નિવેદન બહાર આવ્યું નથી.

President Droupadi Murmu conferred Kirti Chakra upon Captain Anshuman Singh, The Army Medical Corps, 26th Battalion The Punjab Regiment, posthumously. Disregarding his own safety, he exhibited exceptional bravery and resolve to rescue many people in a major fire incident. pic.twitter.com/o8bVuM3ZOo

— President of India (@rashtrapatibhvn) July 5, 2024

અમે ખૂબ ઈચ્છાઓ સાથે લગ્ન કર્યા હતા: પિતા

શહીદ અંશુમાન સિંહના પિતા રામ પ્રતાપ સિંહે કહ્યું કે, તેમણે તેમના પુત્રની ઈચ્છા મુજબ જ સ્મૃતિ સાથે લગ્ન કરાવ્યા હતા. અમે ખૂબ જ ધામધૂમથી લગ્ન કર્યા. લગ્નમાં કોઈ ખામી ન હતી, ન તો અમારા તરફથી કે ન તો સ્મૃતિના પરિવાર તરફથી. અમે બધા ખૂબ ખુશ હતા. લગ્ન પછી સ્મૃતિ નોઈડામાં BDSનો અભ્યાસ કરતી મારી પુત્રી સાથે ફ્લેટમાં રહેવા લાગી.

These are the parents of Capt Anshuman Singh.

Listen to them and tell me, if the definition of Next of Kin should be changed. pic.twitter.com/gyqf1Y3ihU

— We, the people of India (@India_Policy) July 11, 2024

અમે સ્મૃતિના લગ્ન કરવા તૈયાર હતા: પિતા 

પિતાએ વધુમાં કહ્યું કે, ‘જ્યારે 19 જુલાઈ, 2023ના રોજ પુત્ર શહીદ થયો ત્યારે પુત્રવધૂ સ્મૃતિ અને પુત્રી નોઈડામાં હતા. મારી વિનંતી પર મેં બંનેને કેબ દ્વારા લખનઉ બોલાવ્યા અને લખનઉથી અમે ગોરખપુર ગયા. ત્યાં અંતિમ સંસ્કાર કરવામાં આવ્યા. પરંતુ બીજા જ દિવસે તેરમી તારીખે પુત્રવધૂ સ્મૃતિએ ઘરે જવાનો આગ્રહ કર્યો.

રામ પ્રતાપ સિંહે કહ્યું કે, ‘જ્યારે સ્મૃતિના પિતાએ દીકરીના આખા જીવનનો ઉલ્લેખ કર્યો ત્યારે મેં પોતે કહ્યું કે, હવે તે મારી વહુ નહીં પણ મારી દીકરી છે અને જો સ્મૃતિ ઇચ્છશે તો અમે બંને તેના ફરીથી લગ્ન કરાવી દઇશું અને એક દીકરી તરીકે હું વિદાય આપીશ.’

સ્મૃતિ તેરમીના બીજા દિવસે નોઈડા ગઈ હતી: રામ પ્રતાપ સિંહ

પિતા રામ પ્રતાપ સિંહે આગળ કહ્યું કે, ‘સ્મૃતિ બીજા દિવસે તેરમી તારીખે તેની માતા સાથે નોઈડા ગઈ હતી. તે મારા પુત્ર, તેના ફોટોગ્રાફ્સ, તેના લગ્નનો આલ્બમ, પ્રમાણપત્ર અને કપડાં સાથે સંબંધિત બધું લઈને નોઈડામાં તેના માતા-પિતા પાસે ચાલી ગઈ હતી. અમને આ વિશે ત્યારે ખબર પડી જ્યારે મારી પુત્રી નોઈડા પાછી ગઈ અને ત્યાં ફ્લેટમાં મારા પુત્ર અંશુમાન સાથે સંબંધિત કઇં નહોતું.

શહીદ અંશુમાનના પિતાએ કહ્યું કે, ‘જ્યારે પુત્રને તેની અદમ્ય હિંમત માટે કીર્તિ ચક્ર મળ્યું, ત્યારે નિયમ એવો હતો કે માતા અને પત્ની બંને આ સન્માન મેળવવા જાય. અંશુમાનની માતા પણ સાથે ગઈ. રાષ્ટ્રપતિએ મારા પુત્રને તેની શહાદત બદલ કીર્તિ ચક્ર એનાયત કર્યું પરંતુ હું તેને એક વાર પણ સ્પર્શ કરી શક્યો નથી’

મેસેજ કર્યો, ફોન કર્યો પણ જવાબ મળ્યો નહીં: માતા-પિતા  

તે ફંક્શનને યાદ કરતાં અંશુમાનની માતા મંજુ સિંહે કહ્યું કે, ‘હું અને સ્મૃતિ 5મી જુલાઈના રોજ રાષ્ટ્રપતિ ભવનમાં આયોજિત ફંક્શનમાં સાથે ગયા હતા. સૈન્ય અધિકારીઓની વિનંતી પર જ્યારે હું સમારોહમાંથી બહાર આવી, ત્યારે ફોટો ક્લિક કરાવવા માટે ફરી એક વખત કીર્તિ ચક્ર મારા હાથમાં આવ્યું, પરંતુ ફોટો ક્લિક થતાં જ સ્મૃતિએ ફરીથી કીર્તિ ચક્ર લઈ લીધું. અમારા પુત્રની શહાદતના આ સન્માનને અમે ફરી ક્યારેય સ્પર્શી શક્યા નથી.

સેનામાંથી નિવૃત્ત થયેલા પિતાએ રામપ્રતાપ સિંહ કહે છે, ‘જ્યારે સરકારે શહીદ પુત્રની યાદમાં પ્રતિમા સ્થાપિત કરવાનો નિર્ણય કર્યો ત્યારે અમે પુત્રવધૂને મેસેજ કર્યો. તેમના પિતાને કહ્યું કે, તેણી પ્રતિમાના અનાવરણ કાર્યક્રમ માટે ઓછામાં ઓછા એક વખત કીર્તિ ચક્ર લઈને આવે પરંતુ કોઈ જવાબ ન આવ્યો.

આ પણ જૂઓ: બજેટ પૂર્વે કેન્દ્ર સરકારની મોટી જાહેરાત, PF વ્યાજદરમાં કર્યો વધારો