IND vs ZIM: ઝિમ્બાબ્વે સામે ભારતીય ટીમનો 23 રને વિજય, સુંદર-આવેશે કરી જોરદાર બોલિંગ

• ભારતે ઝિમ્બાબ્વે સામેની પાંચ મેચની T20 શ્રેણીમાં 2-1થી લીડ મેળવી લીધી છે. ભારતે ત્રીજી મેચમાં ઝિમ્બાબ્વેને 23 રને હરાવ્યું

IND vs ZIM, 10 જુલાઈ: ભારતીય ટીમ અત્યારે શુભમન ગીલની કેપ્ટન્સીમાં ઝિમ્બાબ્વે પ્રવાસ પર છે. જ્યાં તેનું જોરદાર પ્રદર્શન ચાલુ છે. પ્રથમ મેચ હાર્યા બાદ ભારતીય ટીમે જોરદાર વાપસી કરી હતી અને શ્રેણીમાં 2-1ની લીડ મેળવી હતી. ભારતીય ટીમે બીજી મેચ 100 રને અને હવે ત્રીજી મેચ 23 રને જીતી હતી.

ભારતીય ટીમ અને ઝિમ્બાબ્વે વચ્ચેની શ્રેણીની ત્રીજી T20 મેચ બુધવારે (10 જુલાઈ) હરારે સ્પોર્ટ્સ ક્લબ સ્ટેડિયમમાં રમાઈ હતી. મેચમાં ટોસ જીતીને પ્રથમ બેટિંગ કરવા ઉતરેલી ભારતીય ટીમે 183 રનનો લક્ષ્યાંક આપ્યો હતો. જવાબમાં ઝિમ્બાબ્વેની ટીમ 6 વિકેટ ગુમાવીને 159 રન જ બનાવી શકી હતી.

બેટિંગમાં ડીયોન માયર્સે ઝિમ્બાબ્વે માટે 49 બોલમાં અણનમ 65 રનની સર્વોચ્ચ ઇનિંગ રમી હતી. જ્યારે વિકેટકીપર ક્લાઈવ મદંડેએ 26 બોલમાં 37 રન બનાવ્યા હતા. આ સિવાય અન્ય કોઈ બેટ્સમેન પોતાની છાપ છોડી શક્યા નથી. જ્યારે ભારતીય ટીમ તરફથી વોશિંગ્ટન સુંદરે 3 અને અવેશ ખાને 2 વિકેટ ઝડપી હતી. ખલીલ અહેમદે એક વિકેટ લીધી હતી.

ગિલે કેપ્ટન ઇનિંગ્સ રમી, ફટકારી શક્તિશાળી ફિફ્ટી

મેચમાં ટોસ જીતીને પ્રથમ બેટિંગ કરવા ઉતરેલી ભારતીય ટીમે 4 વિકેટ ગુમાવીને 182 રન બનાવ્યા હતા. યશસ્વી જયસ્વાલે શુભમન ગિલ સાથે મેચની શરૂઆત કરી હતી. ગિલે કેપ્ટનશિપની ઇનિંગ રમતા 49 બોલમાં 66 રન બનાવ્યા હતા. આ દરમિયાન તેણે 3 સિક્સ અને 7 ફોર ફટકારી હતી. જ્યારે યશસ્વીએ 36 રન બનાવ્યા હતા.

🔙 to 🔙 wins in Harare 🙌

A 23-run victory in the 3rd T20I as #TeamIndia now lead the series 2⃣-1⃣ 👏👏

Scorecard ▶️ https://t.co/FiBMpdYQbc#ZIMvIND pic.twitter.com/ZXUBq414bI

— BCCI (@BCCI) July 10, 2024

આ સિવાય મિડલ ઓર્ડરમાં ઋતુરાજ ગાયકવાડે 28 બોલમાં 49 રનની ઇનિંગ રમી હતી. છેલ્લી મેચમાં સદી ફટકારનાર અભિષેક શર્માને ત્રીજા નંબરે મોકલવામાં આવ્યો હતો જે માત્ર 10 રન બનાવી શક્યો હતો. નબળી ફિલ્ડિંગ વચ્ચે ઝિમ્બાબ્વે તરફથી કેપ્ટન અને સ્પિનર ​​સિકંદર રઝાએ 2 વિકેટ ઝડપી હતી. આશિર્વાદ મુઝરાબાનીને પણ 2 સફળતા મળી.

આ પણ વાંચો: ‘140 કરોડ ભારતીયોના સપના પૂરા કરવા માટે હું પૂરી તાકાત લગાવી દઈશ’, કોચ બન્યા બાદ ગંભીરનું પ્રથમ નિવેદન