- ડૉ આરવી અશોકને IMAની વેબસાઈટ પર માફીપત્ર પ્રકાશિત કર્યો
- પતંજલિ આયુર્વેદ કેસમાં એક ઈન્ટરવ્યુ દરમિયાન સુપ્રીમ કોર્ટ વિશે ગંભીર ટિપ્પણી કરી હતી
નવી દિલ્હી, 09 જુલાઈ : ઈન્ડિયન મેડિકલ સોસાયટી (IMA)ના અધ્યક્ષ ડૉ.આરવી અશોકને જાહેરમાં માફી માંગી છે. અશોકને એક કેસની સુનાવણી દરમિયાન સુપ્રીમ કોર્ટ દ્વારા કરવામાં આવેલી ટિપ્પણી પર નિવેદન આપ્યું હતું. આ કેસમાં IMA પણ પક્ષકાર હતી. હવે અશોકને પોતાની ટિપ્પણી બદલ માફી માંગી છે. IMA પ્રમુખ આરવી અશોકને પતંજલિ આયુર્વેદ કેસમાં એક ઈન્ટરવ્યુ દરમિયાન સુપ્રીમ કોર્ટ વિશે ગંભીર ટિપ્પણી કરી હતી.
આ પણ વાંચો : અમદાવાદની LD એન્જિનિયરિંગ કોલેજના ખંડેર રૂમમાંથી વિદ્યાર્થીનો મૃતહેદ મળ્યો
વેબસાઈટ પર માફીપત્ર પ્રકાશિત કર્યો
સંગઠન દ્વારા જારી કરવામાં આવેલા નિવેદનમાં કહેવામાં આવ્યું છે કે, ‘IMAના રાષ્ટ્રીય અધ્યક્ષ આર.વી. અશોકને સુપ્રીમ કોર્ટની એક ટિપ્પણી અંગે પત્રકારોને આપેલા પોતાના નિવેદન પર ખેદ વ્યક્ત કર્યો છે. આ દરમિયાન પતંજલિ આયુર્વેદની જાહેરાતોના મામલે સુપ્રીમ કોર્ટમાં સુનાવણી ચાલી રહી હતી. સુપ્રીમ કોર્ટે IMAને તેની સંસ્થા પર ધ્યાન આપવા પણ કહ્યું હતું. ઈન્ડિયન મેડિકલ એસોસિએશને જણાવ્યું કે IMAના પ્રમુખ ડૉ આરવી અશોકને IMAની વેબસાઈટ પર સુપ્રીમ કોર્ટ વિરુદ્ધ ટિપ્પણી કરવા બદલ માફી પત્ર પ્રકાશિત કર્યો છે.
શું હતો સમગ્ર મામલો?
પતંજલિ પર સુપ્રીમ કોર્ટની કડક કાર્યવાહી બાદ જૂથે અખબારોમાં જાહેરાતો આપીને જાહેરમાં માફી માંગી હતી. જો કે, તેમ છતાં, IMA પ્રમુખ ડૉ. આરવી અશોકન તેમના એક નિવેદનના કારણે વિવાદમાં ફસાયા હતા. હકીકતમાં, તેમણે કોર્ટમાં કેસની સુનાવણી દરમિયાન એલોપેથી ડોક્ટરો પર કરવામાં આવેલી ટિપ્પણીઓનો ઉલ્લેખ કરીને સુપ્રીમ કોર્ટની બેંચ પર જ પ્રશ્ન ઉઠાવ્યો હતો. આ મામલામાં પતંજલિએ IMA વિરુદ્ધ કન્ટેમ્પ્ટ પિટિશન દાખલ કરી હતી. અરજીની સુનાવણી દરમિયાન સુપ્રીમ કોર્ટે IMAના વલણ પર સવાલ ઉઠાવ્યા હતા.
આ પણ વાંચો : ‘…ત્યારે વિશ્વ એક અવાજે કહે છે ભારત બદલાઈ રહ્યું છે’, પીએમ મોદીએ રશિયામાં સરકારની ઉપલબ્ધિઓ ગણાવી
