જમ્મુ/ કઠુઆમાં સેનાના વાહન પર આતંકી હુમલો, બે જવાન ઘાયલ

જમ્મુ, 8 જુલાઈ: જમ્મુ-કાશ્મીરમાં ભારતીય સેનાના વાહન પર આતંકી હુમલો થયો છે. હુમલા બાદ ભારતીય સેનાના જવાનો અને આતંકવાદીઓ વચ્ચે એન્કાઉન્ટર શરૂ થયું છે. આતંકવાદીઓએ લોઇ મરાડ ગામ પાસે સેનાના એક વાહનને નિશાન બનાવ્યું હતું. કહેવાય છે કે આતંકીઓએ પહાડીની ટોચ પરથી સૈન્યના વાહન પર હુમલો કર્યો હતો. આ પછી, સેનાએ જવાબી કાર્યવાહી કરી અને કઠુઆ જિલ્લાના સમગ્ર માચેડી વિસ્તારને ઘેરી લીધો અને આતંકવાદીઓની શોધ કરવામાં આવી રહી છે. બદનોટા ગામમાં સેના અને આતંકીઓ વચ્ચે એન્કાઉન્ટર ચાલુ છે.

સૂત્રોના જણાવ્યા અનુસાર 2 થી 3 આતંકીઓએ સેનાના વાહન પર હુમલો કર્યો હતો. સેના અને આતંકીઓ વચ્ચે અથડામણ શરૂ થઈ ગઈ છે. કહેવામાં આવી રહ્યું છે કે આતંકીઓએ સેનાના વાહન પર ગ્રેનેડથી હુમલો કર્યો હતો.આ ઘટનામાં સેનાના બે જવાનો ઘાયલ થયાના સમાચાર છે.

આ સંદર્ભે સર્ચ અને કોર્ડન ઓપરેશન શરૂ કરવામાં આવ્યું છે. આતંકવાદીઓએ સેનાના વાહન પર ગ્રેનેડ પણ ફેંક્યો હોવાનું સામે આવ્યું છે.  છેલ્લા કેટલાક દિવસોમાં ઘાટીમાં અશાંતિ વધી છે. આતંકવાદીઓ સાથે એન્કાઉન્ટરના સમાચાર સતત આવી રહ્યા છે.

રાજૌરીમાં આર્મી કેમ્પ પર આતંકી હુમલો
એક દિવસ પહેલા જ જમ્મુ કાશ્મીરના રાજૌરીમાં ભારતીય સેનાના કેમ્પ પર આતંકી હુમલાનો મામલો સામે આવ્યો હતો. આ હુમલામાં સેનાનો એક જવાન ઘાયલ થયો હતો. આતંકીઓએ આર્મી કેમ્પ પર ગોળીબાર કર્યો હતો. આ દરમિયાન એલર્ટ સુરક્ષા ચોકી પર તૈનાત સૈનિકે પણ આતંકીઓ પર ગોળીબાર કર્યો હતો. આ ઘટના સમયે સેનાનો જવાન ઘાયલ થયો હતો. આતંકીઓ અંધારાનો ફાયદો ઉઠાવીને ભાગી જવામાં સફળ રહ્યા હતા.

કુલગામમાં ગોળીબાર થયો હતો
બીજી તરફ આ હુમલાના થોડા કલાકો બાદ જ ચીનીગામ ગામમાં ગોળીબારની બીજી ઘટના સામે આવી છે. સેનાને લશ્કર જૂથ વિશે ગુપ્ત માહિતી મળી હતી, જેના પછી સુરક્ષા દળો તે વિસ્તારમાં પહોંચ્યા હતા. બંને તરફથી ગોળીબાર થયો હતો. સેનાને કુલગામ વિસ્તારમાં આતંકવાદીઓની હાજરી અંગે ગુપ્ત માહિતી મળી હતી. આ પછી સુરક્ષા દળોએ વિસ્તારમાં સર્ચ ઓપરેશન શરૂ કર્યું હતું. આ દરમિયાન સેનાના જવાનો અને આતંકીઓ વચ્ચે અથડામણ શરૂ થઈ ગઈ હતી.

આ પણ જુઓ: સંદેશખલી કેસમાં મમતા સરકારને SCનો આંચકો: CBI તપાસ ચાલુ રહેશે