કચ્છી નૂતનવર્ષની આજે દેશ અને દુનિયામાં ઉત્સાહ-ઉમંગથી ઉજવણી

ગાંધીનગર, 7 જુલાઈ, 2024: આજે અષાઢી બીજનો પવિત્ર દિવસ એટલે જગતના નાથ ભગવાન જગન્નાથની રથયાત્રાની સાથે સાથે ગુજરાતનો ભાતીગળ, બાહોશ કચ્છી સમુદાય તેના નવા વર્ષની ઉજવણી પણ કરી રહ્યો છે. કચ્છી નવા વર્ષ નિમિત્તે આજે વડાપ્રધાન નરેન્દ્ર મોદી ઉપરાંત ગુજરાતના રાજ્યપાલ આચાર્ય દેવવ્રતજી તથા રાજ્યના મુખ્યપ્રધાન ભૂપેન્દ્રભાઈ પટેલે કચ્છમાં અને કચ્છ બહાર વસતા સૌ કચ્છી ભાઈ-બહેનોને અષાઢીબીજના પવિત્ર પર્વની –  કચ્છી નૂતન વર્ષની શુભકામનાઓ પાઠવી છે. આચાર્ય દેવવ્રતજીએ આ અવસરે શુભકામનાઓ પાઠવતાં કહ્યું છે કે, આ દિવસ આપણને આપણા સમૃદ્ધ સાંસ્કૃતિક વારસા અને પરંપરાઓની પણ યાદ અપાવે છે.

વડાપ્રધાન નરેન્દ્ર મોદીએ X ઉપર કચ્છી બોલીમાં શુભેચ્છા પાઠવી છે.

મૂંજેં વલેં કચ્છી ભા,ભેણેંકે અષાઢી બીજ કચ્છી નયેં વરેંજે ઓચ્છવ ટાણે ધિલસેં વધાઇયું ડીયાંતો, પાંજે કચ્છજી ભોમકા અને કચ્છીએંજી સદાય ચડ઼તી થીએ, કચ્છમેં સુખ, શાંતિ ને સમૃદ્ધિ કાયમ રે અને કચ્છડ઼ેજો ડંકો દુનિયામેં વજધો રે એડ઼ી કચ્છજી કુળદેવી મા આશાપુરા વટે અરધાસ કરીયાંતો.

— Narendra Modi (@narendramodi) July 7, 2024

અષાઢી બીજથી ખેતીનું નવું ચક્ર શરૂ થાય છે. ખેડૂતો નવા પાકની વાવણી શરૂ કરે છે. આ પર્વ નવી આશાઓ, નવી સંભાવનાઓ અને નવી ઊર્જાથી સભર છે. આપણે  પ્રકૃતિ સાથેનું આપણું જોડાણ મજબૂત કરીએ અને પૃથ્વી માતા પ્રત્યે કૃતજ્ઞતા વ્યક્ત કરીએ. રાજ્યપાલ આચાર્ય દેવવ્રતજીએ કહ્યું કે, કચ્છની ધરા હંમેશા તહેવારો અને પરંપરા માટે જાણીતી છે. રથયાત્રા અને અષાઢી બીજનો તહેવાર આપણી એકતા, ભાઈચારા અને સામૂહિકતાની ભાવનાને પણ મજબૂત બનાવે છે. કચ્છી નવું વર્ષ કચ્છ અને કચ્છીઓ ઉપરાંત આપણા સૌ માટે સુખ, સમૃદ્ધિ અને સારું સ્વાસ્થ્ય આપે એવી પ્રાર્થના સાથે સૌને કચ્છી નવા વર્ષની ખૂબ ખૂબ શુભેચ્છાઓ!

મુખ્યપ્રધાન ભૂપેન્દ્ર પટેલે પણ આજના આ શુભ દિવસે ગુજરાત તેમજ દુનિયાભરમાં વસતા કચ્છી સમુદાયને શુભેચ્છા પાઠવી છે. સોશિયલ મીડિયા X ઉપર મુખ્યપ્રધાન પટેલે આ શુભેચ્છા પાઠવી છે.

ગૌરવશાળી વિરાસત અને ભાતીગળ સંસ્કૃતિ ધરાવતા કચ્છના સર્વે ભાઈ-બહેનોને આજે અષાઢી બીજથી શરૂ થતા કચ્છી નૂતન વર્ષની શુભેચ્છાઓ..! pic.twitter.com/GqgLbWvjPf

— CMO Gujarat (@CMOGuj) July 7, 2024

આ પણ વાંચોઃ ભગવાન જગન્નાથની રથયાત્રા આજથી શરૂ: 53 વર્ષ બાદ પુરીમાં પહેલીવાર નીકળશે બે દિવસીય યાત્રા