ભારતીય ક્રિકેટ ટીમના પૂર્વ કેપ્ટન અને ખેલાડી મહેન્દ્ર સિંહ ધોનીને સુપ્રીમ કોર્ટે નોટિસ મોકલી છે. આ નોટિસ આમ્રપાલી ગ્રુપ અને ધોની વચ્ચેના ટ્રાન્ઝેક્શનને લઈને જારી કરવામાં આવી છે. જણાવી દઈએ કે ધોની આમ્રપાલી ગ્રુપનો બ્રાન્ડ એમ્બેસેડર હતો. આમ્રપાલી ગ્રુપ દ્વારા ખરીદદારોને ફ્લેટનો કબજો આપવા અંગે વિવાદ ચાલી રહ્યો છે, જેના માટે સોમવારે સુપ્રીમ કોર્ટમાં સુનાવણી હાથ ધરવામાં આવી હતી.
મહેન્દ્ર સિંહ ધોનીના આમ્રપાલી ગ્રુપ પાસેથી 150 કરોડ રૂપિયા લેવાના છે. આ કેસમાં ફ્લેટ ખરીદનારાઓએ સુપ્રીમ કોર્ટમાં અરજી કરી હતી કે જો આટલા પૈસા ધોનીને આપવામાં આવે તો ફ્લેટ નહીં બને. સુપ્રીમ કોર્ટે ધોનીનો પક્ષ જાણવા માટે તેને નોટિસ મોકલી છે. આ પહેલા આમ્રપાલી ગ્રુપ અને મહેન્દ્ર સિંહ ધોની વચ્ચેની લેવડદેવડનો મામલો હાઈકોર્ટમાં હતો. હાઈકોર્ટે એક કમિટીની રચના કરીને મામલો ઉકેલવાની કામગીરી સોંપી હતી. આ પછી, ફ્લેટ ખરીદનારાઓએ સુપ્રીમ કોર્ટમાં અરજી દાખલ કરી અને કહ્યું કે આમ્રપાલી જૂથ પાસે ઓછું ભંડોળ છે. જેથી તેઓ ફ્લેટ મેળવી શકતા નથી. જો આમ્રપાલી ગ્રુપ આટલા પૈસા મહેન્દ્ર સિંહ ધોનીને આપશે તો તેનો ફ્લેટ મળવો મુશ્કેલ થઈ જશે.
આમ્રપાલી ગ્રૂપ પર આરોપ છે કે તેણે સમયમર્યાદા પૂરી થયા બાદ પણ ફ્લેટનો કબજો ન આપ્યો અને કિંમત લીધી. આ પછી ખબર પડી કે ફ્લેટ હજુ તૈયાર થયા નથી. મામલો સુપ્રીમ કોર્ટમાં પહોંચ્યો હતો. મહેન્દ્ર સિંહ ધોની લાંબા સમય સુધી ગ્રુપના બ્રાન્ડ એમ્બેસેડર હતા અને ઘણી જાહેરાતો પણ કરી હતી. નોઈડામાં જ્યારે આમ્રપાલી ગ્રૂપ વિરુદ્ધ વિરોધ પ્રદર્શનો થઈ રહ્યા હતા ત્યારે ધોની વિરુદ્ધ અભિયાન પણ ચલાવવામાં આવ્યું હતું. આ પછી જ તેણે આમ્રપાલી ગ્રુપ સાથે નાતો તોડી નાખ્યો.
