પ્લેબેક સિંગર સોનૂ નિગમે બાબા કેદારનાથના કર્યા દર્શન, જુઓ ફોટોઝ
- સિંગર સોનૂ નિગમે આજે સવારે બાબા કેદારનાથના દર્શન કરીને પ્રાર્થના કરી હતી. તેણે ગળામાં ભગવો ખેસ ધારણ કરીને સફેદ કૂર્તો પહેર્યો હતો
26 જૂન, કેદારનાથઃ બોલિવૂડના મશહૂર પ્લેબેક સિંગર સોનૂ નિગમ આજે (26 જૂન) સવારે કેદારનાથ ધામના દરબારમાં પહોંચ્યો હતો. આજે સવારે સવા સાત વાગ્યે તે હેલિકોપ્ટરથી કેદારનાથ ધામ આવ્યો. આ દરમિયાન તે સંપૂર્ણપણે શિવભક્તિમાં લીન જોવા મળ્યો હતો. તેણે ગળામાં ભગવો ખેસ ધારણ કરીને સફેદ કૂર્તો પહેર્યો હતો. સોનૂ નિગમે બાબા કેદારનાથના દર્શન કરીને પ્રાર્થના કરી હતી.
Uttarakhand | Singer Sonu Nigam visited Lord Kedarnath temple this morning. pic.twitter.com/4iFHs2ZYQl
— ANI (@ANI) June 26, 2024
ભોલેનાથની ભક્તિમાં લીન
સોનૂ નિગમ ઉત્તરાખંડમાં સ્થિત બાબા કેદારનાથ ધામના મંદિર બહાર ઊભેલો જોવા મળ્યો હતો. તેની સાથએ અન્ય પુજારી પણ જોવા મળ્યા હતા. ગાયકના માથા પર ચંદનનું તિલક હતું. હેલિકોપ્ટરમાંથી ઉતરીને સોનૂ પગપાળા મંદિરે પહોંચ્યો હતો. સોનૂ નિગમની સાથે તેનો પરિવાર પણ બાબા કેદારનાથના દર્શને પહોંચ્યો હતો. આ દરમિયાન સોનૂ નિગમને જોવા માટે ભીડ બેકાબૂ થઈ હતી. લોકો તેની સાથે સેલ્ફી લેવાની કોશિશ કરતા હતા.
Singer Sonu Nigam at the Kedarnath Temple. pic.twitter.com/zkxUWI1kzl
— Vani Mehrotra (@vani_mehrotra) June 26, 2024
ભોલેબાબાની શરણમાં પહોંચતા જ સોનૂ નિગમે ભગવાન શિવની આરાધના કરી અને જળાભિષેક કર્યો. મંદિર પ્રાંગણમાં મંદિર સમિતિ પ્રભારીઓએ સિંગરનું સ્વાગત કર્યું અને ભગવાન કેદારનાથનો પ્રસાદ ભેટ કર્યો હતો. આ ઉપરાંત સિંગરે મહંતની સામે ભજન પણ ગાઈને સંભળાવ્યા હતા.
અચ્યુતમકેશવમ…
વર્કફ્રંટની વાત કરીએ તો તાજેતરમાં સોનૂ નિગમે આમિરખાનના પુત્ર જુનેદ ખાનની ડેબ્યૂ ફિલ્મ મહારાજના એક ગીતમાં અવાજ આપ્યો છે. તેણે મહારાજ ફિલ્મનું અચ્યુતમકેશવમ.. ભજન પોતાના અવાજમાં ગાયું છે, જે હાલમાં ટોપ ટ્રેન્ડમાં છે.
આ પણ વાંચોઃ સ્ત્રી 2નું ધમાકેદાર ટીઝર રીલીઝ, શ્રદ્ધા અને રાજકુમાર લગાવશે હોરર-કોમેડીનો તડકો
