બનાસકાંઠા :ડીસાની ધરતી રેસીડેન્સીમાંથી યુવકનું અપહરણ
- અપહ્યત યુવક ના ભાઈએ પ્રેમલગ્ન કરતા અદાવતમાં ડીસાથી યુવક ના ભાઈ નું અપહરણ કર્યું
- બે કારમાં આવેલા મોરબીના 5 શખ્સો એ અપહ્યુત યુવકને રાજસ્થાન લઇ જઈ ઢોર માર માર્યો
બનાસકાંઠા 26 જૂન 2024 : પાલનપુરમાં ડીસા માં રહેતા એક યુવક ના ભાઈ એ મોરબી ખાતે રીંકબેન પટેલ સાથે પ્રેમ લગ્ન કરેલ હોય, આ બાબતે યુવતી ના સગા ઓ એ રીંકલબેનને પરત મેળવવા સારૂ આરોપીઓ એક સંપ થઇ ડીસા ધરતી રેસીડેન્સી ખાતે યુવક ના ભાઈ નું અપહરણ કરી રાજસ્થાન ખાતે ફાર્મ હાઉસ ઉપર લઇ જઇ આરોપીઓએ ફરીયાદીને ગાડીમાં તથા ફાર્મમાં મુઢ માર મારી જમણા હાથે ફેકચર કરી જાનથી મારી નાખવાની ધમકીઓ આપી હતી. અને ત્યાથી મોરબી લઇ જઇ અને મોરબીથી માળીયા ઓનેસ્ટ હોટલ આગળ લાવી નાખીને નાશી ગયા હતા. આ મામાલે પીડિત યુવકે ડીસા દક્ષિણ પોલીસ મથકે ફરિયાદ નોધાવી છે
મૂળ ડીસા ની ધરતી રેસીડેન્સી ખાતે રહેતા મયંકભાઈ સુરેશભાઈ પટેલ નોકરી કરી પરિવારનું ગુજરાન ચલાવે છે. જોકે તેમના નાના ભાઈ ક્ષિતિજ સુરેશભાઈ પટેલ મોરબી ખાતે રહે છે. જ્યાં થોડા સમય અગાઉ ક્ષિતિજભાઈ એ અહીંના રીંકુબેન પટેલ સાથે પ્રેમલગન કરેલ. પરંતુ આ લગ્ન યુવતી ના પરિવારજનો ને પસંદ ના હોઈ તે બાબત ની અદાવત રાખીને ગઇ તા.૨૨ જૂન ૨૦૨૪ ના રોજ યુવતી ના ભાઈ અને અન્ય માણસો ગાડી માં બેસી સાંજના સુમારે ડીસા ખાતે ધરતી રેસીડેન્સીમાં રહેતા યુવકના ભાઈ મયંકભાઈ ને ઘરે આવેલા. તે વખતે મયંકભાઈ ઘર આગળ ખુલ્લી જગ્યામાં તેમના મિત્ર આકાશ ચંદુભાઇ ભાટી તથા ચંદ્રભાઇ ભાટી સાથે બેઠા હતા.ત્યારે અચાનક પાંચેક માણસોએ ત્યાં આવી અને તેમાના ત્રણ જણા એ મયંકભાઈ ને ઉપાડી સોસાયટી ના ગેટ પાસે પડેલ કાળા કલરની ગાડીમાં નાખેલ. અને અન્ય માણસો બીજી ગાડી માં બેસી રવાના થયેલા. અને રાજસ્થાન ખાતે આવેલ ફાર્મ હાઉસ ઉપર લઇ ગયેલા. દરમિયાન આ લોકોએ રસ્તામાં તેમજ ફાર્મ હાઉસ ઉપર રબ્બરના પટ્ટાથી તેમજ લોખંડની પાઇપ થી મયંકભાઈ આડેધડ માર મારતાં તેમના જમણા હાથે ફ્રેકચર થઈ ગયું હતું. તેમજ કમર તથા પીઠના ભાગે માર મારી રાત્રી દરમ્યાન ફાર્મ હાઉસ ઉપર ગોંધી રાખ્યા હતા. અપહરણ કર્તા ઓ એ મયંકભાઈ ને કહેલ કે, “તારા ભાઇ ક્ષિતીજે અમારી બેન રીંકલ સાથે પ્રેમ લગ્ન કરેલ છે. તેમની ભાળ બતાવ નહી તો તને બંદુકની ગોળીથી પતાવી દેશુ” તેવી ધમકીઓ આપી હતી.
જોકે આ બાબતે મયંકભાઈ એ “મારો ભાઈ તથા રીંકલ ક્યા મને ખબર નથી” તેમ જણાવ્યું હતું. બાદ માં તા.૨૩ જૂન ૨૦૨૪ ના રાત્રીના બે ત્રણ વાગ્યે આ લોકો રાજસ્થાન ફાર્મ હાઉસથી ગાડીમાં મયંકભાઈ ને નાખી પાલનપુર, મહેસાણા અને મહેસાણાથી મોરબી મચ્છુ નદીના કિનારે લઇ ગયેલ. માળીયા એક હોટલ આગળ ફેકી નાશી ગયેલા. અપહરણકારો એ મયંકભાઈ નો મોબાઇલ ફોન પણ લઈ લીધેલો. જેથી મયંકભાઈ અન્ય ફોન થી તેમના સગા ને મોરબી બોલાવેલા. તેઓ મયંકભાઈ ને લઇ પ્રથમ મોરબી અને બાદમાં ડીસા ખાતે વિશ્વાસ હોસ્પિટલમાં દાખલ કરેલ. જોકે અપ્હણકારો એ મયંકભાઈ ધમકી આપેલ કે “તુ પોલીસ ફરીયાદ કરીશ તો તારા માતા પિતા તેમજ તારા નજીકના સગા વહાલાઓને ઉપાડી લઇ જશુ”, જેથી તેઓ ડરી ગયા હતાં . જોકે સારવાર લીધા બાદ ડીસા દક્ષિણ પોલીસ મથકે વિશાલ પટેલ, આશિષ સેંગાણી,મુન્નાભાઇ પટેલ, ભાવેશ,ઉત્તમ, (તમામ રહેવાસી મોરબી) વિરુદ્ધ મયંકભાઈ સુરેશભાઈ પટેલ ની ફરિયાદ નોંધી આરોપીઓ ને ઝડપી પાડવા કાર્યવાહી હાથ ધરી છે.
આ પણ વાંચો : બનાસકાંઠા : વરસાદથી ભીલડી માર્કેટ યાર્ડ માં પડેલી અનાજની બોરીઓ પલડતા વ્યાપક નુકસાન
