બહામાસમાં હૈતી પરપ્રાંતીયને લઈ જતી બોટ પલટી ગઈ હોવાની ઘટના બની હતી.જેમાં 17 લોકોના મોત થયા છે જયારે 25 જેટલા પ્રવાસીઓને સુરક્ષિત રીતે બચાવી લેવામાં આવ્યા છે. મળતી માહિતી મુજબ આ ઘટના રવિવારે વહેલી સવારે બની હતી. મિયામી જઈ રહેલી બોટમાં 60 લોકો સવાર હતા. આ દરમિયાન બોટનું સંતુલન ખોરવાઈ ગયું હતું અને તમામ પ્રવાસીઓ દરિયામાં ખાબક્યા હતા. અધિકારીઓએ જણાવ્યું હતું કે, બોટ ન્યુ પ્રોવિડન્સથી લગભગ 7 માઈલ દૂર ડૂબી ગઈ હતી.
Authorities in the Bahamas say a boat carrying Haitian migrants apparently capsized at sea, and Bahamian security forces recovered the bodies of 17 people and rescued 25 others, reports The Associated Press pic.twitter.com/PuaAdoj3ix
— ANI (@ANI) July 25, 2022
બહામાસના દરિયાકાંઠે એક બોટ પલટી, 17 લોકોના મોત
સાથે જ બહામિયાના વડાપ્રધાન ફિલિપ ડેવિસે એક પ્રેસ કોન્ફરન્સમાં જણાવ્યું હતું કે બચાવકર્તાઓએ એક બાળક સહિત 17 લોકોના મૃતદેહ બહાર કાઢ્યા છે. તેમજ અત્યાર સુધીમાં 25 લોકોને બચાવી લેવામાં આવ્યા છે. ડેવિસે કહ્યું કે અધિકારીઓ માને છે કે તેઓ બધા સ્પીડબોટમાં મિયામી જઈ રહ્યા હતા.
JUST IN: Bahamas PM says an infant is among 17 people who died after a vessel with suspected Haitian immigrants capsized early this morning.
25 people rescued, and search continues for more people pic.twitter.com/84Xh8sOQIU
— Anselm Gibbs (@AnselmGibbs) July 24, 2022
બોટમાં 60 લોકો સવાર હતા
સ્પીડબોટમાં 60થી વધુ લોકો સવાર હતા સ્થળાંતર કરનારાઓના મૃત્યુ પર શોક વ્યક્ત કરતા ડેવિસે કહ્યું, ‘હું મારી સરકાર અને બહામાસના નાગરિકો વતી આ દુર્ઘટનામાં માર્યા ગયેલા સ્થળાંતર કરનારાઓના પરિવારો પ્રત્યે મારી સંવેદના વ્યક્ત કરું છું.’ તે જ સમયે, હૈતીના વડા પ્રધાન એરિયલ હેનરીએ પણ ઘટના અંગે દુઃખ પણ વ્યક્ત કર્યું હતું. તેમણે કહ્યું કે, તેમને પીડિત પરિવારો પ્રત્યે સહાનુભૂતિ છે.
[1/2]
17 compatriotes sont morts au large des Bahamas et plusieurs disparus, ce 24 juillet. Ce nouveau drame attriste la nation tout entière.
— Dr Ariel Henry (@DrArielHenry) July 24, 2022
અકસ્માતમાં હજુ પણ ઘણા લોકો ગુમ
પોલીસ કમિશનર ક્લેટન ફર્નાન્ડરે જણાવ્યું કે સ્પીડ બોટમાં 60થી વધુ લોકો સવાર હતા. એવું માનવામાં આવે છે કે સ્પીડબોટ ઓવરલોડિંગને કારણે તેનું સંતુલન ગુમાવી દીધી હતી અને સમુદ્રની વચ્ચે પલટી ગઈ હતી. ન્યૂ પ્રોવિડન્સ આઇલેન્ડથી લગભગ 7 માઇલ (11 કિમી) દૂર આ અકસ્માત થયો હતો. અકસ્માતમાં હજુ પણ ઘણા લોકો ગુમ છે.
