આ સુંદરી એક્ટિંગ અને ડાન્સિંગ ઉપરાંત છે સિંગિંગમાં પણ પારંગત, સાંભળો ગીત
- અત્યાર સુધી પરિણીતી ચોપરા, શ્રદ્ધા કપૂર અને આલિયા ભટ્ટ જેવી અભિનેત્રીઓને લોકોએ ગાતા સાંભળી છે. હવે આ રેસમાં ભૂતપૂર્વ મિસ વર્લ્ડ ઐશ્વર્યા રાય પણ સામેલ થઈ છે
1 જૂન, મુંબઈઃ ઐશ્વર્યા રાય બચ્ચન ફિલ્મ ઈન્ડસ્ટ્રીમાં માત્ર તેની સુંદરતા માટે જ નહીં, પરંતુ ઉત્તમ અભિનય અને અફલાતૂન ડાન્સ માટે પણ જાણીતી છે, કદાચ જાણીને નવાઈ લાગશે પરંતુ અભિનેત્રી સિંગિંગમાં પણ નિષ્ણાત છે. ભાગ્યે જ આપણે ઐશ્વર્યાને ગાતી જોઈ હશે. અત્યાર સુધી પરિણીતી ચોપરા, શ્રદ્ધા કપૂર અને આલિયા ભટ્ટ જેવી અભિનેત્રીઓને લોકોએ ગાતા સાંભળી છે. હવે આ રેસમાં ભૂતપૂર્વ મિસ વર્લ્ડ ઐશ્વર્યા રાય પણ સામેલ થઈ છે.
View this post on Instagram
ઐશ્વર્યાનો સિંગિંગ વીડિયો વાયરલ
ઐશ્વર્યા જ્યાં પણ જાય છે, તે તેના દેખાવ અને સ્ટાઈલને કારણે છવાઈ જાય છે. લોકો તેની સુંદરતાને મોહી જાય છે. આવું પહેલીવાર બન્યું જ્યારે ઐશ્વર્યાએ એક ઈવેન્ટમાં પોતાની ગાયકીથી લોકોને દિવાના બનાવ્યા. હાલમાં ઐશ્વર્યાનો એક જૂનો વીડિયો સોશિયલ મીડિયા પર વાયરલ થઈ રહ્યો છે, જેમાં તે ગાતી અને ડાન્સ કરતી જોવા મળી રહી છે. તેનો આ વાયરલ વીડિયો ફિલ્મ ‘ગુઝારીશ’ની પ્રમોશનલ ઈવેન્ટનો છે, જેમાં તે સ્ટેજ પર ફિલ્મ ‘ગુઝારિશ’નું ગીત ‘નીંદે આંખો સે ઉડી’ ગાતી જોવા મળે છે.
આ દરમિયાન તેમની સાથે સ્ટેજ પર સંજય લીલા ભણસાલી પણ જોવા મળે છે, જે ઐશ્વર્યાના ગીત પર ઝૂમી રહ્યા છે. તમે વીડિયોમાં આગળ જોઈ શકો છો કે આ દરમિયાન રિતિક રોશન પણ આ બંને સાથે જોડાયો હતો અને ત્રણેયે સાથે ગીત ગાયું હતું. હવે ઐશ્વર્યાનો આ વીડિયો સોશિયલ મીડિયા પર વાયરલ થઈ રહ્યો છે, લોકો તેની સિંગિંગ ક્વોલિટીથી ખૂબ જ પ્રભાવિત થઈ રહ્યા છે.
આ પણ વાંચોઃ અંબાણી પરિવારની રાજકુમારી વેદાનો પહેલો બર્થડે ક્રૂઝ પર ઉજવાયો
