ઘરેથી ખાઈને નીકળો આ વસ્તુઓ, ગરમ હવામાં નહીં લાગે લૂ

• જ્યારે તીવ્ર સૂર્યપ્રકાશની વચ્ચે શરીર પર ગરમ પવન ફૂંકાય છે, ત્યારે શરીર ઝડપથી ડીહાઇડ્રેટ થવા લાગે છે અને વ્યક્તિને હીટસ્ટ્રોક લાગે છે. આ જ કારણ છે કે ઘરના વડીલો ઉનાળામાં હીટસ્ટ્રોકથી બચવા માટે અલગ-અલગ ઉપાયો સૂચવે છે

જેમ જેમ ગરમીનો પારો ચઢતો જાય છે તેમ તેમ હીટ સ્ટ્રોકનું જોખમ વધી રહ્યું છે. જ્યારે તીવ્ર સૂર્યપ્રકાશની વચ્ચે શરીર પર ગરમ પવન ફૂંકાય છે, ત્યારે શરીર ઝડપથી ડીહાઇડ્રેટ થવા લાગે છે અને વ્યક્તિને હીટસ્ટ્રોક લાગે છે. આ જ કારણ છે કે ઘરના વડીલો ઉનાળામાં હીટસ્ટ્રોકથી બચવા માટે અલગ-અલગ ઉપાયો સૂચવે છે. હીટસ્ટ્રોકથી પોતાને બચાવવા માટે શરીરમાં પાણીની પૂરતી માત્રા હોવી જરૂરી છે.

જો તમે અમુક વસ્તુઓ ખાધા કે પીધા પછી ઘરની બહાર નીકળો છો, તો હીટસ્ટ્રોકનું જોખમ નોંધપાત્ર રીતે ઓછું થઈ જાય છે. આ વસ્તુઓ ઘરે સરળતાથી મળી જાય છે. જાણો કઈ છે આ વસ્તુઓ જે હીટ સ્ટ્રોક નહીં લાગવા દે.

5 વસ્તુઓ તમને હીટ સ્ટ્રોકથી બચાવશે

ડુંગળી

ઉનાળામાં પુષ્કળ ડુંગળી ખાવાની સલાહ આપવામાં આવે છે. આમ કરવાથી હીટ સ્ટ્રોક અને અને લૂ લાગવાનું જોખમ નોંધપાત્ર રીતે ઓછું થાય છે. ડુંગળીમાં એવા કમ્પાઉન્ડ મળી આવે છે, જે શરીરને ઠંડુ રાખવામાં મદદ કરે છે. તેનું સેવન સનબર્નથી પણ બચાવે છે. ડુંગળીની અસર એટલી ઠંડક આપે છે કે જ્યારે ગરમી હોય ત્યારે લોકો ખિસ્સામાં ડુંગળી લઈને ઘરની બહાર નીકળે છે.

દહીં

ઉનાળામાં શરીરને હાઇડ્રેટ રાખવા અને હીટસ્ટ્રોક સામે રક્ષણ મેળવવા માટે દહીંનું સેવન ખૂબ જ ફાયદાકારક છે. દહીં પેટની બળતરા અને ગરમીને શાંત કરવા માટે પણ કામ કરે છે. દહીંમાં જોવા મળતું કૂલિંગ એજન્ટ હીટ સ્ટ્રોકથી બચાવે છે અને પાચનમાં સુધારો કરે છે.

તરબૂચ

તરબૂચ ઉનાળામાં પુષ્કળ પ્રમાણમાં મળે છે. આ એક એવું ફળ છે જેમાં 92 ટકાથી વધુ પાણી હોય છે. જો તમે આ ફળ ખાધા પછી ઘરની બહાર નીકળો છો, તો શરીરમાં ડિહાઇડ્રેટ થવાનું જોખમ ઘટી જાય છે. જે હીટ સ્ટ્રોકથી બચાવે છે. તરબૂચને સીધું ખાઈ શકાય છે અથવા તેનો જ્યૂસ પણ પી શકાય છે.

આમ પન્ના

કાચી કેરીમાંથી બનાવેલ પન્ના ઉનાળામાં હીટસ્ટ્રોકથી બચવા માટે ખૂબ જ અસરકારક ઉપાય છે. આમ પન્ના માત્ર ટેસ્ટી જ નથી, સાથે હેલ્ધી પણ છે. આમ પન્નામાં ઘણા ગુણો જોવા મળે છે અને શરીરની ઉર્જા વધારવાની સાથે તે શરીરમાં પાણીની કમી થવા દેતું નથી.

ફુદીનો

ફુદીનાના પાનની તાસીર ઠંડી હોય છે. આ જ કારણ છે કે ઉનાળામાં ફુદીનાની ચટણી અને ફુદીનાનો રસ પીવામાં આવે છે. ફુદીનામાં એન્ટી-ઓક્સીડેન્ટ મળી આવે છે જે પેટને ઠંડક આપે છે. તે શરીરને હીટસ્ટ્રોકથી પણ બચાવે છે. ફુદીનાનું પાણી શરીરમાંથી ઝેરી તત્વોને દૂર કરવામાં પણ મદદ કરે છે.

આ પણ વાંચોઃ એસીની ઠંડી સહન થતી નથી અને વારંવાર બંધ કરી દો છો? તો શરીરમાં હોઈ શકે આ વસ્તુની કમી