નોઈડામાં મોટો અકસ્માત, હાઈરાઈઝ સોસાયટીમાં ACમાં થયો બ્લાસ્ટ અને પછી શું થયું જાણો
- AC બ્લાસ્ટને કારણે આખા ફ્લેટમાં આગ લાગી ગઈ
- લાગેલી આગનો વીડિયો થયો વાયરલ
નોઈડા, 30 મે, નોઈડાના સેક્ટર 100માં આવેલી લોટસ બ્લુબર્ડ સોસાયટીના ફ્લેટમા AC વિસ્ફોટના કારણે ભીષણ આગ ફાટી નીકળી છે, , જેના કારણે સોસાયટીમાં રહેતા લોકોમાં અફરા-તફરી મચી ગઈ હતી. AC બ્લાસ્ટને કારણે આખા ફ્લેટમાં આગ લાગી ગઈ છે. આગ લાગ્યા બાદ નજીકના ફ્લેટમાં રહેતા લોકો તેમના ફ્લેટ છોડીને જમીન પર આવી ગયા હતા.
#WATCH | Uttar Pradesh: Fire broke out at Lotus Boulevard Society in Noida’s Sector 100.
(Video Source: Local resident) pic.twitter.com/d3tU4Y4hHx
— ANI (@ANI) May 30, 2024
ઉનાળાના દિવસોમાં દેશમાં આગની ઘટનાઓ પણ ઝડપથી વધી રહી છે. આવી સ્થિતિમાં, કોઈપણ ઈલેક્ટ્રોનિક આઈટમ કે જેને યોગ્ય રીતે હેન્ડલ કરવામાં આવતી નથી અને તેનો બેદરકારીપૂર્વક ઉપયોગ કરવામાં આવે છે, તે ખરાબ થઈ શકે છે અને વિસ્ફોટ પણ થઈ શકે છે. આવી જ એક ઘટના પ્રકાશમાં આવી છે. નોઈડામાં એક બહુમાળી સોસાયટીમાં AC વિસ્ફોટના કારણે ભીષણ આગ ફાટી નીકળી છે, ઘણા ફ્લેટ આ આગની લપેટમાં આવી ગયા છે. જેના કારણે સોસાયટીમાં રહેતા લોકોમાં અફરા-તફરીનો માહોલ સર્જાયો હતો. આ મામલો નોઈડાના સેક્ટર 100 સ્થિત લોટસ બુલેવાર્ડ સોસાયટીનો છે. નજીકના ફ્લેટમાં રહેતા લોકો તેમના ફ્લેટ છોડીને મેદાનમાં આવી ગયા હતા. ઘણા વધુ ફ્લેટમાં પણ આગ લાગવાની શક્યતા છે. ઘટના સ્થળે સ્થાનિકો દોડી આવી એકઠા થઈ ગયા હતા અને તાત્કાલિક ફાયર વિભાગને આગની જાણ કરી હતી. હાલ આગ પર કાબૂ મેળવવાના પ્રયાસો કરવામાં આવી રહ્યા છે.
આગને બુઝાવવા માટે પાંચ ફાયર ટેન્ડર ઘટનાસ્થળે પહોંચ્યા
લોટસ બ્લુબર્ડ સોસાયટીના ફ્લેટમાં લાગેલી આગના કારણે તમામ લોકોમાં ભયનો માહોલ જોવા મળી રહ્યો છે. પ્રશાસને પણ આગ ઓલવવા માટે ઝડપી કાર્યવાહી હાથ ધરી છે. ફાયર ઓફિસરના જણાવ્યા અનુસાર આગને બુઝાવવા માટે પાંચ ફાયર ટેન્ડર ઘટનાસ્થળે મોકલવામાં આવ્યા છે. ફ્લેટમાં લાગેલી આગનો વીડિયો વાયરલ થઈ રહ્યો છે
આ પણ વાંચો..જગન્નાથ પુરીની ચંદન યાત્રા દરમિયાન વિસ્ફોટ! 15 લોકો દાઝી ગયા, જુઓ વીડિયો
