તમારા પરિચિતના અવાજમાં મદદ માટેનો ફોન આવે તો રહેજો સાવધાન ,જાણો વૉઇસ ક્લોનિંગ કૌભાંડ વિશે

• 38 ટકા ભારતીયો વાસ્તવિક અને ક્લોન કરેલા અવાજો વચ્ચે તફાવત કરી શકતા નથી

29 મે 2024, વૉઇસ ક્લોનિંગ કૌભાંડ ઝડપથી વધી રહ્યું છે. આમાં, સ્કેમર્સ તમારા પ્રિયજનોના અવાજમાં તમારી સાથે વાત કરે છે અને પૈસાની માંગ કરે છે, જેના કારણે ઘણા લોકો મૂંઝવણમાં આવે છે અને પૈસા આપી દે છે. પરંતુ પાછળથી તેમની સાથે છેતરપિંડી કરવામાં આવી હોવાનું બહાર આવ્યું છે. તમારે  આવા સ્કેમ્સથી સાવધાન રહેવાનું છે અને બચવાનું છે, જાણો કેવી રીતે?

વૉઇસ ક્લોનિંગ છેતરપિંડી કોઈના અવાજની નકલ કરવા માટે આર્ટિફિશિયલ ઇન્ટેલિજન્સનો ઉપયોગ કરે છે. આ છેતરપિંડી ત્યારે થાય છે જ્યારે છેતરપિંડી કરનારાઓ અવાજની નકલ કરીને લોકોની ઓળખ ચોરવાનો, વ્યક્તિગત માહિતી મેળવવા, પૈસા માંગવા અથવા બેંક એકાઉન્ટ્સ ઍક્સેસ કરવાનો પ્રયાસ કરે છે. સ્માર્ટફોનના આગમનથી જીવન સરળ બન્યું છે, પરંતુ ટેક્નોલોજીના વિકાસ સાથે, ઘણી મુશ્કેલીઓ પણ ઊભી થવા લાગી છે. લોકો સાથે છેતરપિંડી કરનારાઓ ટેક્નોલોજીનો ઉપયોગ કરીને નવા રસ્તા શોધવાનો પ્રયાસ કરી રહ્યા છે અને તેમાંથી એક વૉઇસ ક્લોનિંગ કૌભાંડ છે. વૉઇસ ક્લોનિંગ શું છે? તમે તેને કેવી રીતે ઓળખી શકો છો? અને સ્કેમર્સ લોકોને કેવી રીતે છેતરે છે? થોડા સમય પહેલા એક અભ્યાસમાં જાણવા મળ્યું હતું કે લગભગ 38 ટકા ભારતીયો વાસ્તવિક અને ક્લોન કરેલા અવાજો વચ્ચે તફાવત પારખી શકતા નથી, આ ચિંતાનો વિષય છે. અદ્યતન ટેક્નોલોજીના કારણે ક્લોન કરેલો અવાજ બિલકુલ વાસ્તવિક અવાજ જેવો જ લાગે છે.

વૉઇસ ક્લોનિંગ સ્કેમર્સ આ રીતે થાય છે

સ્કેમર્સ સૌથી પહેલાં એઆઈ દ્વારા તમારી નજીકના લોકોના અવાજની નકલ કરે છે અને પછી આર્ટિફિશિયલ ઈન્ટેલિજન્સની મદદથી વાસ્તવિક અવાજનો ક્લોન તૈયાર કરવામાં આવે છે. વૉઇસ ક્લોન તૈયાર થયા પછી, સ્કેમર્સ તમને ડરાવવા માટે વૉઇસનો ઉપયોગ કરે છે. ડરાવવાનો હેતુ એ છે કે ગભરાયેલી વ્યક્તિ વિચાર્યા વિના કોઈપણ પગલું ભરે છે. સ્કેમર્સ ફોન કરે છે અને પછી તે અવાજ સંભળાવે છે, અવાજ મમ્મી-પાપા જેવો કોઈ પણ હોઈ શકે છે- મને બચાવો-મને બચાવો. આ અવાજ સાંભળીને તમને ડરાવે છે ત્યારબાદ તમારાં બાળકને છોડાવવાના બદલામાં તમારી પાસેથી મોટી રકમની માંગ કરવામાં આવે છે. આ પછી, લોકો વિચાર્યા વિના સ્કેમર્સ દ્વારા સૂચવેલા ખાતામાં પૈસા ટ્રાન્સફર કરવાની ભૂલ કરે છે.

સ્કેમર્સથી બચવા આ વસ્તુ રાખો ધ્યાનમાં

AI દ્વારા બનાવવામાં આવેલા વૉઇસ ક્લોનિંગને ઓળખવું મુશ્કેલ હોઈ શકે છે, પરંતુ અશક્ય નથી. જો તમને કોઈ અજાણ્યા વ્યક્તિનો ફોન આવે અને તમારી નજીકની કોઈ વ્યક્તિ તમારી પાસેથી આર્થિક મદદ માંગે તો સાવચેત રહો. તમે જેનો અવાજ સાંભળી શકો તે વ્યક્તિને બીજા ફોનથી કૉલ કરો. પૈસા મોકલવામાં ઉતાવળ ન કરો, પહેલાં તમારી સામેની વ્યક્તિ વિશે જાણો. જો તમે બીજા ફોનથી તે વ્યક્તિ સાથે વાત કરો છો જેનો અવાજ તમે સાંભળ્યો છે, તો તેનો અર્થ એ છે કે તમને મળેલા અજાણ્યા નંબર પરથી કોલ ફેક છે. ટેક્નોલોજી તમે ઈચ્છો તેટલી આગળ વધી શકે છે, પરંતુ સંપૂર્ણ સમાન અવાજ ઉત્પન્ન કરવાનું મુશ્કેલ છે. જો તમે અવાજને ધ્યાનથી સાંભળશો, તો તમે વાસ્તવિક અને નકલી અવાજ વચ્ચેનો તફાવત સમજી શકશો.

આ પણ વાંચો..WhatsApp યુઝર્સ માટે ખુશીના સમાચાર: હવે મોકલી શકશે લાંબા વોઇસ મેસેજ, કેવી રીતે?