છત્તીસગઢની સૌથી મોટી ગનપાઉડર ફેક્ટરીમાં આગ: દૂર-દૂર સુધી વિસ્ફોટનો અવાજ સંભળાયો, 6 ઘાયલ

• SDRF અને પોલીસ પ્રશાસનની ટીમોએ ઘટનાસ્થળે પહોંચીને બચાવ કામગીરી શરૂ કરી, એમ્બ્યુલન્સ પણ હાજર 

રાયપુર, 25 મે: છત્તીસગઢની સૌથી મોટી ગનપાઉડર ફેક્ટરીમાં આજે શનિવારે સવારે જોરદાર વિસ્ફોટ થયો હતો. આ પછી ફેક્ટરીમાં આગ લાગી હતી. આગની ઘટના બેમેત્રા જિલ્લા(Bemetara district)થી 70 કિલોમીટર દૂર બોરસી(Borsi) નામના ગામમાં બની હતી. SDRF અને પોલીસ પ્રશાસનની ટીમો પણ ઘટનાસ્થળે પહોંચી ગઈ છે અને બચાવ કામગીરી હાથ ધરવામાં આવી છે. સ્થળ પર એમ્બ્યુલન્સ પણ બોલાવવામાં આવી છે. આગ એટલી ભીષણ છે કે, તેની જ્વાળાઓ દૂર દૂર સુધી જોઈ શકાય છે. ફેક્ટરીમાં થયેલા આ વિસ્ફોટનો અવાજ કેટલાય કિલોમીટર સુધી સંભળાયો હતો. મળતી માહિતી મુજબ, આ ઘટનામાં 6 લોકો ઘાયલ થયા છે.

#BREAKING : 10 people dead in Bemetara gunpowder factory blast
An explosion occurred at a gunpowder factory in Chhattisgarh, leading to the complete collapse of the building and trapping workers beneath the debris. #Bemetara #gunpowderfactoryblast #Blast #Chhattisgarh #Urgent… pic.twitter.com/vDauWUJ8wb

— upuknews (@upuknews1) May 25, 2024

Chhattisgarh: Blast at ‘Special Blast Limited’ gunpowder factory in Gram Pirada, Berala block. Several injured and feared dead. District administration on site. More details awaited pic.twitter.com/C8msodzedu

— IANS (@ians_india) May 25, 2024

જિલ્લા વહીવટીતંત્રના એક અધિકારીએ જણાવ્યું હતું કે, વિસ્ફોટ બેરલા વિકાસ બ્લોકના પીરડા ગામ નજીક સ્થિત એક યુનિટમાં થયો હતો. વિસ્ફોટમાં અત્યાર સુધીમાં છ લોકો ઘાયલ થયાના અહેવાલ છે. ઈજાગ્રસ્તોને સારવાર માટે હોસ્પિટલમાં લઈ જવામાં આવ્યા છે.

આગ લાગવાનું કારણ અકબંધ રહેલું છે 

બીજી તરફ ઘટનાની માહિતી મળતા જ ફાયર વિભાગની અનેક ગાડીઓ ઘટના સ્થળે પહોંચી ગઈ હતી. હાલ આગ લાગવાનું કારણ જાણવા મળ્યું નથી. SDRF અને પોલીસ પ્રશાસનની ટીમોએ ઘટનાસ્થળે પહોંચીને બચાવ કામગીરી હાથ ધરી છે. સ્થળ પર એમ્બ્યુલન્સ પણ બોલાવવામાં આવી છે.

કહેવામાં આવી રહ્યું છે કે, આ ઘટનામાં ઘણા લોકોના મૃત્યુ થયા હશે, કારણ કે ઘટના સમયે ફેક્ટરીમાં કર્મચારીઓ હાજર હતા. આગના તણખાઓને કારણે આસપાસના રહેણાંક વિસ્તારોને પણ નુકસાન થયું છે. વિસ્ફોટ બાદ ફેક્ટરીનો કાટમાળ દૂર સુધી ગયો હતો. જેના કારણે આસપાસના લોકો પણ ડરી ગયા હતા.

આ પણ જુઓ: પુણે પોર્શ કાર કેસમાં સગીર આરોપીના દાદાની ધરપકડ: ડ્રાઈવરે કરી હતી ફરિયાદ