છઠ્ઠા તબક્કામાં આજે 8 રાજ્યો/UTની 58 બેઠકો પર મતદાન શરૂ, દિગ્ગજ નેતાઓ મેદાનમાં

• આ તબક્કામાં 11.13 કરોડ મતદારો 889 ઉમેદવારોના ભાવિનો નક્કી કરશે 

નવી દિલ્હી, 25 મે: લોકસભા ચૂંટણીના છઠ્ઠા તબક્કામાં આજે છ રાજ્યો અને બે કેન્દ્રશાસિત પ્રદેશોની 58 લોકસભા બેઠકો પર સવારે 7 વાગ્યાથી મતદાન શરૂ થઈ ગયું છે. સવારથી જ મતદાન મથક પર મતદારોની લાંબી કતારો જોવા મળી રહી છે. કાળઝાળ ગરમીના કારણે વહેલી સવારથી મતદાન કરવા માટે ધસારો જોવા મળી રહ્યો છે. આજે દિલ્હીની તમામ 7 બેઠકો સહિત 59 બેઠકો પર મતદાન થઈ રહ્યું છે. આ ઉપરાંત ઉત્તર પ્રદેશની 14, હરિયાણાની 10, બિહાર અને પશ્ચિમ બંગાળની 8-8 બેઠકો પર પણ મતદાન થઈ રહ્યું છે. છઠ્ઠા તબક્કામાં ઓડિશાની 6 સીટો, ઝારખંડની 4 સીટો અને જમ્મુ અને કાશ્મીરની એક સીટ પર લોકો પોતાના મતાધિકારનો ઉપયોગ કરી રહ્યા છે. આ તબક્કામાં કુલ 11.13 કરોડ મતદારો 889 ઉમેદવારોના ભાવિનો નિર્ણય કરશે.

#WATCH | #LokSabhaElection2024 | People queue up outside a polling booth in Ranchi to cast their votes; voting will begin at 7 am

Jharkhand’s 4 constituencies will undergo polling in the 6th phase of the 2024 general elections. pic.twitter.com/nPm398UfeM

— ANI (@ANI) May 25, 2024

દિલ્હીની 7 લોકસભા સીટો પર 1.52 કરોડથી વધુ મતદારો

નવી દિલ્હીની સાત લોકસભા સીટો પર આજે શનિવારે 1.52 કરોડથી વધુ મતદારો તેમની પસંદગીના સાંસદને પસંદ કરવા માટે 13637 બૂથ પર મતદાન કરી રહ્યા છે. શુક્રવારે રાજધાનીના વિવિધ ભાગોમાંથી મતદાન પક્ષો બૂથ માટે રવાના થયા હતા. મતદાનની કામગીરી માટે એક લાખ ત્રણ હજારથી વધુ કર્મચારીઓને તૈનાત કરવામાં આવ્યા છે. કાળઝાળ ગરમીના કારણે ચૂંટણી પંચ સામે 2019ની લોકસભા ચૂંટણીમાં મતદાનની ટકાવારી વધારવાનો પડકાર પણ રહેશે. 12 મે 2019ના રોજ યોજાયેલી છેલ્લી લોકસભા ચૂંટણીમાં દિલ્હીમાં 60.52 ટકા મતદાન થયું હતું. તે દિવસે મહત્તમ તાપમાન 39 ડિગ્રી સેલ્સિયસ હતું. જો આપણે સીટ મુજબ વાત કરીએ તો નવી દિલ્હી સીટ પર સૌથી ઓછું 56.87 ટકા મતદાન થયું હતું.

જમ્મુ કાશ્મીરની અનંતનાગ-રાજૌરી બેઠક પર આજે મતદાન

#WATCH | #LokSabhaElection2024 | Preparations, mock polls underway at a polling booth in Rajouri, J&K

Jammu and Kashmir’s Anantnag-Rajouri constituency constituency will undergo polling in the 6th phase of the 2024 general elections. pic.twitter.com/15zvuLK08k

— ANI (@ANI) May 25, 2024

જમ્મુ-કાશ્મીરમાં અનંતનાગ-રાજૌરી લોકસભા સીટ પર 7 મેના રોજ ખરાબ હવામાનને કારણે મતદાન રદ્દ કરવામાં આવ્યું હતું. બાદમાં ચૂંટણી પંચે આ ચૂંટણીને ફરીથી શેડ્યૂલ કરી અને તારીખ 25 મે નક્કી કરી.

આ પણ જુઓ: પશ્ચિમ બંગાળ : કલકત્તામાં 60 દિવસ સુધી કલમ 144 લાગુ કરાઈ