પીએમ મોદીના ‘અનુભવી ચોર’ વાળા નિવેદન પર કેજરીવાલે આપ્યો જવાબ
- અરવિંદ કેજરીવાલે દાવો કર્યો કે દિલ્હી દારૂ કૌભાંડ નકલી છે. સરકાર પાસે કોઈ પુરાવા નથી, તેથી જેની ધરપકડ કરવામાં આવી છે તેને છોડી દેવો જોઈએ
દિલ્હી, 24 મે: દિલ્હીના મુખ્યમંત્રી અરવિંદ કેજરીવાલે પીએમ મોદીના ‘અનુભવી ચોર’ નિવેદન પર આકરી પ્રતિક્રિયા આપી છે. કેજરીવાલે શુક્રવારે કહ્યું કે ભાજપના લોકો છેલ્લા બે વર્ષથી અવાજ ઉઠાવી રહ્યા છે કે દિલ્હીમાં દારૂનું કૌભાંડ છે. પહેલા આ લોકો તેને 100 કરોડ રૂપિયાનું કૌભાંડ કહેતા હતા અને હવે તેને 1100 કરોડ રૂપિયાનું કૌભાંડ કહેવા લાગ્યા છે. આ કેસમાં મારી અને મારી પાર્ટીના વરિષ્ઠ નેતાઓની ધરપકડ કરવામાં આવી હતી. આ કેસમાં ED-CBIએ અત્યાર સુધીમાં 500 થી વધુ દરોડા પાડ્યા છે પરંતુ આજ સુધી એક પૈસો પણ વસૂલ કરવામાં આવ્યો નથી.
વડાપ્રધાને કબૂલ્યું કે તેમની પાસે દારૂ કૌભાંડમાં કોઈ પુરાવા નથી: કેજરીવાલ
અરવિંદ કેજરીવાલે કહ્યું કે, ‘ગઈકાલે એક ઈન્ટરવ્યુમાં જ્યારે વડાપ્રધાન મોદીને પૂછવામાં આવ્યું કે અરવિંદ કેજરીવાલની ધરપકડ શા માટે કરવામાં આવી જ્યારે કથિત દિલ્હી દારૂ કૌભાંડમાં એક પણ પૈસાની કમાણી કરવામાં આવી નથી. આના પર તેમણે કહ્યું કે પુરાવા મળ્યા નથી કારણ કે કેજરીવાલ એક ‘અનુભવી ચોર’ છે, તો વડાપ્રધાને કબૂલ્યું કે તેમની પાસે દારૂ કૌભાંડમાં કોઈ પુરાવા નથી અને તેમને છુપાવવા માટે તેમણે કહ્યું કે કેજરીવાલ ‘અનુભવી ચોર’ છે.’
#WATCH | Delhi CM Arvind Kejriwal says, “They said a liquor scam happened and they arrested me, Sanjay Singh, Manish Sisodia. More than 500 raids were conducted but not even a single penny was recovered… Yesterday, in an interview, the Prime Minister said that evidence was not… pic.twitter.com/27Qtn2f8nM
— ANI (@ANI) May 24, 2024
જો પુરાવા નથી તો આરોપીઓને છોડી દેવા જોઈએ: કેજરીવાલ
દિલ્હીના સીએમ અરવિંદ કેજરીવાલે કહ્યું કે જ્યારે દરોડામાં કંઈ મળ્યું નથી, તો શું માનવું જોઈએ કે તમારી સીબીઆઈ અને ઈડી નકામી છે. જ્યારે તમારી પાસે પુરાવા નથી તો કહેવાતા કૌભાંડમાં પકડાયેલા નેતાઓને છોડી દેવા જોઈએ.
પીએમ મોદીએ કહી હતી આ વાત
એક ટીવી ચેનલના ઈન્ટરવ્યુમાં દિલ્હીમાં કથિત દારુ કૌભાંડના પ્રશ્નના જવાબમાં પીએમ મોદીએ કેજરીવાલનું નામ લીધા વિના કહ્યું હતું કે કૌભાંડ કરનારાઓ ‘અનુભવી ચોર’ છે. તેઓ બધું જ જાણે છે કે સીબીઆઈ અને ઈડી શું કરી શકે છે. જેથી પુરાવાનો નાશ કરવામાં આવ્યો છે.
આ પણ વાંચો: ‘હું PM મોદી માટે મંદિર બનાવીશ…’, મમતા બેનર્જીએ વડાપ્રધાન માટે કેમ કહ્યું આવું?
