દિલ્હીમાં મતદાન પહેલા કોંગ્રેસના સંદીપ દીક્ષિતે પીએમ મોદીના કર્યા વખાણ, જાણો શું કહ્યું?

Shailesh Chaudhary દિલ્હીLast Updated: મે 24, 2024

567 1 minute read

કોંગ્રેસના વરિષ્ઠ નેતા સંદીપ દીક્ષિતે કર્યા પીએમ મોદીના વખાણ

દિલ્હી, 24 મે: દેશમાં આવતીકાલે એટલે કે (25 મે) શનિવારે લોકસભા ચૂંટણીના છઠ્ઠા તબક્કા માટે મતદાન થવાનું છે. આ તબક્કામાં દિલ્હીની તમામ સાત લોકસભા બેઠકો પર પણ મતદાન થશે. તે જ સમયે મતદાન પહેલા કોંગ્રેસના દિગ્ગજ નેતા અને દિલ્હીના પૂર્વ સીએમ દિવંગત શીલા દીક્ષિતના પુત્ર સંદીપ દીક્ષિતે પીએમ મોદીના વખાણ કર્યા છે.

વાસ્તવમાં એક ટીવી ચેનલને આપેલા ઈન્ટરવ્યુમાં પીએમ મોદીએ શીલા દીક્ષિતને યાદ કર્યા હતા અને તેમના વખાણ કર્યા. પીએમએ કહ્યું હતું કે તેઓ અંગત રીતે શીલા દીક્ષિતનું ખૂબ જ સન્માન કરે છે.

PMએ શીલા દીક્ષિત વિશે શું કહ્યું?

આ ઈન્ટરવ્યુમાં પીએમ મોદીએ કહ્યું હતું કે, ‘શીલા દીક્ષિતની ઘણી બદનામી થઈ છે. હું અંગત રીતે શીલાજીનું ખૂબ સન્માન કરું છું. તે કોંગ્રેસના નેતા હતા, પરંતુ તેમના પર લાગેલા આરોપોએ તેમના જીવનના અંતિમ દિવસોમાં તેમને બદનામ કર્યા હતા. મેં તેમને નજીકથી જોયા છે. હું આ વાતોને માનતો નથી.

સંદીપ દીક્ષિતે પીએમ મોદીના ઈન્ટરવ્યુની ક્લિપ સોશિયલ મીડિયા પર પોસ્ટ કરી છે અને પીએમના વખાણ કરતા તેમણે લખ્યું છે કે, ‘અમારી વચ્ચે રાજકીય મતભેદો છે, પરંતુ ખુશીની વાત છે કે વડાપ્રધાને શીલાજી અને તેમના યોગદાનને યાદ કર્યા. મારી માતા અને વડાપ્રધાને 12 વર્ષ સુધી મુખ્યમંત્રી તરીકે સાથે કામ કર્યું છે. બંને વચ્ચે વિવિધ પ્લેટફોર્મ પર વારંવાર વાતચીત થતી હતી. જાહેર જીવનમાં આવા શિષ્ટાચાર જરૂરી છે.

અહીં જૂઓ સંદીપ દીક્ષિતની પોસ્ટ:

While our political differences remain, it is very graceful of the Prime Minister @narendramodi to remember Sheila ji and her contribution.
My Mother and PM were fellow Chief Ministers for 12 years and often interacted at various forums. Such courtesy is essential in public life. pic.twitter.com/7tQRS515eL

— Sandeep Dikshit (@_SandeepDikshit) May 24, 2024