દીપિકા બાદ હવે ઓસ્કારના ઓફિશિયલ પેજ પર છવાઈ આલિયા ભટ્ટ
- આલિયા ભટ્ટનું પ્રખ્યાત ગીત ‘ઘર મોર પરદેશિયા’ ઓસ્કારની ‘ધ એકેડમી’ દ્વારા તેના સત્તાવાર સોશિયલ મીડિયા પેજ પર ફીચર કરવામાં આવ્યું
23 મે, મુંબઈઃ આલિયા ભટ્ટ હાલમાં બોલિવૂડ ઈન્ડસ્ટ્રીની ટોપ અભિનેત્રી છે. તેણે આંતરરાષ્ટ્રીય સ્તરે ઘણી વખત ભારતને ગૌરવ અપાવ્યું છે. નેશનલ એવોર્ડ જીતવાથી લઈને મેટ ગાલા ઈવેન્ટ્સ સુધી, અભિનેત્રીએ ઘણી વખત દેશનું નામ રોશન કર્યું છે. હવે તેણે વધુ એક સિદ્ધિ હાંસલ કરી છે. આલિયા ભટ્ટનું પ્રખ્યાત ગીત ‘ઘર મોર પરદેશિયા’ ઓસ્કારની ‘ધ એકેડમી’ દ્વારા તેના સત્તાવાર સોશિયલ મીડિયા પેજ પર ફીચર કરવામાં આવ્યું છે.
ધ એકેડેમીએ ફીચર કર્યું ‘ઘર મોરે પરદેશિયા’
કરણ જોહરના બેનર હેઠળ બનેલી ફિલ્મ ‘કલંક’નું સુપરહિટ ગીત ‘ઘર મોરે પરદેશિયા…’ માં આલિયા ભટ્ટે પર્ફોર્મ કર્યું છે. હવે ધ એકેડમીએ તેના ઓફિશિયલ ઈન્સ્ટાગ્રામ હેન્ડલ પર ફેમસ ગીતની એક વીડિયો ક્લિપ ફીચર કરી છે. સાથે કેપ્શનમાં ગીતની વિગતો આપવામાં આવી છે. તેમજ આલિયા અને ગીતની ગાયિકા શ્રેયા ઘોષાલને ટેગ કરવામાં આવ્યા છે
View this post on Instagram
ધ એકેડમીએ વીડિયો શેર કરીને કેપ્શનમાં લખ્યું છે કે ‘આલિયા ભટ્ટ ફિલ્મ ‘કલંક’ના ગીત ‘ઘર મોરે પરદેશિયા…’ (શ્રેયા ઘોષાલ અને વૈશાલી મ્હાડે દ્વારા ગવાયેલું) પર પરફોર્મ કરી રહી છે. અભિષેક વર્મન દ્વારા નિર્દેશિત ફિલ્મમાં વરુણ ધવન, આલિયા ભટ્ટ, માધુરી દીક્ષિત, સંજય દત્ત અને સોનાક્ષી સિંહાએ અભિનય કર્યો છે. પ્રીતમ ચક્રવર્તીએ મ્યૂઝિક કમ્પોઝ કર્યું છે અને અમિતાભ ભટ્ટાચાર્યના શબ્દો છે.
ચાહકોએ વ્યક્ત કરી ખુશી
આલિયા ભટ્ટનું ગીત ઓસ્કાર પેજ પર દર્શાવાયા બાદ ચાહકોએ ખુશી વ્યક્ત કરી હતી. કેટલાક ચાહકોએ કહ્યું કે આ ફિલ્મ ઈન્ડસ્ટ્રીથી લઈને ચાહકો સુધી દરેક માટે ગર્વની ક્ષણ છે. આ વિડિયો પર ટિપ્પણી કરતા કરણ જોહરના ધર્મા પ્રોડક્શનના ઓફિશિયલ હેન્ડલે લખ્યું છે ‘આઈકોનિક’ . જ્યારે અન્ય યુઝર્સે આલિયાના વખાણ કર્યા તો ઘણા યુઝર્સે સિંગર શ્રેયા ઘોષાલના વખાણ કર્યા.
દીપિકા પાદુકોણનું સોંગ પણ થયું હતું ફીચર
ઉલ્લેખનીય છે કે ધ એકેડમીએ અભિનેત્રી દીપિકા પાદુકોણનું ગીત દીવાની મસ્તાની પોતાના ઓફિશિયલ પેજ પર ફીચર કર્યું હતું. સંજય લીલા ભણસાલીની ફિલ્મ બાજીરાવ મસ્તાનીનું આ ગીત આજે પણ ખૂબ જ લોકપ્રિય છે. ઓસ્કાર પેજ પર દીપિકા પાદુકોણ અને આલિયા ભટ્ટનું ગીત દર્શાવવું એ દરેક ભારતીય માટે ગર્વની ક્ષણ છે. બંને અભિનેત્રીઓને હોલીવુડના સ્ટાર્સની વચ્ચે ખાસ સ્થાન મળ્યું છે.
આ પણ વાંચોઃ અદિતિ રાવ હૈદરીનો કાન્સમાં કહેર, ‘ગજગામિની વોક’થી ફેન્સને કર્યા ઘાયલ!
