મતદાન મથકના ટોયલેટમાંથી મૃત હાલતમાં મળી આવ્યો શિવસેના યુબીટીનો પોલિંગ એજન્ટ
- શિવસેના યુબીટીના પોલિંગ એજન્ટનો ટોયલેટમાંથી મળ્યો મૃતદેહ
- પોલીસ દ્વારા આપવામાં આવેલી માહિતી અનુસાર, મૃતકની ઓળખ 62 વર્ષીય મનોહર નલગે તરીકે થઈ
મુંબઈ, 21 મે: લોકસભા ચૂંટણી 2024 હેઠળ, સોમવારે, 20 મેના રોજ મહારાષ્ટ્રમાં 13 બેઠકો પર મતદાન થયું હતું. આ સાથે પાંચમાં તબક્કામાં રાજ્યની તમામ 48 બેઠકો પર મતદાન પૂર્ણ થઈ ગયું છે. જો કે ચૂંટણી વચ્ચે મુંબઈથી એક ચોંકાવનારા સમાચાર પ્રકાશમાં આવ્યા છે. વાસ્તવમાં, શિવસેના ઉદ્ધવ ઠાકરે જૂથ (UBT) નો એક પોલિંગ એજન્ટ મુંબઈ વર્લી બૂથ પર મૃત હાલતમાં મળી આવ્યો છે. આ ઘટના બાદ દરેક લોકો ચોંકી ગયા છે. પોલીસે મૃતદેહને પોતાના કબજામાં લઈ પોસ્ટમોર્ટમ માટે મોકલી આપ્યો છે.
ટોયલેટમાંથી મળ્યો મૃતદેહ
વાસ્તવમાં, પોલીસ દ્વારા આપવામાં આવેલી માહિતી અનુસાર, મૃતકની ઓળખ 62 વર્ષીય મનોહર નલગે તરીકે થઈ છે. સોમવારે સાંજે મનોહર ટોયલેટમાં ગયો અને ઘણો સમય વીતી જવા છતાં બહાર ન આવ્યો. તેના સાથીઓએ બળજબરીથી દરવાજો ખોલ્યો તો જોયું કે મનોહર પડી ગયો હતો. કોઈક રીતે મનોહરને નજીકની હોસ્પિટલમાં લઈ જવામાં આવ્યો. જો કે, અહીં ડોક્ટરે મનોહર નલગેને તપાસતાં તેને મૃત જાહેર કર્યો હતો.
Maharashtra | A 62-year-old polling booth agent of Shiv Sena (UBT), Manohar Nalge was found dead inside the toilet of a polling booth in Mumbai’s Worli area. Mumbai’s NM Joshi Marg police took possession of the body and sent it for post-mortem. A case has been registered ADR.…
— ANI (@ANI) May 21, 2024
પોલીસે તપાસ શરૂ કરી
મતદાન મથકના ટોયલેટમાં મૃત હાલતમાં મળી આવેલ મનોહર નલગે વરલીના એક મતદાન મથક પર બીડીડી ચાલનો રહેવાસી હતો. મુંબઈના એનએમ જોશી માર્ગ પોલીસે મૃતદેહને તેમની કસ્ટડીમાં લીધો અને તેને પોસ્ટમોર્ટમ માટે મોકલી આપ્યો છે. પોલીસે આ મામલે ADR હેઠળ ગુનો નોંધી વધુ તપાસ હાથ ધરી છે.
આ પણ વાંચો: બિહારના સારણમાં ચૂંટણી બાદ ભડકી હિંસા: બે પક્ષો વચ્ચેના ગોળીબારમાં 1નું મૃત્યુ અને 2 ઘાયલ
