પાંચમા તબક્કામાં 57.62% મતદાન, J&K માં નોંધાયું 55.20% મતદાન
નવી દિલ્હી, 20 મે : લોકસભા ચૂંટણીના પાંચમા તબક્કા હેઠળ આજે (20 મે) 8 કરોડ 95 લાખથી વધુ મતદારોએ 94732 મતદાન મથકો પર મતદાન કરીને 8 રાજ્યો અને કેન્દ્રશાસિત પ્રદેશોની 49 લોકસભા બેઠકો પર તેમના પ્રતિનિધિઓને ચૂંટ્યા હતા. આ ઉપરાંત ઓડિશા વિધાનસભાની બાકીની 35 બેઠકો માટે પણ આજે મતદાન થયું હતું.
પાંચમા તબક્કામાં લોકસભાની 49 બેઠકો માટે કુલ 695 ઉમેદવારો મેદાનમાં છે. જેમાં મહારાષ્ટ્રમાં 13, ઉત્તર પ્રદેશમાં 14, પશ્ચિમ બંગાળમાં સાત, બિહારમાં પાંચ, ઝારખંડમાં ત્રણ, ઓડિશામાં પાંચ અને જમ્મુ-કાશ્મીર અને લદ્દાખની એક-એક બેઠક પર મતદાન થયું હતું. પાંચમા તબક્કામાં સૌથી ઓછી બેઠકો (49) પર મતદાન થયું હતું. જેમાં 57.62% મતદાન નોંધાયું હતું. જે પૈકી J&K માં 55.20% મતદાન નોંધાયું હતું.
ચૂંટણી પંચના જણાવ્યા અનુસાર બિહાર, જમ્મુ-કાશ્મીર, લદ્દાખ, ઝારખંડ, મહારાષ્ટ્ર, ઓડિશા, ઉત્તર પ્રદેશ અને પશ્ચિમ બંગાળમાં આજે મતદાન થયું હતું. પાંચમા તબક્કામાં 9 લાખ 47 હજાર કર્મચારીઓ માટે ચૂંટણી પ્રક્રિયા હાથ ધરવામાં આવી હતી. પાંચમા તબક્કામાં કુલ 8 કરોડ 95 લાખથી વધુ મતદારો છે. જેમાં 5409 મતદારો થર્ડ જેન્ડર છે. જેમાં 100 વર્ષ કે તેથી વધુ વયના 24,792 મતદારો છે જ્યારે 85 વર્ષ કે તેથી વધુ વયના 7 લાખ 81 હજાર મતદારો છે. સાત લાખ ત્રણ હજાર મતદારો વિકલાંગ મતદારો છે.
મહારાષ્ટ્રમાં સૌથી ઓછું, પશ્ચિમ બંગાળમાં બમ્પર મતદાન
લોકસભા ચૂંટણીના પાંચમા તબક્કા હેઠળ, આજે (20 મે), 8 કરોડ 95 લાખથી વધુ મતદારોએ 94732 મતદાન મથકો પર મતદાન કરીને 8 રાજ્યો/કેન્દ્રશાસિત પ્રદેશોની 49 લોકસભા બેઠકો પર તેમના પ્રતિનિધિઓને ચૂંટ્યા. ઓડિશા વિધાનસભાની બાકીની 35 બેઠકો માટે પણ આજે મતદાન થયું હતું. આજના મતદાનમાં સૌથી ઓછા મતદાન મહારાષ્ટ્રમાં જ્યારે સૌથી વધુ મતદાન પશ્ચિમ બંગાળમાં થયું હતું.
મતદાનના આંકડા ઉપર નજર કરીએ તો બિહારમાં 52.93%, જમ્મુ અને કાશ્મીરમાં 55.20%, ઝારખંડમાં 63.00%, લદ્દાખમાં 67.15%, મહારાષ્ટ્રમાં 49.15%, ઓડિશામાં 60.87%, ઉત્તર પ્રદેશમાં 57.79% અને પશ્ચિમ બંગાળમાં 73.00% મતદાન નોંધાયું છે.
