રશ્મિકા મંદાન્નાએ અટલ સેતુ પર બનાવ્યો વીડિયો, પીએમ મોદીએ કર્યા વખાણ

• PM મોદીએ રશ્મિકાની પોસ્ટ શેર કરીને વીડિયોને સંતોષકારક ગણાવ્યો

મુંબઈ, 17 મે: નેશનલ ક્રશ રશ્મિકા મંદાન્ના માત્ર સાઉથ સિનેમામાં જ નહીં પરંતુ હિન્દી દર્શકોમાં પણ ખૂબ લોકપ્રિય બની છે. રશ્મિકા છેલ્લા કેટલાક સમયમાં ઘણી બધી બ્લોકબસ્ટર ફિલ્મોનો ભાગ રહી છે. તે છેલ્લે રણબીર કપૂર સ્ટારર બ્લોકબસ્ટર ‘એનિમલ’માં જોવા મળી હતી. હવે રશ્મિકા અલ્લુ અર્જુન સ્ટારર પુષ્પાઃ ધ રૂલમાં જોવા મળશે. આ દરમિયાન અભિનેત્રીનો એક વીડિયો ચર્ચામાં છે. આ વીડિયોમાં રશ્મિકા મંદાન્ના અટલ સેતુના વખાણ કરતી જોવા મળી રહી છે. જેના પર હવે વડાપ્રધાન નરેન્દ્ર મોદીએ પણ પ્રતિક્રિયા આપી છે. રશ્મિકાની પોસ્ટ શેર કરતી વખતે તેમણે અભિનેત્રીના વખાણ કર્યા છે અને વીડિયોને સંતોષકારક ગણાવ્યો છે.

Absolutely! Nothing more satisfying than connecting people and improving lives. https://t.co/GZ3gbLN2bb

— Narendra Modi (@narendramodi) May 16, 2024

વડાપ્રધાન નરેન્દ્ર મોદીએ રશ્મિકા મંદાન્નાની કરી પ્રશંસા 

રશ્મિકા મંદાન્નાના વીડિયોને શેર કરતી વખતે વડાપ્રધાન નરેન્દ્ર મોદીએ લખ્યું કે, “ચોક્કસ! લોકોને જોડવા અને જીવન ધોરણને વધુ સારું બનાવવા કરતાં વધુ સંતોષકારક કંઈ નથી.” વીડિયોમાં રશ્મિકા હાલમાં જ બનેલા મુંબઈ ટ્રાન્સ હાર્બર લિંક પર જોવા મળી રહી છે. હાર્બર લિંકને અટલ સેતુ નામ આપવામાં આવ્યું છે. આ વીડિયોમાં રશ્મિકા અટલ સેતુના વખાણ કરી રહી છે. તેણી કહી રહી છે કે, જ્યાં લોકો એક જગ્યાએથી બીજી જગ્યાએ જવા માટે 2 કલાક લેતા હતા, ત્યાં હવે તેઓ માત્ર 20 મિનિટમાં પહોંચી શકે છે.

#WATCH | Mumbai: On the Mumbai-trans Harbour Link (MTHL) Atal Setu, Actor Rashmika Mandana says, “Who would have thought that something like this would have been possible. Now we can easily travel from Mumbai to Navi Mumbai. India is moving very fast and growing at a fast pace.… pic.twitter.com/ACwSoSNaa7

— ANI (@ANI) May 14, 2024

રશ્મિકા મંદાન્નાએ અટલ સેતુ પુલના કર્યા વખાણ 

વીડિયોમાં રશ્મિકા મંદાન્નાએ આ વીડિયો તેના એક્સ (અગાઉના ટ્વિટર) હેન્ડલ પર શેર કર્યો હતો. વીડિયોમાં તે અટલ સેતુના વખાણ કરતી જોવા મળી રહી છે. બ્રિજની વિશેષતાઓ જણાવતા તેમણે એમ પણ કહ્યું કે, આ સમુદ્ર પર બનેલો સૌથી લાંબો પુલ છે, જે 22 કિલોમીટરનો છે. તેણી કહે છે કે, ‘કોઈએ તેના વિશે વિચાર્યું પણ ન હતું. આ એન્જિનિયરિંગનો ચમત્કાર છે. ઉત્તમ ઈન્ફ્રાસ્ટ્રક્ચર જોઈને લોકો ગર્વ અનુભવે છે.’ આ વીડિયો શેર કરતી વખતે રશ્મિકાએ લખ્યું, “દક્ષિણ ભારતથી ઉત્તર ભારત સુધી… પશ્ચિમ ભારતથી પૂર્વ ભારત સુધી… લોકોને જોડવાનું, હૃદયને જોડવાનું! હેશટેગ માય ઈન્ડિયા.”

આ પણ જુઓ: સોનુ સૂદે 22 મહિનાના બાળકનો જીવ બચાવ્યો, ક્રાઉડ ફંડિંગથી 17 કરોડ એકઠા કર્યા!