કાનપુર, 10 મે: સોશિયલ મીડિયા લોકો માટે કારકિર્દીની નવી તકો માટે ઉભરી આવ્યું છે. જેના થકી લોકો કન્ટેન્ટ બનાવીને લાખો રૂપિયાની કમાણી કરી રહ્યા છે. સોશિયલ મીડિયાનો ઉપયોગ જાહેરાત, ચૂંટણી પ્રચાર અને અન્ય ઘણા હેતુઓ માટે થઈ રહ્યો છે. આ વિશેષતાઓને લીધે, સોશિયલ મીડિયા રોજગારની નવી તક તરીકે ઉભરી આવ્યું છે. જેને ધ્યાનમાં રાખીને કાનપુર યુનિવર્સિટીએ હવે સોશિયલ મીડિયા એક્સપર્ટ્લ તૈયાર કરવા માટે એક ખાસ કોર્સ ડીજાઈન કર્યો છે.
ડિજિટલ એક્સપર્ટ માટેના સર્ટિફિકેટ કોર્સ
કાનપુરની છત્રપતિ શાહુજી મહારાજ યુનિવર્સિટીના જર્નાલિઝમ અને માસ કોમ્યુનિકેશન ડીપાર્ટમેન્ટ દ્વારા ઘણા બધા અભ્યાસક્રમો ચલાવવામાં આવે છે, પરંતુ ડિજિટલ જમાનાને ધ્યાનમાં રાખીને બે વિશેષ સર્ટફિકેસ કોર્સના અભ્યાસક્રમો શરૂ કરવામાં આવ્યા છે. આ બે કોર્સના નામ સર્ટિફિકેટ ઇન સોશિયલ મીડિયા અને સર્ટિફિકેટ ઇન ટીવી જર્નાલિઝમ છે.
આ કોર્સમાં સોશિયલ મીડિયા કન્ટેન્ટ બનાવવા, કન્ટેન્ટ માર્કેટીંગ , કન્ટેન્ટ સ્ક્રિપ્ટ તૈયાર કરવા, વીડિયો શૂટ કરવા વગેરે બાબતોને ડીટેલથી શીખવવામાં આવશે. આ કોર્સ વિદ્યાર્થીઓ માટે વિવિધ ઓર્ગેનિક મેથડથી પોસ્ટની રીચ વધારવા, સોશિયલ મીડિયા એકાઉન્ટ્સ વગેરેને હેન્ડલ કરવા વિશે પણ શીખવામાં ખૂબ જ ઉપયોગી સાબિત થશે.
લાયકાત અને ફી ધોરણ
આ કોર્સમાં એડમિશન લેવા માટે કોઈ ખાસ લાયકાતની જરૂર નથી. હાઈસ્કૂલ કે ઈન્ટરમીડિયેટ પાસ કરેલા કોઈપણ વિદ્યાર્થી આ સર્ટિફિકેટ કોર્સમાં પ્રવેશ મેળવી શકે છે. આ 6 મહિનાનો સર્ટિફિકેટ કોર્સ છે અને તેની ફી 10,000 રુપિયા છે. હાલમાં કોર્સમાં એડમિશન માટે યુનિવર્સિટીમાં માત્ર 30 સીટો રાખવામાં આવી છે.
વધારશે રોજગારીની તકો
કાનપુર યુનિવર્સિટીના જર્નાલિઝમ એન્ડ માસ કોમ્યુનિકેશન ડિપાર્ટમેન્ટના વડા ડૉ. યોગેન્દ્ર પાંડેએ જણાવ્યું હતું કે સમયની માંગને ધ્યાનમાં રાખીને યુનિવર્સિટી દ્વારા આ વિશેષ સર્ટિફિકેટ કોર્સ શરૂ કરવામાં આવ્યો છે. જેના દ્વારા સોશિયલ મીડિયા એક્સપર્ટ તૈયાર કરવામાં આવશે. રોજગાર વિશે વાત કરીએ તો, સોશિયલ મીડિયા એક્સપર્ટ્સ કોન્ટેન્ટ થકી જાતે રોજગારી મેળવી શકશે. આ કોર્સથી જાહેરાત, ચૂંટણી પ્રચાર, સોશિયલ મીડિયા એકાઉન્ટ હેન્ડલિંગ સહિત વિવિધ પ્લેટફોર્મ પર રોજગારીની તકો મળશે.
આ પણ વાંચો: ગુજરાતમાંથી એજ્યુકેશન લોન લઇ વિદેશ અભ્યાસ માટે જતા વિદ્યાર્થીઓ માટે ખાસ સમાચાર
