કોંગ્રેસના પૂર્વ પ્રવક્તા રાધિકા ખેડા અને એક્ટર શેખર સુમને કેસરિયો ધારણ કર્યો

નવી દિલ્હી, 07 મે 2024: કોંગ્રેસ મીડિયા વિભાગના પૂર્વ રાષ્ટ્રીય સંયોજક રાધિકા ખેડાએ કેસરિયો ધારણ કર્યો છે. તેમની સાથે એક્ટર શેખર સુમન પણ BJPમાં જોડાયા હતા. દિલ્હી ખાતેના રાષ્ટ્રીય કાર્યાલયમાં ભાજપના રાષ્ટ્રીય મહાસચિવ વિનોદ તાવડે અને રાષ્ટ્રીય મીડિયા વિભાગના પ્રભારી અનિલ બલુનીએ બંનેને પાર્ટીના સભ્યપદની પહોંચ આપી હતી. રાધિકા ખેડાએ બે દિવસ પહેલા છત્તીસગઢમાં પોતાની સાથે કથિત ગેરવર્તણૂક અને ષડયંત્રનો આરોપ લગાવીને કોંગ્રેસ પાર્ટીમાંથી રાજીનામું આપી દીધું હતું. તેમનો દાવો છે કે તેમણે પાર્ટીના વરિષ્ઠ નેતાઓ સાથે આ મુદ્દો ઉઠાવ્યો હતો, પરંતુ કોઈ કાર્યવાહી કરવામાં આવી ન હતી.

#WATCH | Former Congress National Media Coordinator, Radhika Khera joins BJP at the party headquarters in Delhi pic.twitter.com/ZnYeVvtFAA

— ANI (@ANI) May 7, 2024

આજની કોંગ્રેસ રામ વિરોધી છે, હિંદુ વિરોધી કોંગ્રેસ છે

કોંગ્રેસ પાર્ટીમાંથી રાજીનામું આપવા પર રાધિકા ખેડાએ કહ્યું હતું કે મેં હંમેશા સાંભળ્યું છે કે કોંગ્રેસ રામ વિરોધી, સનાતન વિરોધી અને હિંદુ વિરોધી છે, પરંતુ મેં ક્યારેય માન્યું ન હતું. મહાત્મા ગાંધી દરેક બેઠકની શરૂઆત ‘રઘુપતિ રાઘવ રાજા રામ’થી કરતા હતા. મને સત્ય ત્યારે ખબર પડી જ્યારે હું મારી દાદી સાથે રામલલાના દર્શન કરવા ગઈ અને ત્યાંથી પાછા આવ્યા બાદ મેં મારા ઘરના દરવાજા પર ‘જય શ્રી રામ’ ઝંડો લગાવ્યો. ત્યારપછી કોંગ્રેસ પાર્ટી મને ધિક્કારની નજરથી જોવા લાગી. જ્યારે મેં તસવીરો કે વીડિયો પોસ્ટ કરી ત્યારે મને ઠપકો આપવામાં આવ્યો અને પૂછવામાં આવ્યું કે ચૂંટણી ચાલી રહી છે ત્યારે તમે અયોધ્યા કેમ ગયા? તેમણે કહ્યું કે, આજની કોંગ્રેસ મહાત્મા ગાંધીની કોંગ્રેસ નથી, તે રામ વિરોધી, હિંદુ વિરોધી કોંગ્રેસ છે.

‘હીરામંડી’ના નવાબ શેખર સુમને કેસરિયો ધારણ કર્યો

#WATCH | Delhi: After joining the BJP, actor Shekhar Suman says, “Till yesterday I did not know that I would be sitting here today because many things in life happen knowingly or unknowingly. I have come here with a very positive thinking and I would like to thank God that he… pic.twitter.com/miEayQxKP2

— ANI (@ANI) May 7, 2024

આ સાથે જ શેખર સુમનની રાજનીતિમાં આ બીજી ઈનિંગ હશે. તેમણે કોંગ્રેસની ટિકિટ પર પટના સાહિબ બેઠક પરથી 2009ની લોકસભાની ચૂંટણી પણ લડી હતી પરંતુ તેમને ભાજપના નેતા શત્રુઘ્ન સિન્હા પાસેથી હારનો સામનો કરવો પડ્યો હતો. ત્યારે તેમને માત્ર 11% વોટ મળ્યા હતા. જ્યારે સિન્હાએ લગભગ 1.67 લાખ મતોના જંગી માર્જિનથી આ સીટ કબજે કરી હતી. તેમને 57.30% મત મળ્યા હતા. બાદમાં 2012માં તેમણે કોંગ્રેસમાંથી રાજીનામું આપી દીધું હતું. તે સમયે શેખર સુમને કહ્યું હતું કે અંગત અને વ્યાવસાયિક વ્યસ્તતાને કારણે પાર્ટી માટે સમય કાઢવો મુશ્કેલ હતો જેના કારણે તેઓ પાર્ટી છોડી રહ્યા છે.

ભાજપમાં જોડાયા બાદ શેખર સુમને કહ્યું કે ગઈકાલ સુધી મને ખબર ન હતી કે હું આજે અહીં બેઠો હોઈશ કારણ કે જીવનમાં જાણ્યે-અજાણ્યે ઘણું બધું બન્યું છે. હું અહીં ખૂબ જ સકારાત્મક વિચારસરણી સાથે આવ્યો છું અને સૌથી પહેલા હું ભગવાનનો આભાર માનું છું કે તેમણે મને અહીં આવવાનો આદેશ આપ્યો. જો કે, શેખર સુમન હાલમાં જ સંજય લીલા ભણસાલી દ્વારા નિર્દેશિત વેબ સિરીઝ ‘હીરામંડી‘માં જોવા મળી રહ્યા છે. આ વેબ સિરીઝ OTT પ્લેટફોર્મ પર રિલીઝ કરવામાં આવી છે.

આ પણ વાંચો: કોંગ્રેસ નેતા રાધિકા ખેડાએ પાર્ટી છોડી, કહ્યું- મારા અયોધ્યા જવાનો હતો વિરોધ