બાપ રે!! સાબરકાંઠામાં કાજુ કતરીમાંથી નીકળી ધારદાર બ્લેડ: વિદ્યાર્થીના સારા માર્ક્સ આવતા માંગવી હતી મીઠાઇ

• મીઠાઇનો વીડિયો જોતાં લોકો પણ ભરાયા રોષે

સાબરકાંઠા, 6 મે 2024, ખાધ પદાર્થમાંથી ઘણી વાર જીવાત કે પ્લાસ્ટિક જેવી વસ્તુ નીકળી હોવાની ઘટના સામે આવતી હોય છે. ખાસ કરીને પિઝા, સેન્ડવીચ, બર્ગર, સૂપ વગેરેમાંથી જીવાત નીકળવાની ઘટના સામાન્ય બનતી જાય છે. પરંતુ હવે સાબરકાંઠામાં મીઠાઇમાંથી ધારદાર બ્લેડ નીકળી હોવાની ઘટના સામે આવી છે. કોઇ મીઠાઇમાંથી બ્લેડ નીકળે તે ખૂબ જ ગંભીર બાબત છે.

વિદ્યાર્થીના સારા માર્ક્સ આવતા પરિવારે માંગવી હતી મીઠાઇ
ખાવાપીવાની વસ્તુઓમાં ભેળસેળ અને જાત-જાતની વસ્તુઓ નીકળવાનો સિલસિયો યથાવત જોવા મળી રહ્યો છે. જેના લીધે બાળકો બીમાર પડે છે પરંતુ હવે ગંભીર કિસ્સો પ્રકાશમાં આવ્યો છે. સાબરકાંઠામાં મીઠાઇમાંથી બ્લેડ નીકળી હોવાની ઘટના સામે આવી છે. ઇડરમાં કાજુ કતરીમાંથી બ્લેડ નીકળી છે. જેનો વીડિયો વાયરલ થયો છે. ઇડરમાં રહેતો એક વિદ્યાર્થી ધોરણ 5માં સારા માર્ક્સ લાવતા પરિવારમાં ખુશીનો માહોલ હતો અને તેની ખુશી વ્યક્ત કરતાં કાજુ કતરી મંગાવવામાં આવી હતી. જય ભવાની સ્વીટનો વીડિયો વાયરલ થયો છે જેની કાજુ કતરીમાંથી બ્લેડ નીકળી છે.

મીઠાઇનો વીડિયો જોતાં લોકો પણ ભરાયા રોષે
મીઠાઇ ખાવા જતાં પરિવાર ચોંકી ઊઠ્યો હતો. કેમ કે, તેમાં ધારદાર બ્લેડ હતી. જો ખુશીના માહોલમાં જોયા વગર આ મીઠાઇ ખાધી હોત તો એનો અંજામ ભયાનક થઈ શકે. આ મીઠાઇનો વીડિયો વાયરલ થયો છે. જે જોતાં લોકો પણ રોષે ભરાયા છે. લોકો પોતાની અલગ અલગ પ્રીતિક્રિયા આપી રહ્યા છે. વાઇરલ વીડિયોમાં દુકાનના નામ સાથે બ્લેડ દર્શાવવામાં આવી છે. આ મામલે પરિવાર ફૂડ એન્ડ ડ્રગ્સ વિભાગમાં રજૂઆત કરશે તેવી જાણકારી મળી રહી છે.

આ પણ વાંચો..આંતરરાષ્ટ્રીય નો ડાયેટ ડે: વધુ પડતું ડાયેટિંગ જોજો ક્યાંય પડી ન જાય મોંઘું