કંગના રનૌતે કરી મોટી જાહેરાત: ચૂંટણી જીતશે તો બોલીવૂડને કરી દેશે અલવિદા

• માત્ર એક જ કામ પર ધ્યાન આપવા મંગીશઃ કંગના

નવી દિલ્હી, 6 મે 2024, કંગના રનૌત હિમાચલ પ્રદેશના મંડીથી ભાજપની ટિકિટ પર ચૂંટણી લડી રહી છે. કંગનાએ હાલ મોટી જાહેરાત કરી છે જેને સાંભળીને ચાહકોને ઝટકો લાગી શકે છે. કંગનાએ કહ્યું કે જો તે લોકસભાની ચૂંટણી જીતશે તો તે બોલીવૂડની દુનિયા છોડી શકે છે. કારણકે તે માત્ર એક જ કામ પર ધ્યાન આપવા માંગે છે.

કંગનાએ કહ્યુંઃ હું રાજનીતિ જ કરવા મંગીશ
કંગના રનૌત આ વખતે લોકસભા ચૂંટણીમાં ભાજપની ઉમેદવાર છે. તેમને હિમાચલ પ્રદેશના મંડીથી ટિકિટ મળી છે. મંડીની દીકરી કંગના જોરશોરથી ચૂંટણી પ્રચારમાં વ્યસ્ત છે. તેમને આશા છે કે તેઓ આ ચૂંટણીમાં જીતશે. ચૂંટણી વચ્ચે કંગનાએ પોતાના ફિલ્મી કરિયરને લઈને એક મોટી જાહેરાત કરી છે. કંગનાએ સંકેત આપ્યો કે જો તે લોકસભાની ચૂંટણી જીતશે તો તે ધીરે ધીરે બોલીવૂડની દુનિયા છોડી શકે છે. કારણ કે તે માત્ર એક જ કામ પર ધ્યાન આપવા માંગે છે.

કંગનાને પૂછવામાં આવ્યું – તે ફિલ્મો અને રાજનીતિ કેવી રીતે મેનેજ કરી શકશે? આ અંગે અભિનેત્રીએ કહ્યું કે, ‘હું ફિલ્મોમાં અભિનય પણ કરું છું, રોલ પણ કરું છું અને દિગ્દર્શન પણ કરું છું. જો મને રાજકારણમાં એવી શક્યતા દેખાઈ કે લોકો મારી સાથે જોડાઈ રહ્યા છે, તો હું રાજનીતિ જ કરવા મંગીશ. આદર્શ રીતે હું માત્ર એક જ કામગીરી કરવા માંગુ છું.

કંગનાએ રાજનીતિ જીવન અને ફિલ્મ જગતના તફાવત વિશે જણાવ્યું 
કંગનાએ કહ્યું કે ઘણા ફિલ્મમેકર્સ મને રાજકારણમાં ન જવા અંગે કહ્યું હતું. લોકોની અપેક્ષાઓ પ્રમાણે જીવવું જોઈએ. જો હવે મને લોકો સાથે જોડાવાનો મોકો મળશે, તો હું તેને પણ ઉપાડીશ. કંગનાએ રાજનીતિ જીવન અને ફિલ્મ જગતના તફાવત વિશે કહ્યું કે ‘આ ફિલ્મોની ખોટી દુનિયા છે. તે અલગ વાતાવરણ સર્જાય છે. લોકોને આકર્ષવા માટે ભૂલ ભુલૈયા બનાવવામાં આવે છે. પણ રાજકારણ એ વાસ્તવિકતા છે. મારે લોકોની અપેક્ષાઓ પ્રમાણે જીવવું છે, હું લોકસેવામાં નવી છું, ઘણું શીખવાનું છે.

આ પણ વાંચો..ફેશન જગતમાં છવાયો શોક: ઇક્વાડોરની ફેમસ મોડલની રેસ્ટોરન્ટમાં હત્યા