સાઉદી અરેબિયાના પવિત્ર શહેર મદીનામાં ભારે વરસાદના કારણે પૂરની સ્થિતિ સર્જાઇ, જુઓ વીડિયો
- દુબઈ બાદ હવે સાઉદી અરેબિયા ભારે વરસાદને કારણે પૂર સામે ઝઝૂમી રહ્યું છે
મદીના, 2 મે: દુબઈ બાદ હવે સાઉદી અરેબિયા ભારે વરસાદને કારણે પૂર સામે ઝઝૂમી રહ્યું છે. વરસાદની સૌથી વધુ અસર સાઉદી અરેબિયાના ઉત્તરીય ભાગોમાં થઈ છે. સાઉદી અરેબિયાના પવિત્ર શહેર મદીનામાં ભારે વરસાદના કારણે પૂરની સ્થિતિ સર્જાઇ છે. હવામાન વિભાગની ચેતવણી બાદ અનેક રસ્તાઓ વાહનવ્યવહાર માટે બંધ કરી દેવામાં આવ્યા છે. એટલું જ નહીં પૂરના કારણે શાળાઓમાં રજા પણ જાહેર કરવામાં આવી છે. સોમવારે અલ-ઉલા અને અલ-મદીનાહ પ્રાંતમાં ગંભીર પૂર જોવા મળ્યું હતું. મદીનાની મસ્જિદ અલ નબવીમાં ભારે વરસાદનો વીડિયો સોશિયલ મીડિયા પર વાયરલ થયો છે. વીડિયોમાં વરસાદનું પાણી મસ્જિદની અંદર ઝડપથી પડતું જોઈ શકાય છે. સાઉદીમાં આવી સ્થિતિ પડોશી સંયુક્ત આરબ અમીરાત અને ઓમાનમાં અચાનક આવેલા પૂરના થોડા દિવસો બાદ બની છે. વર્ષના આ સમયે દુર્લભ ઘટનાઓ આંશિક રીતે આબોહવા પરિવર્તનને આભારી છે.
Series of severe flooding continues in Saudi Arabia’s Medina city
The rains will continue non-stop until tomorrow, with waterlogging expected in the Madeena. pic.twitter.com/VL3JlNW6AV
— Ashish Kumar (@BaapofOption) May 2, 2024
Conditions this past monday due to heavy rainfall in Al Salam Street, Medina, Saudi Arabia 🇸🇦
▪︎ 29 April 2024 ▪︎#floods #flooding #SaudiArabia #Medina
🎥 @N_9kApic.twitter.com/OEOdE5Esy3— DISASTER TRACKER (@DisasterTrackHQ) May 1, 2024
સાઉદી અરેબિયામાં 30 એપ્રિલથી ભારે વરસાદ અને તોફાનને કારણે ઘણા પ્રાંતોમાં પૂરની સ્થિતિ સર્જાઈ છે. સોશિયલ મીડિયા પ્લેટફોર્મ સાઉદીના ઘણા વીડિયો વાયરલ થઈ રહ્યા છે જેમાં રસ્તાઓ પર પાણી ભરાયા છે, ટ્રાફિક ખોરવાઈ ગયો છે, વાહનો પાણીમાં ફસાયા છે અને અન્ય દ્રશ્યો જોવા મળી રહ્યા છે. સાઉદી નેશનલ મેટ્રોલોજીકલ સેન્ટરે મદીના માટે ચેતવણી જારી કરી છે, તોફાન અને ઝડપી પવન સાથે વધુ વરસાદની આગાહી કરી છે.
Severe Rains & flood continues in the city of #Medina.
A scene from Prophets ﷺ mosque.#SaudiArabia 🇸🇦 pic.twitter.com/FpzCrxZsoB— Mister J. – مسٹر جے (@Angryman_J) April 30, 2024
લોકોને સાવચેત રહેવા કરવામાં આવી અપીલ
અલ-ઉલા(Al-Ula) અને અલ-મદીના (Al-Madinah)એ ઇસ્લામ ધર્મનું સૌથી પવિત્ર સ્થળ એવા અલ-મસ્જિદ અલ-નબવીનું ઘર છે. મસ્જિદ-એ-નબવીનો એક વીડિયો સામે આવ્યો છે જેમાં મસ્જિદની અંદર ભારે વરસાદ જોઈ શકાય છે. આ પહેલા વર્ષ 2022માં સાઉદી અરેબિયાના જેદ્દાહમાં આવી દુર્ઘટના જોવા મળી હતી, જેમાં 2 લોકોના મૃત્યુ થયા હતા. નાગરિક સંરક્ષણ નિર્દેશાલયે લોકોને સાવચેત રહેવા અને જરૂરી હોય ત્યારે જ ઘરની બહાર નીકળવાની અપીલ કરી છે. રસ્તાઓ પર પાણી ભરાઈ જવાને કારણે રાજ્યના અનેક માર્ગો પર વાહનવ્યવહાર સંપૂર્ણપણે ઠપ્પ થઈ ગયો છે. ભારે વરસાદ મુખ્યત્વે મદીના ક્ષેત્રમાં અલ-ઇસ ગવર્નરેટમાં પડ્યો હતો, જેના કારણે ઘણા ખડકો અને ખીણો ધોવાઇ ગયા હતા.
Torrential floods due to extreme rains in Al Ais of Medina region, Saudi Arabia 🇸🇦 (29.04.2024)
TELEGRAM JOIN 👉 https://t.co/yY0dMMK1fg pic.twitter.com/KaaOuznmo2
— Disaster News (@Top_Disaster) April 29, 2024
હવામાન વિભાગે રેડ એલર્ટ જાહેર કર્યું
ભારે વરસાદને કારણે ઈન્ફ્રાસ્ટ્રક્ચરને નોંધપાત્ર નુકસાન થયું છે. પાણી ભરેલા રસ્તાઓ પર વાહનો અટવાયા છે. મસ્જિદ-એ-નબવીનો એક વીડિયો સામે આવ્યો છે, જેમાં કેટલાક લોકો ભારે વરસાદની મજા લેતા જોવા મળી રહ્યા છે તો કેટલાક લોકો આ વરસાદમાં નમાઝ અદા કરતા જોવા મળી રહ્યા છે. સાઉદી અરેબિયાના રાષ્ટ્રીય હવામાન કેન્દ્રએ મક્કા પ્રાંતમાં ચેતવણી જારી કરીને કહ્યું છે કે, વરસાદ અને તોફાન વધવાની સંભાવના છે. મદીનામાં આ વરસાદને કારણે હવામાન વિભાગે રેડ એલર્ટ જાહેર કર્યું છે. પરિસ્થિતિને જોતા લોકોને કેટલાક વિસ્તારોમાં ન જવાની સલાહ આપવામાં આવી છે.
આ પણ જુઓ: માલદીવમાં ભારતીય પ્રવાસીઓ પર હુમલો, ઇઝરાયેલી મહિલાને પણ હેરાન કરીને ટાપુ પરથી ભગાડી
