કાર અને ટ્રક વચ્ચે જોરદાર ટક્કર, અકસ્માતમાં એક જ પરિવારના પાંચનાં મૃત્યુ

કન્નુર (કેરળ), 30 એપ્રિલ: કેરળના કન્નુર જિલ્લાના પુન્નાચેરીમાં સોમવારે રાત્રે એક માર્ગ અકસ્માતમાં પાંચ લોકોના મૃત્યુ થયા છે. કાર અને ટ્રક વચ્ચે અથડામણ થતાં ગમખ્વાર અકસ્માત સર્જાયો હતો. મૃતકોની ઓળખ કલાઈચનાદુક્કમના વતની કેએન પદ્મકુમાર (59), ભીમનાદીના વતની ચુરીક્કટ સુધાકરન (52), અજિથા (35),કોઝુમ્મલ કૃષ્ણન (65) અને આકાશ તરીકે થઈ છે. મળતી માહિતી મુજબ ચાર લોકોના ઘટનાસ્થળે જ મૃત્યુ નીપજ્યાં હતા.

#WATCH | Kannur, Kerala: Five people died in a collision between a car and a lorry in Punnacherry, Kannur last night. The driver of the lorry sustained injuries in the accident. Further probe is underway, say police pic.twitter.com/8sQxv3BfN2

— ANI (@ANI) April 30, 2024

જ્યારે નવ વર્ષના બાળકને ગંભીર ઈજા પહોંચતા તેને પરિયારામ મેડિકલ કોલેજ હોસ્પિટલમાં ખસેડવામાં આવ્યો હતો. જો કે, ત્યારબાદ ડૉક્ટરે તેને મૃત જાહેર કર્યો છે. તેમણે જણાવ્યું કે આ અકસ્માતમાં ટ્રકના ડ્રાઇવરને પણ ઈજા પહોચી હતી. અકસ્માત સર્જાતા મોડી રાત્રે અફરાતફરીનો માહોલ સર્જાયો હતો. ઘટના અંગે જાણ થતાં પોલીસ પણ દોડી આવી હતી.

પોલીસે કાર્યવાહી કરીને ટ્રક ડ્રાઈવરની અટકાયત કરી

પોલીસના જણાવ્યા અનુસાર, સુધાકરન અને તેના પરિવારના અન્ય સભ્યો સીએનો અભ્યાસ કરતા પુત્ર સૌરવને કોઝિકોડની હોસ્ટેલમાં મુકીને ઘરે પરત ફરી રહ્યા હતા. ફાયર વિભાગના અધિકારીઓ અને પોલીસે ઘટના સ્થળે પહોંચીને મૃતકને કારમાંથી બહાર કાઢ્યો હતો. મોટર વાહન વિભાગના અધિકારીઓ પણ ઘટના સ્થળે પહોંચી ગયા હતા. પોલીસે ટ્રકને કબ્જે કરીને ડ્રાઇવરને કસ્ટડીમાં લીધો છે.

આ પણ વાંચો: છત્તીસગઢમાં ગોઝારો અકસ્માત : 5 મહિલા, 3 બાળકો સહિત 9ના મૃત્યુ