ગુરુત્વાકર્ષણને પડકારતી અનોખી કાર: કારના પૈડા હવામાં ઉંધા ફરતા જોવા મળ્યા! જુઓ વીડિયો
- અનોખી કારનો વીડિયો જોઈને સોશિયલ મીડિયામાં યૂઝર્સ આશ્ચર્યચકિત થઈ ગયા
અમેરિકા, 26 એપ્રિલ: રસ્તા પર ચાલતી વખતે લોકો આશ્ચર્યજનક ઘટનાઓ જોતા રહે છે. કેટલીકવાર લોકો અટકીને તેને જુએ છે, તો ક્યારેક તેઓ તેને અવગણીને આગળ વધે છે. પરંતુ જો આપણે વિજ્ઞાનના નિયમોને પડકારતી કોઈપણ ક્રિયા જોતા હોઈએ તો આપણે શું કહી શકીએ? હાલના દિવસોમાં સોશિયલ મીડિયા પર વાયરલ થઈ રહેલા એક વીડિયોમાં કાર સીધી રીતે ગુરુત્વાકર્ષણ બળને પડકારતી જોવા મળી રહી છે. રસ્તાઓ પર ચાલતી આ કારના પૈડા હવામાં ઉંધા ફરતા જોવા મળી રહ્યા છે. જોકે, પાછળથી ખબર પડી કે, તેની પાછળ કોઈ યુક્તિનો ઉપયોગ કરવામાં આવ્યો છે.
View this post on Instagram
અમેરિકાના રસ્તાઓ પર અનોખી કાર
હકીકતમાં, અમેરિકાના રસ્તાઓ પર દોડતી જોવા મળેલી એક અનોખી કારે દર્શકોને આશ્ચર્યમાં મૂકી દીધા છે. જેનાથી સોશિયલ મીડિયા પર હલચલ મચી ગઈ છે. જોઈને એવું લાગે છે કે, આ કાર ગુરુત્વાકર્ષણના નિયમોની અવગણના કરીને તેના પૈડાં ઉંધા રાખીને હવામાં આગળ વધી રહી છે. ઇન્સ્ટાગ્રામ પર પોસ્ટ કરવામાં આવેલો આ વીડિયો જોયા બાદ કારની અનોખી ડિઝાઈને તરત જ ઓનલાઈન યુઝર્સનું ધ્યાન ખેંચ્યું.
વીડિયોમાં કારને ઘણા એંગલથી બતાવવામાં આવી
વીડિયોમાં કારને ઘણા એંગલથી બતાવવામાં આવી છે. તેની અનોખી ડિઝાઇનને જોતા એક્સલ અને એન્જિન પણ ઉંધુ દેખાય છે. આ વાયરલ વીડિયોને ઈન્સ્ટાગ્રામ પર લાખો દર્શકોએ જોયો છે. જેનાં પર કરવામાં આવેલી હજારો કોમેન્ટ્સે ઓનલાઈન ડિબેટ, ફની સવાલો અને જવાબો સાથે યુઝર્સને એન્ટરટેઈન કરવાનું શરૂ કર્યું છે. આ અદ્ભુત વિડિયો અવ્યવહારુ અને વિચિત્ર લાગશે, પરંતુ આ ઉપસાઇડ-ડાઉન(Upside Down) કારે લોકોનું મન ચોક્કસપણે જીતી લીધું છે.
દંગ કરનારી આ કાર માત્ર એક ભ્રમણા!
આ કાર જે તમારા મનને ફેરવી નાખે છે તે માત્ર એક ભ્રમણા છે. તેને કોઈ યુક્તિ દ્વારા ચતુરાઈથી તૈયાર કરવામાં આવી છે. આ કાર વાસ્તવમાં ભૌતિકશાસ્ત્રના નિયમોને પડકારતી નથી, પરંતુ તેની ઝીણવટભરી ડિઝાઇનને કારણે દર્શકો પર વિપરીત અસર પેદા કરી રહી છે. જોકે, શરૂઆતમાં વીડિયોના કેટલાક દર્શકો કુદરતના નિયમો પર સવાલ ઉઠાવી શકે છે, પરંતુ ધ્યાનથી જોતા તે સ્પષ્ટ થાય છે કે, કારને કસ્ટમાઇઝ(Customize) કરવામાં આવી છે.
વાયરલ વીડિયો પર કેટલાક સોશિયલ મીડિયા યુઝર્સે કાર નિર્માતાની હિંમત અને સર્જનાત્મકતાના વખાણ કર્યા છે. તે જ સમયે, કેટલાક યુઝર્સે માર્ગ સલામતી અને જોખમોની સંભાવનાને લઈને પણ પ્રશ્નો ઉઠાવ્યા છે. કેટલાક લોકોએ કારની ડિઝાઇનની વ્યવહારિકતા અંગે ચિંતા વ્યક્ત કરી છે.
આ પણ જુઓ: મચ્છરોથી કંટાળી એક વ્યક્તિએ લગાવી અનોખી Z+ સુરક્ષા, વીડિયો થયો વાયરલ
