ગાંડપણની પણ હદ હોય! શખ્સે ચાલતી બાઈક પર બાળકને સોંપ્યું હેન્ડલ, જૂઓ ખતરનાક વીડિયો
HD News Desk (અમદાવાદ), 25 એપ્રિલ: રોજેરોજ સોશિયલ મીડિયા પર કંઈને કંઈ અવનવા વીડિયો વાયરલ થતા રહે છે. જો કે, આ સિવાય પર ઇન્ટરનેટ પર કેટલીકવાર એવા વીડિયો સામે આવે છે કે, જેમાં લોકો મૂર્ખતાભર્યા કામ કરે છે. અત્યારે સોશિયલ મીડિયા પર આવો જ એક વીડિયો સામે આવ્યો છે. જેમાં એક શખ્સ નાનકડા બાળકને બાઈક ચલાવવા માટે હેન્ડલ સોંપે છે. અને બાઈકની સીટ પર 2 લોકો વધુ સવાર છે. જીવલેણ સ્ટંટ કરતા વીડિયો પર ઘણા લોકો બાઇકરને ટ્રોલ કરી રહ્યા છે.
વીડિયો જોઈને તમારા શ્વાસ અધ્ધર થઈ જશે
India is not for the beginners pic.twitter.com/rbGyOs7F3P
— Vishal (@VishalMalvi_) April 24, 2024
સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે, એક શખ્સે તેની બાઈક પર બે લોકોના બદલે ત્રણ લોકોને બેસાડ્યા છે. પોતાના સિવાય પાછળની સીટ પર બે મહિલાઓ અને પેટ્રોલની ટંકી પર એક નાનાકડું બાળક બેઠેલું છે. બાઈકસવાર બીજા ત્રણ લોકોને બેસાડીને સ્ટંટ કરવા લાગે છે. પરંતુ વ્યક્તિ ફક્ત આમાં જ માનતો નથી. આ પછી જ્યારે બાળક બાઇકનું હેન્ડલ પકડે છે, ત્યારે વ્યક્તિ તેના હાથ હટાવી લે છે. એકવાર સંતુલન બગડવાનું શરૂ થાય છે, તે એક હાથથી હેન્ડલ પકડી રાખે છે. પરંતુ થોડા સમય પછી તે ફરીથી તેના હાથ હટાવે છે અને હેન્ડલ સંપૂર્ણપણે બાળકના કન્ટ્રોલમાં આવી જાય છે. જો કે, આવી રીતે સ્ટંટ કરવો ભારે પડી શકે છે. જો અચાનક બેલેન્સ ખોરવાઈ જાય તો જાન-માલનું નુકસાન થઈ શકે છે.
વીડિયો પર યુઝર્સે ખરીખોટી સંભળાવી
આ વીડિયોને X પ્લેટફોર્મ પર @VishalMalvi_ નામના એકાઉન્ટથી શેર કરવામાં આવ્યો છે. અત્યાર સુધી આ વીડિયોને 68 હજારથી વધુ લોકો જોઈ ચૂક્યા છે. વીડિયો જોયા બાદ એક યુઝરે લખ્યું- આ લોકો બીજાને મારીને માનશે. બીજા એકે લખ્યું કે, આ ખૂબ જ જીવલેણ છે. તો ત્રીજા યુઝરે લખ્યું કે, આ શખ્સની ધરપકડ કરીને મેથીપાક ચખાડવો જોઈએ. જ્યારે અન્ય એક યુઝરે ચિંતા વ્યક્ત કરતાં લખ્યું કે, મોટાઓને તો છોડી દો, પરંતુ આ નાનકડા બાળકનો જીવ કેવી રીતે જોખમમાં મૂકી શકાય. આમ, ઘણા લોકો આ વીડિયો જોયા બાદ આવા સ્ટંટ કરનારા પર કાર્યવાહી કરવાની વાત કરી રહ્યા છે.
આ પણ વાંચો: કાર કે બાઈક નહીં બળદ પર બેસીને ફરતો જોવા મળ્યો એક વ્યક્તિ, વીડિયો થયો વાયરલ
