જો અમારી માંગણી સાંભળવામાં નહીં આવે તો અમે PM સામે ચૂંટણી લડશું
- તમિલનાડુથી દિલ્હી આવેલા ખેડૂતોનો હુંકાર
- આપઘાત કરનાર ખેડૂતોના કંકાલ સાથે જંતર મંતર ઉપર બેઠા
નવી દિલ્હી, 23 એપ્રિલ : તમિલનાડુના લગભગ 200 ખેડૂતો પાકના ભાવ અને નદીઓને એકબીજા સાથે જોડવાના મુદ્દે કેન્દ્ર સરકારનો વિરોધ કરવા રાષ્ટ્રીય રાજધાનીના જંતર-મંતર પર આવ્યા છે. વિરોધીઓ છેલ્લા વર્ષોમાં આત્મહત્યા કરનારા ખેડૂતોની ખોપરી અને હાડકાં લઈને આવ્યા છે. મીડિયા સાથે વાત કરતા નેશનલ સાઉથ ઈન્ડિયન રિવર ઈન્ટરલિંકિંગ ફાર્મર્સ એસોસિએશન, તમિલનાડુના પ્રમુખ અય્યાકન્નુએ કહ્યું, ‘2019ની ચૂંટણી દરમિયાન પીએમએ જાહેરાત કરી હતી કે હું પાકનો નફો બમણો કરીશ અને નદીઓને એકબીજા સાથે જોડીશ.’ ‘જો માંગણીઓ સાંભળવામાં નહીં આવે તો અમે વારાણસીમાં ચૂંટણી લડીશું’
અમને વિરોધ કરવાનો અધિકાર : ખેડૂતો
ખેડૂતોએ કહ્યું કે અગાઉ તેમને વિરોધ કરવાની મંજૂરી આપવામાં આવી ન હતી અને પોલીસે તેમને રોક્યા હતા. ખેડૂત નેતાએ કહ્યું, ‘અમે લોકતાંત્રિક દેશમાં રહીએ છીએ અને અમને વિરોધ કરવાનો અધિકાર છે, પરંતુ પોલીસે અમને રોક્યા.’ બાદમાં તેઓએ કોર્ટમાંથી પ્રદર્શન કરવાની પરવાનગી મેળવી હતી. ખેડૂતોના જણાવ્યા મુજબ, કેન્દ્ર સરકારે કૃષિ આવક બમણી કરવાનું વચન આપ્યું હતું, પરંતુ પાકના ભાવમાં વધારો કરવામાં આવ્યો નથી. ખેડૂતોએ કહ્યું કે જો સરકાર તેમની માંગણીઓ નહીં સાંભળે તો તેઓ પીએમ વિરુદ્ધ ચૂંટણી લડવા વારાણસી જશે.
‘અમે પીએમના વિરોધમાં નથી, અમને માત્ર મદદ જોઈએ છે’
અય્યાકન્નુએ કહ્યું, ‘જો સરકાર અમારી વાત નહીં સાંભળે તો અમે વારાણસી જઈશું અને પીએમ મોદી વિરુદ્ધ ચૂંટણી લડીશું.’ ખેડૂતોએ એમ પણ કહ્યું કે તેઓ અગાઉ પણ તેમની માંગણીઓ માટે વિરોધ કરી ચુક્યા છે. તેમણે કહ્યું કે અમે પીએમ વિરુદ્ધ નથી કે કોઈ રાજકીય પક્ષ સાથે કોઈ સંબંધ નથી. અમને ફક્ત તેમની મદદ જોઈએ છે.
