રજનીકાંતની અપકમિંગ ફિલ્મ ‘કુલી’ નું ધાંસુ ટીઝર થયું રીલીઝ

HD ન્યુઝ ડેસ્ક, 23 એપ્રિલ:  સુપરસ્ટાર રજનીકાંતની અપકમિંગ ફિલ્મ ‘કુલી’નું ટીઝર રીલીઝ થઈ ચુક્યુ છે.  ટીઝરમાં રજનીકાંત સિગ્નેચર સ્ટાઈલમાં જોવા મળી રહ્યો છે. ટીઝરમાં રજનીકાંત ગુંડાઓને સોનાની ચેઈનથી મારપીટ કરતો જોવા મળી રહ્યો છે. ટીઝરના એક સીનમાં રજનીકાંત, ગોલ્ડ બાર્સ અને ડોલરોમાં સુતેલા જોવા મળે છે.  આ ફિલ્મના મેકર્સે વાર્તા તો રિવીલ નથી કરી, પણ કુલીનું ટીઝર જોઈને લાગી રહ્યું છે કે તે એક પ્રકારની એક્શન મૂવી હશે. ફિલ્મ ‘કુલી’નું ટીઝર હાલમાં સોશિયલ મીડિયામાં ખુબ જ ચર્ચાઈ રહ્યું છે. આ ફિલ્મના રિલીઝના માત્ર 24 કલાકની અંદર જે તેને યુટ્યુબ પર લગભગ સાડા 5 લાખ વ્યુઝ મળી ગયા છે આ સાથે હાલમાં તે ટોપ 7માં ટ્રેન્ડ પણ કરી રહ્યું છે. આ ફિલ્મ રીલીજ થતાંની સાથે જ તે રજનીકાંતની 171મી ફિલ્મ થશે.

સન પિક્ચર્સે પ્રોડ્યુસ કરી છે આ ફિલ્મ

પ્રાપ્ત માહિતી મુજબ,  ફિલ્મ ‘કુલી’માં રજનીકાંત અને નિર્દેશક લોકેશ કનાગરાજ એકસાથે પહેલીવાર કામ કરી રહ્યા છે. આ ફિલ્મને સન પિક્ચર્સે પ્રોડયસ કરી છે. આ ટીઝરમાં રજનીકાંત હાથમાં કુલીનો બેજ બાંધેલો જોવા મળી રહ્યો છે. આ સાથે જ ટીઝરમાં જોવા મળે છે કે સોનાની ઘડીયાળના બેલ્ટથી ગુંડાઓને ધોલાઈ કરતો જોવા મળી રહ્યો છે. નિર્દેશક લોકેશ કનાગરાજે પોતાના સોશિયલ મીડિયા હેન્ડલ પર જાણકારી આપતા જણાવ્યું હતું કે, ફિલ્મનું ટાઈટલ 22 એપ્રિલે રિલીઝ કરવામાં આવશે. રજનીકાંત સિવાય આ ફિલ્મના બીજા પાત્રોની જાણકારી હજુ સુધી બહાર આવી નથી. જોકે, શિવકાર્તિકેયન પણ આ ફિલ્મમાં મહત્ત્વના રોલમાં જોવા મળી શકે છે. મેકર્સે આવનાાર દિવસોમાં ફિલ્મની કાસ્ટનો ખુલાસો કરી શકે છે.

#Thalaivar171TitleReveal on April 22 🔥 pic.twitter.com/ekXFdnjNhD

— Lokesh Kanagaraj (@Dir_Lokesh) March 28, 2024

ફિલ્મ સાથે વિવિધ અટકળો પણ જોડાયેલી જોવા મળી રહી છે

આ ફિલ્મનું પોસ્ટર નિર્દેશક લોકેશ કનાગરાજે ગયા મહિને જ પોસ્ટર રીલીઝ કર્યું હતું.આ ફિચર પોસ્ટરમાં રજનીકાંત ડેનીમ શર્ટમાં મોનોક્રોમેટીક ઈમેજમાં જોવા મળી રહ્યો છે. અને તે ગોલ્ડન ઘડીયાળના બેલ્ટની સાંકળોથી બંધાયેલો જોવા મળે છે આ સાથે જ બેકગ્રાઉન્ડમાં એક સ્પષ્ટ ઘડીયાળ પણ જોવા મળી રહી છે. રજનીકાતંના આ પોસ્ટરથી ફિલ્મ વિશે વિવિધ પ્રકારની અટકળોએ પણ વેગ પકડ્યો છે. જેમકે, ફિલ્મની વાર્તા ટાઈમ-ટ્રાવેલની વાર્તા અને સુર્યાના રોલેક્સ કેરેક્ટરની સાથે પણ સંકળાયેલી હોય શકે છે. આમ સોશિયલ મીડિયા એકસ પર નિર્દેશક લોકેશ કનાગરાજે રીલીઝ કરીને જણાવ્યું હતું કે ફિલ્મનું ટાઈટલ 22 એપ્રિલે રિલીઝ થશે. તેણ લખ્યું હતું કે, “થલાઈવા 171 ટાઈટલ 22 એપ્રિલે રિવીલ થશે.” આ સિવાય, હાલમાં રજનીકાંત ટીજે જ્ઞાનવેલની વેટ્ટીયન ટાઈટલવાળી મુવીમાં વ્યસત છે.

આ પણ વાંચો:  ફિલ્મ માટે બનાવી 54 ફૂટ ઊંચી હનુમાનજીની મૂર્તિ, ચિરંજીવીના એક્શન સીનમાં દેખાશે!