ઉત્તર પ્રદેશના મુરાદાબાદમાં ગેસ સિલિન્ડરના ટ્રકમાં આગ ફાટી નીકળી, કોઈ જાનહાની નહિ
મુરાદાબાદ, 20 એપ્રિલ : મુરાદાબાદ-કાશીપુર રોડ પર ભોજપુર પોલીસ સ્ટેશન વિસ્તારના સિદાબલી પાસે શનિવારે સવારે એક ટ્રકમાં અચાનક આગ લાગી હતી. ટ્રકમાં ગેસ સિલિન્ડર ભરેલા હતા. આગના કારણે એક પછી એક અનેક સિલિન્ડર ફાટ્યા હતા. અકસ્માત સમયે ડ્રાઈવર અને ક્લીનર ત્યાં ઉભા રહ્યા હતા. આગ લાગ્યા બાદ બંને સ્થળ પરથી ફરાર થઈ ગયા હતા.
દરમિયાન લાંબા સમય સુધી આ વિસ્તારમાં ભયનો માહોલ છવાયેલો રહ્યો હતો. પોલીસે ઘટનાસ્થળે પહોંચીને બંને બાજુથી રસ્તો બંધ કરી દીધો હતો. ત્યારબાદ ફાયર બ્રિગેડની ટીમે ગ્રામજનોની મદદથી આગને કાબુમાં લીધી હતી. ગાઝિયાબાદના લોધીમાં આવેલા ભારત ગેસ પ્લાન્ટમાંથી એક ટ્રક દિલારી પોલીસ સ્ટેશન વિસ્તારની જતપુરા સેઠી ભારત ગેસ એજન્સીમાં સિલિન્ડર લઈને જઈ રહી હતી. ટ્રકમાં 364 જેટલા સિલિન્ડર ભરેલા હતા.
VIDEO | Fire breaks out in truck carrying gas cylinders in Moradabad, Uttar Pradesh. More details awaited. pic.twitter.com/7j23HoY96v
— Press Trust of India (@PTI_News) April 20, 2024
મળતી માહિતી મુજબ, ભોજપુર પોલીસ સ્ટેશન વિસ્તારમાં મુરાદાબાદ કાશીપુર હાઈવે પર સિદાબલી ગામ પાસે, ડ્રાઈવરે શેરડીના રસની ગાડી જોઈ અને ટ્રક હાઈવેની બાજુમાં ઊભી રાખી હતી. આ પછી ડ્રાઈવર અને કંડક્ટર જ્યૂસ પીવા ગાડી પાસે પહોંચ્યા હતા. જે જગ્યાએ ટ્રક ઉભી હતી. ત્યાંથી વીજળીની લાઈન પણ પસાર થઈ રહી હતી.
દરમિયાન વીજ લાઇનમાંથી એક તણખો પડ્યો હતો. જેના કારણે ટ્રકમાં આગ લાગી હતી. ટ્રકમાં ભરેલા સિલિન્ડરને કારણે આગએ વિકરાળ સ્વરૂપ ધારણ કર્યું હતું. એક પછી એક કેટલાય સિલિન્ડર ફાટ્યા હતા. જેના કારણે વિસ્તારમાં ભયનો માહોલ ફેલાયો હતો. ફાયર બ્રિગેડની ટીમ ઘટના સ્થળે પહોંચી હતી. આગ કાબૂમાં આવી હતી પરંતુ ઘણા સિલિન્ડર ફાટી ગયા હતા.
