રામ નવમીએ 19 કલાક દર્શન આપશે રામલલ્લા, ટ્રસ્ટે સૂર્ય તિલક અને દર્શનના ટાઈમિંગ જણાવ્યા

• આ વર્ષે રામ નવમીએ ભક્તો સવારે 3.30 વાગ્યાથી રાતે 11 વાગ્યા સુધી રામ લલ્લાના દર્શન કરી શકશે. રામનવમીના દિવસે વીઆઈપી અને સ્પેશિયલ પાસ પર 15 એપ્રિલથી 19 એપ્રિલ સુધી પ્રતિબંધ લગાવવામાં આવ્યો છે

રામ મંદિરની પ્રાણ પ્રતિષ્ઠા બાદ અયોધ્યામાં ખૂબ જ ધૂમધામથી રામનવમીના ઉત્સવની તૈયારીઓ પૂરી થઈ ચૂકી છે. આ અવસરે રામ મંદિરને ભવ્ય શ્રૃંગાર કરવામાં આવશે. રામનવમીના પાવન પર્વ પર મંદિરમાં પ્રભુ શ્રીરામના દર્શનને લઈને શ્રી રામ જન્મભૂમિ ક્ષેત્ર ટ્રસ્ટે ટાઈમિંગ સહિતની વિગતો જારી કરી છે. ટ્રસ્ટના જણાવ્યા અનુસાર આ વર્ષે રામ નવમીએ ભક્તો સવારે 3.30 વાગ્યાથી રાતે 11 વાગ્યા સુધી રામ લલ્લાના દર્શન કરી શકશે. રામનવમીના દિવસે વીઆઈપી અને સ્પેશિયલ પાસ પર 15 એપ્રિલથી 19 એપ્રિલ સુધી પ્રતિબંધ લગાવવામાં આવ્યો છે. 20 એપ્રિલે વીઆઈપી પાસ ફરી મળવાના શરૂ થઈ જશે. ટ્રસ્ટે કોઈ અવ્યવસ્થા ન સર્જાય તે માટે આ નિર્ણય લીધો છે.

Humble Request on the occassion of Shri Ram Navami Mahotsav:

For the convenience of the devotees visiting during the tyohaar of Shri Ram Navami, special arrangements have been made by the Shri Ram Janmabhoomi Teerth Kshetra Trust.

On the day of Shri Ram Navami, starting at… pic.twitter.com/2mWoICCyg1

— Shri Ram Janmbhoomi Teerth Kshetra (@ShriRamTeerth) April 15, 2024

श्री राम नवमी महोत्सव के दृष्टिगत विनम्र निवेदन:

श्री राम नवमी के पावन पर्व पर आने वाले श्रद्धालुओं की सुविधा के लिए श्री राम जन्मभूमि तीर्थ क्षेत्र न्यास द्वारा विशिष्ट व्यवस्था की गई है।

श्री रामनवमी के दिन ब्रह्म मुहूर्त में प्रातः काल साढ़े तीन बजे से श्रद्धालुओं को… pic.twitter.com/bIEupCC8dc

— Shri Ram Janmbhoomi Teerth Kshetra (@ShriRamTeerth) April 15, 2024

દર્શનનો ટાઈમિંગઃ

રામનવમી એટલે કે 17 એપ્રિલના દિવસે 19 કલાક સુધી પ્રભુ શ્રીરામના દર્શન માટે કપાટ ખુલ્લા રહેશે. 16, 18 અને 19 એપ્રિલના રોજ સવારે 6.30 વાગ્યે દર્શન કરી શકાશે.

આરતીનો ટાઈમિંગઃ

17 એપ્રિલે ભક્તોની ભીડને ધ્યાનમાં રાખીને શયન આરતીનો સમય નિશ્ચિત કરાશે. હાલમાં રાતે 11 વાગ્યે શયન આરતીનો નિર્ણય લેવાયો છે.

સૂર્યતિલકનો ટાઈમિંગઃ

આ દિવસે બપોરે 12.00 વાગ્યે સૂર્ય તિલક કરવામાં આવશે. ધાર્મિક માન્યતાઓ અનુસાર ચૈત્ર મહિનાના શુક્લ પક્ષની નોમે અયોધ્યામાં ભગવાન રામે રાજા દશરથના ત્યાં પુત્ર રૂપે જન્મ લીધો હતો અને ત્યારે મધ્યાહન કાળ હતો. તેથી બપોરે ભગવાન રામની પૂજા અને આરાધનાનું વિશેષ મહત્ત્વ છે.

આ પણ વાંચોઃ રામ નવમીએ સૂર્યના કિરણો ભગવાનના કપાળ પર તિલક કરશે, જાણો અયોધ્યા મંદિરની આ ખાસિયત