HD News Desk (અમદાવાદ), 08 એપ્રિલ: ભારતમાં બુલેટ ટ્રેનનું સપનું ટૂંક સમયમાં સાકાર થવા જઈ રહ્યું છે. મુંબઈ-અમદાવાદ વચ્ચે દેશનો પ્રથમ હાઈ-સ્પીડ ટ્રેન પ્રોજેક્ટ બનાવવામાં આવી રહ્યો છે. આ પ્રોજેક્ટનો પહેલો ભાગ 2026માં શરૂ થવાની શક્યતા છે. 320 કિમી પ્રતિ કલાકની ઝડપે દોડતી આ ટ્રેનોની મુસાફરી સૌથી સુરક્ષિત માનવામાં આવે છે. બુલેટ ટ્રેન એ આધુનિક એન્જિનિયરિંગની ભેટ છે જેના પર દરેક જાપાનીને ગર્વ છે. પરંતુ એક સમય એવો હતો જ્યારે એવું માનવામાં આવતું હતું કે તેને બંધ કરવું પડશે. પરંતુ એક પક્ષી કિંગ ફિશરે તેને નવું જીવનદાન આપ્યું.
એક સમયે બુલેટ ટ્રેન બંધ થવાને આરે હતી
જ્યારે આ ટ્રેન ટનલમાંથી બહાર આવતી ત્યારે એટલો અવાજ થતો કે, મુસાફરો અને આસપાસના લોકોને સહન કરવું મુશ્કેલ પડી જતું. જાપાની એન્જિનિયરોએ ટૂંક સમયમાં જ આ ‘ટનલ બૂમ’નું કારણ શોધી કાઢ્યું. જ્યારે ટ્રેન ટનલમાંથી બહાર આવે છે, ત્યારે તે બંધ જગ્યાને કારણે હવાને આગળ ધકેલે છે. આ હવાનું દબાણ તરંગ બનાવે છે. ટ્રેન બંદૂકમાંથી ગોળીની જેમ ટનલમાંથી બહાર આવે છે. આ 70 ડેસિબલથી વધુની ધ્વનિ તરંગ પેદા કરે છે અને તેની અસર બધી દિશામાં 400 મીટરના અંતર સુધી રહે છે. કારણ તો મળી ગયું પણ હવે સમસ્યા એ હતી કે તેનું નિરાકરણ કેવી રીતે કરવું.
તો આવી રીતે થયો ચમત્કારો…
ટ્રેનની સ્પીડ ઘટાડવી કે ટનલમાંથી પસાર ન થવું એ કોઈ વિકલ્પ નહોતો. પરંતુ કુદરત પાસે તેનો ઉકેલ હતો. જાપાની એન્જિનિયર્સની નજર કિંગફિશર પક્ષી પર પડી જે પાણીમાં ખૂબ ઝડપે માછલીનો શિકાર કરે છે. તેની ચાંચની ડિઝાઇન જાપાની એન્જિનિયરો માટે વરદાન સાબિત થઈ. જાપાની એન્જિનિયર ઈજી નાકાત્સુએ બુલેટ ટ્રેનના આગળ ભાગને ભાગને કિંગફિશરની ચાંચની તર્જ પર ડિઝાઇન કર્યો હતો. તેની ડિઝાઇન કામ કરી ગઈ. બુલેટ ટ્રેનની ટનલની સમસ્યાનો અંત આવ્યો છે અને સ્થાનિક લોકોએ રાહતનો શ્વાસ લીધો છે. આનાથી ટ્રેનની ઇંધણ કાર્યક્ષમતા અને ઝડપ પણ વધી.
કિંગફિશર પક્ષીના કારણે બુલેટટ્રેન પાટા પર દોડી
આ ફરી એકવાર સાબિત કરે છે કે કુદરતથી મોટું કોઈ એન્જિનિયર નથી. કિંગફિશર એક નાનું રંગીન પક્ષી છે જે તેના શિકારને પકડવા માટે પાણીમાં ડૂબકી મારે છે. તેની ચાંચ આગળની બાજુએ સાંકડી હોય છે અને પાછળની તરફ પહોળી થાય છે. આ તેને પાણીમાં ડૂબકી મારવામાં મદદ કરે છે. જાપાને 1964માં જ હાઈ-સ્પીડ ટ્રેન બનાવી હતી. આજે પણ તેને એન્જિનિયરિંગનું રત્ન માનવામાં આવે છે. તેણે સતત ઝડપ, ક્ષમતા અને સલામતી વધારીને બુલેટ ટ્રેનને પાટા પર મૂકી. જાપાન રેલવે ઈસ્ટની E5 બુલેટ ટ્રેન 320 કિમી/કલાકની ઝડપે દોડે છે અને રાજધાની ટોક્યોથી શિન-ઓમોરી સુધીની મુસાફરી કરે છે.
આ પણ વાંચો: બુલેટ ટ્રેન માટે બનાવેલો ખાસ ટ્રેક જૂઓ, જાણો કેટલી હશે તેની સ્પીડ?
