ઓસ્કરના ઓફિશિયલ પેજ પર દીપિકાનું ‘દીવાની મસ્તાની’ ગીત ફીચર કરાયું, રણવીરે કર્યું રિએક્ટ
- ‘ધ એકેડમી’એ તેના ઓફિશિયલ ઈન્સ્ટાગ્રામ પેજ પર દીપિકા પાદુકોણ, રણવીર સિંહ અને પ્રિયંકા ચોપરા સ્ટારર ફિલ્મ ‘બાજીરાવ મસ્તાની’નું ફેમસ ગીત ‘દીવાની મસ્તાની’ શેર કર્યું છે.
4 એપ્રિલ, મુંબઈઃ બોલિવૂડ અભિનેત્રી દીપિકા પાદુકોણના ફેન્સ માટે ગુડ ન્યૂઝ છે. ‘ધ એકેડમી’એ તેના ઓફિશિયલ ઈન્સ્ટાગ્રામ પેજ પર દીપિકા પાદુકોણ, રણવીર સિંહ અને પ્રિયંકા ચોપરા સ્ટારર ફિલ્મ ‘બાજીરાવ મસ્તાની’નું ફેમસ ગીત ‘દીવાની મસ્તાની’ શેર કર્યું છે. ઉલ્લેખનીય છે કે આ ગીત દીપિકા પાદુકોણ પર ફિલ્માવવામાં આવ્યું હતું. ફિલ્મ ‘બાજીરાવ મસ્તાની’ વર્ષ 2015માં રીલીઝ થઈ હતી. નવ વર્ષ બાદ ઓસ્કરે અભિનેત્રીને ટ્રિબ્યૂટ આપી છે.
એકેડમી એવોર્ડસે ફીચર કર્યો વીડિયો
‘ધ એકેડમી’ના ઓફિશિયલ ઈન્સ્ટાગ્રામ હેન્ડલ પર લોકપ્રિય ગીત ‘દીવાની મસ્તાની’ની વિડિયો ક્લિપ શેર કરવામાં આવી છે. આ સાથે કેપ્શનમાં ગીતની વિગતો આપવામાં આવી છે. વીડિયોની સાથેના કેપ્શનમાં લખ્યું છે કે, ‘બાજીરાવ મસ્તાની’ ફિલ્મના ગીત ‘દીવાની મસ્તાની’ (સિંગર શ્રેયા ઘોષાલ) પર દીપિકા પાદુકોણનું પરફોર્મન્સ. નિર્દેશક સંજય લીલા ભણસાલી દ્વારા નિર્દેશિત આ ફિલ્મમાં રણવીર સિંહ, દીપિકા પાદુકોણ અને પ્રિયંકા ચોપરા જોનસ હતા. ઓસ્કરે અભિનેત્રીને ટ્રિબ્યૂટ આપી છે. દીપિકાના ચાહકોમાં ખુશી વ્યાપી ગઈ છે. આ સાથે અભિનેત્રીના પતિ અને બોલિવૂડ એક્ટર રણવીર સિંહે પણ ઘણો પ્રેમ વરસાવ્યો છે.
View this post on Instagram
બ્લોકબસ્ટર હિટ હતી બાજીરાવ મસ્તાની
ઓસ્કર પેજ પર ફીચર કરવામાં આવેલા આ વીડિયોને દીપિકા પાદુકોણે પણ પોતાની ઈન્સ્ટા સ્ટોરીમાં શેર કર્યો છે. આ વીડિયો પર કમેન્ટ કરતાં રણવીર સિંહે લખ્યું- ‘મેસ્મેરિક’. ઉલ્લેખનીય છે કે, 2015માં રિલીઝ થયેલી ‘બાજીરાવ મસ્તાની’ બ્લોકબસ્ટર હિટ રહી હતી. આ ફિલ્મમાં રણવીર સિંહે પેશવા બાજીરાવની ભૂમિકા ભજવી હતી, જ્યારે પ્રિયંકા ચોપરાએ બાજીરાવની પહેલી પત્ની કાશીબાઈની ભૂમિકા ભજવી હતી અને દીપિકા પાદુકોણે મસ્તાનીની ભૂમિકા ભજવી હતી.
ગયા વર્ષે દીપિકા પાદુકોણે 95માં એકેડેમી એવોર્ડ્સમાં પ્રેઝન્ટર તરીકે ભાગ લીધો હતો. દીપિકાએ એમએમ કીરવાની દ્વારા નિર્દેશિત ‘RRR’ના ઓસ્કર વિજેતા ગીત ‘નાટૂ નાટૂ’ના પરફોર્મન્સને ઈન્ટ્રોડ્યૂસ કર્યું હતું.
આ પણ વાંચોઃ મહાકાલની શરણમાં પહોંચ્યા આશુતોષ રાણા, ભસ્મ આરતીમાં થયા સામેલ
