પાકિસ્તાન ટીમના નવા કેપ્ટનની જાહેરાત, શાહીન આફ્રિદી પાસેથી છીનવાઈ કેપ્ટન્સી

પાકિસ્તાન, 31 માર્ચ: ODI વર્લ્ડ કપ 2023 બાદ પાકિસ્તાની ટીમના કેપ્ટન બાબર આઝમે ત્રણેય ફોર્મેટની કેપ્ટનશીપ છોડી દીધી હતી. આ પછી શાન મસૂદને ટેસ્ટ અને શાહીન આફ્રિદીને T20 ફોર્મેટનો કેપ્ટન બનાવવામાં આવ્યો હતો. પરંતુ હવે શાહીન આફ્રિદી પાસેથી કેપ્ટન્સી છીનવાઈ ગઈ છે. પાકિસ્તાન ક્રિકેટ બોર્ડે હવે સફેદ બોલના ક્રિકેટ માટે નવા કેપ્ટનની જાહેરાત કરી છે.

પાકિસ્તાને નવા કેપ્ટનની કરી જાહેરાત

PCBના અધ્યક્ષ મોહસિન નકવીએ ફરી એકવાર બાબર આઝમને પાકિસ્તાન ટીમનો કેપ્ટન બનાવ્યો છે. જોકે, આ વખતે તે સફેદ બોલની ક્રિકેટમાં ટીમનું નેતૃત્વ કરશે અને શાન મસૂદ ટેસ્ટમાં કેપ્ટનશિપ ચાલુ રાખશે. પાકિસ્તાન ક્રિકેટે સોશિયલ મીડિયા પર બાબર આઝમની કેપ્ટન તરીકે નિમણૂકની જાહેરાત કરી છે.

Babar Azam appointed as white-ball captain

Following unanimous recommendation from the PCB’s selection committee, Chairman PCB Mohsin Naqvi has appointed Babar Azam as white-ball (ODI and T20I) captain of the Pakistan men’s cricket team. pic.twitter.com/ad4KLJYRMK

— Pakistan Cricket (@TheRealPCB) March 31, 2024

શાહીનને માત્ર 1 સિરીઝમાં મળી હતી તક

શાહીન આફ્રિદીને માત્ર એક જ શ્રેણીમાં પાકિસ્તાની ટીમની કેપ્ટનશિપ કરવાની તક મળી હતી. આ સિરીઝમાં આફ્રિદીની કેપ્ટનશીપમાં પાકિસ્તાની ટીમએ કંઈ ખાસ પ્રદર્શન કર્યું ન હતું. શાહીન આફ્રિદીએ ન્યૂઝીલેન્ડ પ્રવાસ પર 5 T20 મેચની સિરીઝની કપ્તાની સંભાળી હતી. આ શ્રેણીમાં પાકિસ્તાન માત્ર એક જ મેચમાં જીત મેળવી હતી અને બાકીની 4 મેચમાં તેને હારનો સામનો કરવો પડ્યો હતો.

કેપ્ટન તરીકે બાબરનો રેકોર્ડ

બાબર આઝમે લગભગ ચાર વર્ષ પહેલા મે 2020માં પાકિસ્તાની ODI ટીમની કમાન સંભાળી હતી. તેણે અત્યાર સુધી 134 મેચમાં પાકિસ્તાન ટીમની કેપ્ટનશિપ કરી છે. તેમાંથી પાકિસ્તાનની ટીમે 78 મેચ જીતી છે અને 44 મેચમાં હારનો સામનો કરવો પડ્યો છે. તે જ સમયે, બાબરે 43 ODI મેચોમાં ટીમનું નેતૃત્વ કર્યું છે, જે દરમિયાન ટીમ 26 મેચ જીતી છે, 15 હારી છે જ્યારે એક મેચ અનિર્ણિત રહી છે. તે જ સમયે, T-20 ફોર્મેટમાં તેણે 71 માંથી 42 મેચ જીતી છે.

આ પણ વાંચો: ગોવામાં મહિલા ખેલાડીઓ સાથે મારપીટ કરનાર ફૂટબોલ ફેડ. ના સભ્ય દિપક શર્માની ધરપકડ