સંજય લીલા ભણસાળીની મોસ્ટ અવેઈટેડ સીરીઝ ‘હીરામંડી’ની રીલીઝ ડેટ જાહેર
- હાલમાં જ આ મલ્ટીસ્ટારર સીરીઝનો ફર્સ્ટ લુક અને એક ગીત રીલીઝ કરવામાં આવ્યું હતું, ત્યારબાદ દર્શકોનું એક્સાઈટમેન્ટ વધી ગયું હતું. હવે ‘હીરામંડી’ની રીલીઝ ડેટ જાહેર કરી દેવાઈ છે.
28 માર્ચ, મુંબઈઃ પ્રખ્યાત ફિલ્મ મેકર સંજય લીલા ભણસાળીની મોસ્ટ અવેઈટેડ વેબ સીરીઝ ‘હીરામંડીઃ ધ ડાયમંડ બઝાર’ હાલમાં ખૂબ જ ચર્ચામાં છે. દર્શકો આ સીરીઝને લઈને ખૂબ જ ઉત્સાહિત છે અને તેની રીલીઝની રાહમાં છે. હાલમાં જ આ મલ્ટીસ્ટારર સીરીઝનો ફર્સ્ટ લુક અને એક ગીત રીલીઝ કરવામાં આવ્યું હતું, ત્યારબાદ દર્શકોનું એક્સાઈટમેન્ટ વધી ગયું હતું. હવે ‘હીરામંડી’ની રીલીઝ ડેટ જાહેર કરી દેવાઈ છે.
હીરામંડી છે મલ્ટીસ્ટાટરર સીરીઝ
સંજય લીલા ભણસાળીની અપકમિંગ વેબ સીરીઝ ‘હીરામંડીઃ ધ ડાયમંડ બઝાર’માં મનીષા કોઈરાલા, સોનાક્ષી સિન્હા, રિચા ચઢ્ઢા, અદિતિ રાવ હૈદરી, સંજીદા શેખ અને શર્મિન સહગલ મહત્ત્વની ભૂમિકા ભજવતા જોવા મળશે. તાજેતરમાં તેનું ગીત ‘સકલ બન’ પણ રીલીઝ થયું હતું. સંજય લીલા ભણસાળીની ફિલ્મોમાં અદભૂત સેટ, સુંદર પોશાક, સિનેમેટોગ્રાફી અને અનોખી સ્ટોરી લાઈનને ખૂબ જ પસંદ કરવામાં આવે છે અને તેમણે તેમની આગામી વેબ સીરીઝમાં પણ આ જ ફ્લેવર આવશે. સ્ટાર કાસ્ટ અને ફર્સ્ટ લુક સામે આવ્યા બાદ હવે તેની રીલીઝ ડેટ પણ જાહેર કરવામાં આવી છે.
View this post on Instagram
‘હીરામંડી’ની રીલીઝ ડેટ જાહેર, ક્યાં જોઈ શકશો?
તાજેતરમાં મુંબઈમાં મહાલક્ષ્મી રેસકોર્સ ખાતે ‘હીરામંડી’નું પ્રીમિયર રાખવામાં આવ્યું હતું. જેમાં તેની રીલીઝ ડેટની જાહેરાત કરવામાં આવી હતી. આ દરમિયાન સીરીઝની લીડિંગ અભિનેત્રીઓ મનીષા કોઈરાલા, સોનાક્ષી સિંહા, રિચા ચઢ્ઢા, શર્મિન સહગલ અને સંજીદા શેખ પણ હાજર રહ્યા હતા. તે જ સમયે, પ્રીમિયરમાં એક અનોખી રીતે રીલીઝ ડેટની જાહેરાત કરવામાં આવી હતી, જેમાં 1000 ડ્રોનનો ઉપયોગ કરવામાં આવ્યો હતો અને સીરીઝની રીલીઝ ડેટ 1 મે 2024 જાહેર કરવામાં આવી હતી. સંજય લીલા ભણસાલીની આ મોસ્ટ અવેટેડ વેબ સીરીઝ 1લી મેના રોજ ઓનલાઈન સ્ટ્રીમ થશે. તમે તેને OTT પ્લેટફોર્મ Netflix India પર જોઈ શકશો.
આ પણ વાંચોઃ કંગનાએ ઉર્મિલાને ‘સોફ્ટ પોર્ન સ્ટાર’ ગણાવતા નિવેદન પર મૌન તોડ્યું
