EDએ મહુઆ મોઇત્રાને વિદેશી હૂંડિયામણ ઉલ્લંઘન કેસમાં સમન્સ પાઠવ્યું
નવી દિલ્હી, 27 માર્ચ: TMC નેતા મહુઆ મોઇત્રાની મુશ્કેલીઓ ઓછી થતી દેખાતી નથી. સૂત્રોના જણાવ્યા અનુસાર હવે એન્ફોર્સમેન્ટ ડિરેક્ટોરેટે તૃણમૂલ નેતા મહુઆ મોઇત્રાને 28 માર્ચે એટલે આવતીકાલે વિદેશી મુદ્રા ભંગ કેસમાં પૂછપરછ માટે બોલાવ્યા છે. એવું પણ કહેવામાં આવી રહ્યું છે કે આ જ કેસમાં ED દ્વારા આવતીકાલે દર્શન હિરાનંદાનીને પણ પૂછપરછ માટે બોલાવવામાં આવ્યા છે.
Enforcement Directorate (ED) has issued third summons to Trinamool Congress leader Mahua Moitra in connection with irregularities in a foreign exchange contravention case asking her to join the probe on March 28 in Delhi: Sources
(File photo) pic.twitter.com/M72BjjMAZR
— ANI (@ANI) March 27, 2024
બિઝનેસમેન દર્શન હિરાનંદાનીને પણ સમન્સ જારી કર્યા
એન્ફોર્સમેન્ટ ડિરેક્ટોરેટે 49 વર્ષીય TMC નેતા મહુઆ મોઇત્રા તેમજ બિઝનેસમેન દર્શન હિરાનંદાનીને ફોરેન એક્સચેન્જ મેનેજમેન્ટ એક્ટ (FEMA) ઉલ્લંઘન કેસમાં પૂછપરછ માટે સમન્સ જારી કર્યા છે. સેન્ટ્રલ બ્યુરો ઑફ ઇન્વેસ્ટિગેશન (CBI) એ કેશ ફૉર ક્વેરી કેસમાં શનિવારે જ તેના પરિસરમાં દરોડા પાડ્યા હતા. ભ્રષ્ટાચાર વિરોધી લોકપાલે CBIને બીજેપી સાંસદ નિશિકાંત દુબે દ્વારા મોઇત્રા પર લગાવવામાં આવેલા આરોપોની તપાસ કરવાનો નિર્દેશ આપ્યો હતો. કેન્દ્રીય એજન્સી દ્વારા થોડા દિવસો બાદ જ દરોડા પાડ્યા હતા.
મહુઆ મોઇત્રા પર નિશિકાંત દુબેએ આરોપ લગાવ્યો
BJP સાંસદ નિશિકાંત દુબેએ આરોપ લગાવ્યો હતો કે મહુઆ મોઇત્રાએ દુબઈ સ્થિત બિઝનેસમેન દર્શન હિરાનંદાનીને રોકડ અને ભેટોના બદલામાં ઉદ્યોગપતિ ગૌતમ અદાણી અને વડાપ્રધાન નરેન્દ્ર મોદી સહિત અન્ય લોકો પર સંસદમાં હુમલો કરવા કહ્યું હતું. દુબેએ આરોપ લગાવ્યો હતો કે મહુઆએ અદાણી ગ્રૂપ વિરુદ્ધ પ્રશ્નો પૂછીને હિરાનંદાનીને ફાયદો કરાવવાનો પ્રયાસ કર્યો હતો.
કેટલાક વ્યવહારો અને ફંડ ટ્રાન્સફર ઉપરાંત નોન-રેસિડેન્ટ એક્સટર્નલ (NRE) ખાતાઓ સાથે સંકળાયેલા વ્યવહારો EDના સ્કેનર હેઠળ છે, એમ સૂત્રોએ જણાવ્યું હતું. બીજી તરફ, મોઇત્રાએ કોઈપણ ગેરરીતિનો ઇનકાર કર્યો છે અને દાવો કર્યો છે કે તેણીને જાણી જોઈને નિશાન બનાવવામાં આવી રહી છે કારણ કે તેણીએ અદાણી જૂથના સોદા પર પ્રશ્નો ઉઠાવ્યા હતા.
આ પણ વાંચો: CBIના સર્ચ ઓપરેશનને મહુઆ મોઇત્રાએ ગણાવ્યું ગેરકાયદે, ECIને લખ્યો પત્ર
