રામકૃષ્ણ મિશનના પ્રમુખ સ્વામી સ્મરણાનંદ મહારાજનું નિધન, PM મોદીએ શોક વ્યક્ત કર્યો

કોલકાતા (પશ્ચિમ બંગાળ), 27 માર્ચ: રામકૃષ્ણ મિશનના પ્રમુખ સ્વામી સ્મરણાનંદનું મંગળવારે રાત્રે વૃદ્ધાવસ્થા સંબંધિત બિમારીઓને કારણે અવસાન થયું હતું. વડા પ્રધાન નરેન્દ્ર મોદી અને પશ્ચિમ બંગાળના મુખ્ય મંત્રી મમતા સહિત અનેક હસ્તીઓએ તેમના નિધન પર શોક વ્યક્ત કર્યો હતો. તેઓ 95 વર્ષના હતા. મિશનના નિવેદન અનુસાર, તેઓ 2017માં રામકૃષ્ણ મિશનના 16મા પ્રમુખ બન્યા હતા.

PM મોદીએ શોક વ્યક્ત કર્યો

Srimat Swami Smaranananda ji Maharaj, the revered President of Ramakrishna Math and Ramakrishna Mission dedicated his life to spirituality and service. He left an indelible mark on countless hearts and minds. His compassion and wisdom will continue to inspire generations.

I had… pic.twitter.com/lK1mYKbKQt

— Narendra Modi (@narendramodi) March 26, 2024

વડાપ્રધાન મોદીએ સોશિયલ મીડિયા પ્લેટફોર્મ ‘X’ પર એક પોસ્ટમાં કહ્યું, ‘રામકૃષ્ણ મઠ અને રામકૃષ્ણ મિશનના આદરણીય પ્રમુખ શ્રીમત સ્વામી સ્મરણાનંદજી મહારાજે પોતાનું જીવન આધ્યાત્મિકતા અને સેવા માટે સમર્પિત કર્યું હતું. તેમણે અસંખ્ય દિલ અને દિમાગ પર અમીટ છાપ છોડી. તેમની કરુણા અને બુદ્ધિમત્તા પેઢીઓને પ્રેરણા આપતા રહેશે. તેમણે આગળ લખ્યું કે, વર્ષોથી મારો તેમની સાથે ખૂબ જ ગાઢ સંબંધ હતો. મને 2020માં બેલુર મઠની મારી મુલાકાત યાદ છે જ્યારે મેં તેમની સાથે વાતચીત કરી હતી. થોડા અઠવાડિયા પહેલા કોલકાતામાં પણ મેં હોસ્પિટલની મુલાકાત લીધી હતી અને તેમની તબિયત વિશે પૂછ્યું હતું.

સીએમ બેનર્જીએ પણ શ્રદ્ધાજંલિ પાઠવી

પશ્ચિમ બંગાળના સીએમ મમતા બેનર્જીએ પણ સ્વામી સ્મરણાનંદના નિધન પર શોક વ્યક્ત કર્યો છે. તેમણે લખ્યું, સ્વામી સ્મરણાનંદે તેમના જીવનકાળ દરમિયાન રામકૃષ્ણ સ્થળોની વિશ્વ પ્રણાલીને આધ્યાત્મિક નેતૃત્વ આપ્યું અને સમગ્ર વિશ્વમાં લાખો ભક્તો માટે આશ્વાસનનો સ્ત્રોત હતા.

છેલ્લા કેટલાક સમયથી સ્વામીની તબિયત નાદુરસ્ત હતી

નિવેદનમાં કહેવામાં આવ્યું છે કે, ‘રામકૃષ્ણ મઠ અને રામકૃષ્ણ મિશનના તેમના પરમ આદરણીય પ્રમુખ શ્રીમત સ્વામી સ્મરાનંદજી મહારાજે આજે રાત્રે 8.14 વાગ્યે મહાસમાધિ લીધી. તબિયત ખરાબ થતાં 29 જાન્યુઆરીએ તેમને રામકૃષ્ણ મિશન સેવા પ્રતિષ્ઠાનમાં દાખલ કરવામાં આવ્યા હતા. બાદમાં તેમને શ્વાસ લેવામાં તકલીફ થવા લાગી. આ પછી, તેમને 3 માર્ચે વેન્ટિલેટર પર મૂકવામાં આવ્યા હતા.

આ પણ વાંચો: મુનાવર ફારુકી વિરુદ્ધ મુંબઈ પોલીસની મોટી કાર્યવાહી, ગેરકાયદે પદાર્થનું સેવન કરતો ઝડપાયો